Kolosefoɛ 1:10 - AHYERƐLƐ KRONGRON

¹⁰ Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Kolosefoɛ 1:10 Iomraidhean Croise

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Daniel 12:4

Nakoso wɔ, Daniel, nnɛbɔ edwirɛ ne aso, na fa nzɔanoɛ sɔ nwomaa ne noa kɔpem kyɛ ayieleɛ ne kɔwa ɔ. Mmeni pee kɔpere bɛ nwo bekoli akɔneaba, na nimdeɛ kɔsone.”

Mika 4:5

Ofikyɛ amaen maen amukoraa, bɛ nu biala nate wɔ ye nyameɛ dumaa nu, nakoso yɛ de, yɛkɔnate AWURADE yɛ Nyameɛ dumaa nu afebɔɔ.

Habakuku 2:14

Ofikyɛ AWURADE animnyam nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:8

Na ɛhe anu yeɛ ɛmɔhyɛ me Baba animnyam ɔ, sɛ ɛmɔsu mmaa pee a, na ɛhe yeɛ ɔmaa ɛmɔyɛ m’asuafoɛ ɔ.

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Romanfoɛ 1:13

Aliɛmaa mɔ, mekuro kyɛ ɛmɔnwu ye kyɛ, mmerɛ pee yeɛ mayɛ m’adwene kyɛ ngɔɔpasa ɛmɔ nwo ɔ, amaa me nzɛmbahanɛ ne asakyera ɛmɔ nu bie, kyɛbɔ wayɛ wama Amaenmaensofoɛ ngaa nen, nakoso ɔyɛ a né nikyee foforɛ bie asi m’ate.

Romanfoɛ 4:12

Sɔ ala yeɛ Abraham te bɛ bɔ bapɛ bɛ bienzua ne bɛ nana ɔ; nna bɛ bienzuapɛlɛ ne ngome po, na mmom bɛfa gyidie bɔ yɛ nana Abraham nyane ye koraka yeɛ bɛpɛ ye bienzua ne bɛyɛ nhwɛsoɛ.

Romanfoɛ 6:4

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

2 Korintofoɛ 5:9

Yiti yafa yasie yɛ nye so kyɛ, sɛ yɛwɔ anwoɔnaen he anu oo, sɛ yɛnne nu oo, yɛkɔsɔ Awurade nye.

2 Korintofoɛ 9:8

Nyameɛ kora ma ɛmɔnya saleɛ amukoraa mmorosoɛ, amaa mmerɛ biala ɛmɔ sa ahã nikyee biala bɔ ɛmɔhia ɔ, na ɛmɔkonya ye mmorosoɛ na ɛmɔafa bie baboka adwuma paa.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 4:13

kodwu kyɛ yɛ mukoraa yɛkonya Nyameɛ Awa ne nwo gyidie ɔne ye nwo nimdeɛ wɔ koyɛyɛlɛ nu, ná yayɛ mmenia bɔ yanyi yayie, bɔ yanya Kristo ye sue tebea ne tɛkyɛ ɔ,

Ɛfesofoɛ 5:10

na ɔsɛ kyɛ ɛmɔso bɔ ɔsɔ Awurade nye ne bɛnea.

Ɛfesofoɛ 5:15

Yiti ɛ́mɔnea ɛmɔ nwo yé wɔ atee bɔ ɛmɔnate so ɔ nwo; nnɛma ɛmɔyɛ kyɛ mmenia bɔ bɛnze nworɛ ɔ, na mmom kyɛ nworɛfoɛ.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.

Kolosefoɛ 2:19

Sɔ sona ne wapo kyɛ okotira Tire ne bɔ nipadua ne fa ye aporɔ so ne ye ndii so onya aleɛ ná ɔtoatoa nu ne, na onyi wɔ enyinɛ bɔ ofi Nyameɛ berɛ ɔ nu.

Kolosefoɛ 2:6

Yiti kyɛbɔ ɛmɔale Awurade Kristo Yesu bato nu nen, ɛmɔhɔ so bɛnate wɔ yde nu.

Kolosefoɛ 3:20

Ngwadaa, ɛ́mɔyɛ sotie bɛ́ma ɛmɔ awofoɛ mɔ wɔ nikyee biala nu, na ɛhe yeɛ ɔsɔ Awurade nye ɔ.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

1 Tɛsalonikafoɛ 4:1

Aliɛmaa mɔ, bɔ ɔpɛ ye bo ɔ, yɛ́srɛ ɛmɔ, ná yɛtu ɛmɔ foɛ wɔ Awurade Yesu nu kyɛ, kyɛbɔ ɛmɔsuane kyɛbɔ ɛmɔkosi bɛkɔbɔ bɛ bra bɔ ɔsɔ Nyameɛ nye befili yɛ berɛ nen, ɛmɔhɔ so bɛyɔ ye mmorosoɛ kyɛbɔ ɛmɔyɔ ne ala.

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.

Tito 3:1

Kaye bɛ ma bɛbrɛ bɛ nwo ase bɛma maen mbanyi ne bɛ bɔ tumi wura bɛ sa ɔ, kyɛ bɛyɛ sotie, ná bésiesie bɛ nwo bɛ́ma nnwumaa paa biala;

Tito 3:14

Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.

Hebrifoɛ 11:5

Ɔnate gyidie so yeɛ behwimini Henɔke bɛhɔle bɔ wanwu ɔ. Ebiala annwu ye, ofikyɛ Nyameɛ fale ye hɔle. Na anzana bɛbaafa ye bɛkɔ nyameɛso nen, né ye nwo adanzeɛ kyire kyɛ ɔsɔ Nyameɛ nye.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

2 Petro 1:8

Na sɛ ɛmɔle sɔ suban paa hemɔ mmorosoɛ a, bɛngɔma ɛmɔngɔtena berɛ mbaen anaa ɛmɔngɔyɛ mmenia bɔ benzu mmaa wɔ y’Awurade Yesu Kristo nwo nimdeɛ nu ɔ.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

3 Yohane 1:6

Bɛ yeɛ bali wɔ dɔ ne nwo adanzeɛ bahyire asɔre ne ɔ. Na ɔte paa kyɛ ekogua bɛ ate kama bɔ ɔfata Nyameɛ solɛ ɔ.