Kolosefoɛ 1:16 - AHYERƐLƐ KRONGRON

¹⁶ Ofikyɛ ye nu yeɛ bɛbɔle nningyein amukoraa, bɔ ɔwɔ nyameɛso ne aseɛ so ɔ; bɔ benwu ye ɔ ne bɔ bennwu ye ɔ; ahennie oo, meneɛ oo, mbanyililɛ oo, tumililɛ oo, nningyein mukoraa bɛnate ye so yeɛ bɛbɔle ɔ, na bɛbɔle bɛ bɛmane ye.

Kolosefoɛ 1:16 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Yesaya 44:24

AWURADE bɔ ɔte wɔ Defoɛ, bɔ ɔnwone wɔ wɔ eni akunu ne, ɔnwa nyoo: “Me, AWURADE, me yeɛ nyɔle nningyein amukoraa ɔ, me ngome yeɛ ndrɛtrɛle ewienu nu ɔ, me yeɛ me ngome mmayebayele aseɛ nu ndole berɛ ɔ.

Yohane 1:10

Né ɔwɔ wiase dada, na ɔnate ye so yeɛ bɛbɔle wiase ɔ, nakoso wiase annwu ye

Yohane 1:3

Ɔnate ye so yeɛ bɛyɔle nningyein amukoraa ɔ, na bangwati ye banyɔ nikyee biala bɔ bɛyɔle ɔ.

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

Romanfoɛ 8:38

Na mese ye pefee kyɛ ewue anaa ngoa, anaa abɔfo mɔ, anaa ewienu atumifoɛ, anaa nningyein bɔ ɔwɔ berɛ kekesaala ye, anaa nningyein bɔ ɔbaawa, anaa tumi,

Romanfoɛ 9:5

Bɛ yeɛ yɛ nana mbanyi mɔ bɛte bɛ deɛ ɔ; na anwoɔnaen nu, bɛ bosoniɛ ole Kristo bɔ ɔte nningyein mukoraa so Nyameɛ bɔ bayira ye afebɔɔ ne. Amen.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Ɛfesofoɛ 6:12

Ofikyɛ nna yɛne anwoɔnaen ne mogya yeɛ yɛdi ahoɛ ɔ; na mmom yɛne mbanyililɛ ne tumi mɔ ne ewiase awosii nu tumifoɛ ne ewienu dɔ sunzummɔne mɔ.

Deuteronomi 4:39

Yiti, te ye bo ɛnɛ, ná fa sie wɔ ti anu, kyɛ AWURADE te Nyameɛ bɔ ɔwɔ nyameɛso anwuro anwuro ne aseɛ so ɔ, na nyameɛ foforɛ biala nne berɛ ko.

Filipifoɛ 2:10

kyɛ Yesu dumaa nu yeɛ ɔsɛ kyɛ nangoroma mukoraa bɛkoto, bɔ ɔwɔ nyameɛso, bɔ ɔwɔ aseɛ so, ɔne bɔ ɔwɔ aseɛ bo dɔ ɔ,

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

Kolosefoɛ 1:20

Ɔnate ye so Nyameɛ ahwe nningyein mukoraa bɔ bɛwɔ aseɛ so ne nyameɛso wabata ye bɔbɔ ye nwo; na ɔnate ye mmeamudua nu mogya ne aso yeɛ wama sɔ asomdwee ye awa ɔ.

Kolosefoɛ 2:10

Na ɛmɔali mu bɔkɔɔ wɔ ye nu, ye bɔ ɔte tumi ne ahennie amukoraa bɛ ti.

Kolosefoɛ 2:15

Olele mbanyililɛ ne tumililɛ bɛ sa nu tumi, na ɔlale bɛ ali pefee wɔ badwa nu, na olili bɛ so ngonim wɔ mmeamudua ne aso.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.