Kolosefoɛ 1:12 - AHYERƐLƐ KRONGRON

¹² ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Kolosefoɛ 1:12 Iomraidhean Croise

1 Ahemvo 6:7

Nyɔboɛ bɔ bɛfa besili sua ne, besele ye wɔ nekaa bɔ bedwa nyɔboɛ ɔ, na ɔnate sɔ ti mmerɛ bɔ besi sua ne, bande bɔsobaka anaa akumaa anaa buralɛ biala nga wɔ nekaa bɔ besili asɔneyɛɛ sua ne.

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

Edwein 116:7

Ao me kra, sa kɔ nekaa bɔ ede wɔ nwome ne, ofikyɛ AWURADE alo wɔ paa.

Edwein 36:9

Ofikyɛ wɔ yeɛ ɛte ngoa asue ti ɔ, na wɔ kanea ne anu yeɛ yɛnwu kanea ɔ.

Edwein 79:13

Na ɔnate so yɛ bɔ yɛte wɔ maen, mmoaen bɔ yɛdidi wɔ sa nu ne, yɛkɔla wɔ ase afebɔɔ; ofi aworɛ ndoatoasoɛ kɔka aworɛ ndoatoasoɛ, yɛkɔhɔ so yɛkɔye wɔ ayɛ.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Anyandera 16:1

Kuro sona yɛ nhyehyɛleɛ wɔ ye ti anu, nakoso temverema ye mmuayɛɛ ofi AWURADE berɛ.

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Daniel 2:23

O, me nana mɔ Nyameɛ, meyɛ wɔ mmo meye wɔ ayɛ, kyɛ ama me nworɛ ne tumi, ná afei ala bɔ yasrɛ wɔ ne ali ahyire me ɔ, ofikyɛ ala Nana laleɛ ne ali ahyire yɛ.”

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 4:23

Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ.

Asomafoɛ 20:32

“Afei, mefa ɛmɔ mewura Nyameɛ sa, ɔne ye adom dwirɛ ne anu; na adom dwirɛ ne yeɛ ɔkɔhora kɔma ɛmɔkonyi ná wama ɛmɔ agyapadeɛ bɔ wahyehyɛ wato berɛ wama anwoteefoɛ mukoraa ne ɔ.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 11:17

Babubu olive bakaa bɔ bahyɛ da balua ne mmaen ne bie bagua, na bafa ɛmɔ, Amaenmaensofoɛ bɔ ɛmɔte kyɛ olive bakaa bɔ ogyi ye buro ne basi bɛ gya nu, amaa ɛmɔ koso ɛmɔanya kyɛfa wɔ bakaa ne ndii ne ye nzue nu.

Romanfoɛ 15:27

Ɔyɛle bɛ fɛ kyɛ bɛkɔyɔ sɔ ɔ; nahorɛ nu, ɔte b’asɛdeɛ kyɛ bɛboka bɛ ɔ. Ofikyɛ sɛ Amaenmaensofoɛ banya Yudafoɛ sunzum nu saleɛ ne bie de a, nzaade ɔsɛ kyɛ bɛ koso bɛfa b’anwoɔnaen nu saleɛ ne bie bɛboka bɛ.

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

1 Korintofoɛ 9:23

Nzɛmba ne ati yeɛ meyɔ ɛhe amukoraa ɔ, amaa me koso manya nu saleɛ ne bie.

2 Korintofoɛ 11:14

Na ɔnyɛ nwanwa! Ofikyɛ Abɔnzam po kakyi ye nwo kyɛ nahorɛ abɔfo.

2 Korintofoɛ 5:5

Nyameɛ yeɛ wasiesie yɛ wama sɔ nhyehyɛleɛ ye ɔ, na wafa ye Sunzum ne wasi ye agyinayɛɛ.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 2:18

ofikyɛ ye so yeɛ yɛ munyɔ ne yɛnate Sunzum komapɛ nu yɛnya atee yɛkɔ Baba ne berɛ ɔ.

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Ɛfesofoɛ 4:6

yɛ mukoraa yɛ Nyameɛ ne Baba komapɛ bɔ odi yɛ mukoraa so ɔ, odi dwumaa wɔ yɛ mukoraa nu, na ɔte yɛ mukoraa nu.

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Ɛfesofoɛ 5:20

na mmerɛ biala ne nikyee biala nu, ɛ́mɔfa asennaa bɛ́ma Baba Nyameɛ wɔ y’Awurade Yesu Kristo dumaa nu.

Ɛfesofoɛ 5:4

Nnɛmɔma nyanzoen dwirɛ, ngwaseasɛm anaa aseresɛm bɔ ɔmvata ɔ nwo dwirɛ fite ɛmɔ nu, na mmom asennaa.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

Kolosefoɛ 2:2

Meyɔ ɛhe kyɛbɔ bɛ wora kɔkyekye ná bayɛ ko wɔ ɔdɔ nu, ná banya ndeaseɛ bɔ osi pi, ɔne kyɛ bekonwu Nyameɛ mvealeɛ nu dwirɛ ne, bɔ ye ole Kristo ɔ.

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 12:23

Ɛmɔawa Nyameɛ bamuɛbaa nemɔ bɔ bahyerɛ bɛ dumaa wɔ nyameɛso ne bɛ nyianu, ɔne Nyameɛ bɔ ɔte adasa mukoraa ndɛenbualɛniɛ ne berɛ, ɔne teneneefoɛ sunzum bɔ bali mu bayie nemɔ berɛ.

Hebrifoɛ 3:1

Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Yakobo 3:9

Ye yeɛ yɛfa yɛyirayira yɛ Nyameɛ ne Baba ne; na ye komapɛ ne ala yeɛ yɛfa yɛnoma kuro mmenia bɔ Nyameɛ abɔ bɛ kyɛ ye sɛso ɔ.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Yohane 1:3

Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.

Nyekyire 21:23

Na kuro ne nhia kyɛ eyia kɔbɔ nu anaa ɛsraen kɔta nu ɔ, ofikyɛ Nyameɛ animnyam ta wɔ nu, na Boaen Ba ne yeɛ ɔte ye kanea ɔ.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

Nyekyire 22:5

Na aleɛ ngɔsa berɛ ko; yeɛ benhia kanea anaa eyia ye hyireinn; ofikyɛ Awurade Nyameɛ yeɛ ɔkɔyɛ bɛ kanea ɔ, na bekoli hene afebɔɔ.