Hosea 9:8 - AHYERƐLƐ KRONGRON

⁸ Ngɔmhyɛlɛniɛ ne te Efraim wɛmvoɛ, me Nyameɛ maen ne, nakoso ngaensualɛniɛ asua ye ngaen wɔ ye atee amukoraa nu, na bɛpɔ ye wɔ ye Nyameɛ awuro.

Hosea 9:8 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

1 Ahemvo 18:1

Nziɛ ye, afoɛ bɔ ɔtɔ so nza ne anu, AWURADE lale ye dwirɛ ali hyirele Elia kyɛ, “Fa wɔ nwo kohyire Ahabo, na ngɔma esue kɔtɔ kogua aseɛ ye aso.”

1 Ahemvo 18:19

Afei, ma Yisrael amukoraati bɛbɔ dwaa beyia me wɔ Kamɛl bokaa so. Baal ahɔmeɛ ɛyaa nna ne aburannu nemɔ, bɛ ne bosoen Asera ahɔmeɛ ɛyaa nna nemɔ, bɔ Yesebɛl yeɛ ɔma bɛ aleɛ ne, maa bɛbra berɛ bie.”

1 Ahemvo 22:11

Bɛ nu ko bɔ ye ole Kenaana awa Sedekia ne, ɔyɔle buralɛ mmɛen mɔ fale, na ɔhane kyɛ, “AWURADE nwa, ‘Mmɛen hemɔ yeɛ ɛkɔfa kɔpemo Siriafoɛ maa okoodwu kyɛ ekohũhũ bɛ ɔ.’ ”

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

1 Ahemvo 22:28

Yeɛ Mikaya sele kyɛ, “Sɛ efi koɛ ne noa esa ba asomdwee nu a, ye de nna AWURADE yeɛ wafa me so wadwudwo ɔ.” Na ɔtoale so sele kyɛ, “Ɛmɔ amukoraa, ɛ́mɔfa bɛsa terɛ nwo!”

1 Ahemvo 22:6

Yiti Yisrael hene boaboale ngɔmhyɛlɛfoɛ nemɔ noa. Bɛ somaa te kɔyɛ ɛyaa nna. Na obisale bɛ kyɛ, “Mva koɛ ngɔndoa Ramote Gileade, anaa nyakyi?” Bebuale kyɛ, “Nana, kɔ, ofikyɛ AWURADE kɔfa kuro ne kowura wɔ sa.”

2 Ahemvo 13:21

Mmerɛ bɔ Yisraelfoɛ wɔ so bɔ besie biaa bie ne, benwuni Moabofoɛ koɛhonɛfoɛ bɔ bɛbɔ apaa ɔ. Yiti begyili fuin ne bɛtole Elisa asieleɛ ne anu. Biaa ne fuin ne hane Elisa mmowue pɛ, otingyele fili ewue nu, na odwɔsole gyinane ye gya so.

2 Ahemvo 2:14

Elia ataadeɛ aguasoɛ bɔ ofili ye nwo puro guale ase ne, Elisa fa fini asue ne anye, na obisale kyɛ, “AWURADE, Elia ye Nyameɛ ne, ɔwɔ ni?” Ɔfale ataadeɛ ne fini asue ne anye ne, asue ne anu pakyele nyɔ guale bɛen ne famaa, na ɔfale nu pɛle asue ne.

2 Ahemvo 2:21

Yeɛ Elisa hɔle mbombonzue ne anwo, ohwiele ngyee ne guale nu, na ɔhane kyɛ, “AWURADE nwa nyoo, ‘Mama nzue he ayɛ paa. Ofi ɛnɛ bɔ ɔkɔ ɔ, nzue he, ɔngɔma ebiala ngowu, yeɛ ɔngɔma ebiala ngɔpɔ baa.’ ”

2 Ahemvo 4:41

Yeɛ Elisa sele kyɛ, “Nzaade ɛ́mɔma me esam kãa.” Ɔfa guale turonzemaa ne anu, na ɔhane kyɛ, “Sa bie maa beli.” Na turoo bɔ ɔwɔ turonzemaa ne anu ne, ɛborɔ ne fili nu.

2 Ahemvo 4:43

Nakoso ye somvoɛ ne bisale kyɛ, “Aso ɛhe kɔso mmenia ɛyaa ko di?” Yeɛ Elisa sa sili so kyɛ, “Fa ma mmenia ne maa beli, ofikyɛ AWURADE nwa, ‘Bekoli maa ebie kɔha.’ ”

2 Ahemvo 5:14

Yiti osili nu hɔle asue Yɔɔdan nu ɔɔtɔle nu pɛen nzoo, kyɛbɔ Nyameɛ sona ne hane ne ala. Na ye nwonaen sa tɔle so kyɛ akwadaa kaaba deɛ, na ye nwo tele.

2 Ahemvo 5:27

Ɔnate ye sɔ ti, Naaman kwata anwonyerɛ ne kɔte kɔha wɔ ne wɔ boso ama so afebɔɔ.” Yiti Gehasi fili Elisa nyunu berɛ hɔle bɔ né kwata anwonyerɛ ayɛ ye ma ye nwo ayɛ horaenn kyɛ asukɔtwea ɔ.

2 Ahemvo 7:19

sɔ safohene ne buale Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale kyɛ, “Ɛkɔfa wɔ nye konwu ye, nakoso engoli bie.”

2 Ahemvo 7:2

Yeɛ Yisrael hene safohene bɔ ode ye di paa ne sele Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale ye kyɛ, “Ɛkɔfa wɔ nye konwu ye, nakoso engoli bie.”

Edwein 124:7

Yɛ kra anya ye ti wadidi nu kyɛ anomaa wafi ngaensualɛfoɛ nemɔ bɛ ngaen nu, ngaen ne anu abubu, na yanya yɛ ti yadidi nu.

Nworɛ Dwirɛhanɛniɛ 9:12

Sona biala nze ye mmerɛ deɛ. Na kyɛbɔ bɛfa asawu atianuserɛserɛ bɛkye egyein, ná besua ngaen bɛkye nnomaa ne, sɔ ala yeɛ mmerɛ tɛɛ te ngaen bɔ ɔkye adasa mvum nu ɔ.

Edwein Nu Dwein 3:3

Awɛmvoɛ bɔ bekyinikyini bɛwɛne kuro berɛ ne, beyiale me. “Aso ɛmɔanwu biaa bɔ me kra kuro ye ne?”

Yesaya 62:6

O Yerusalem, wɔ fasue nemɔ aso yeɛ mafa awɛmvoɛ magyinagyina ɔ; alehyeleɛ nu amukoraa ne alesaleɛ nu amukoraa bengomua bɛ noa. Ɛmɔ bɔ ɛmɔsu bɛfrɛ AWURADE ne, nnɛma ɛmɔyakyi bede bɛ nwome.

Yeremia 11:19

Nakoso né nde kyɛ boaen akrɔngrɔma brɛfo bɔ bɛ́fa ye bɛ́kɔ akumyɛɛ ɔ. Na né menze kyɛ babɔ me ti so porɛ kyɛ, “Ɛ́mɔma yɛsɛkye bakaa ne, ɔne ye mma ne, ɛ́mɔma yɛ́bu ye yɛ́fi ateasefoɛ aseɛ so, amaa ɔnate so bangaye ye dumaa ko!”

Yeremia 14:13

Yeɛ ngane kyɛ, “Aa, AWURADE Nyameɛ! Nea kyɛ ngɔmhyɛlɛfoɛ nemɔ bɛkekã bekyire bɛ kyɛ, ‘Ngrandɛ ngohũhũ ɛmɔ, yeɛ ɛhɔen ngɔpe ɛmɔ wa, na mmom ngɔmaa ɛmɔkonya asomdwee bɔ odi mu ɔ wɔ ɛwa.’”

Yeremia 23:13

Nwuni nikyee bie bɔ ɔte ngwaseasɛm ɔ wɔ Samaria ngɔmhyɛlɛfoɛ nemɔ anwo. Bɛfale Baal bɛhyɛle ngɔm, na bɛmane me maen Yisrael lili makyebu.

Yeremia 31:6

Ofikyɛ kyẽa bie kɔwa bɔ awɛmvoɛ mɔ bɛkɔtea nu wɔ Efraim mmokaa aseɛ so kyɛ, ‘Ɛ́mɔdwɔso oo! Ɛ́mɔma yɛfo yɛhɔ Sion, yɛhɔ AWURADE yɛ Nyameɛ berɛ.’ ”

Yeremia 6:14

Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 6:17

Asa koso, nyeyele awɛmvoɛ kyɛ bɛbɔ ɛmɔ kɔkɔ kyɛ, ‘Ɛ́mɔtie totorobɛndo ne hulɛ ne!’ Nakoso bɛnwa, ‘Yɛngotie.’

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Awuye 4:13

Ofikyɛ ye ngɔmhyɛlɛfoɛ nemɔ bɛ bɔne, ɔne ye asɔfo nemɔ b’amumuyɛɛ ti yeɛ ɔwale ye sɔ ɔ. Bahã teneneefoɛ mogya bagua wɔ ye nu.

Hesekiel 3:17

“Sona awa, mafa wɔ mayɛ Yisrael awuro ama so wɛmvoɛ; yiti tie me noa dwirɛ, ná fa bɔ bɛ kɔkɔ ma me.

Hesekiel 33:7

“Yiti wɔ, Sona awa, mafa wɔ mayɛ Yisrael awuro ama bɛ wɛmvoɛ. Yiti tie me noa dwirɛ, ná fa bɔ bɛ kɔkɔ.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Mika 7:4

Bɛ nu sona paa ne po ɔte kyɛ ɛfone, bɛ nu teneneeniɛ paa ne, ɔte mmowue anoa tworɔntworɔn; w’awɛmvoɛ mɔ kyẽa ne, ɔne w’asohwenɛ kyẽa ne ɔ́ba, bɛ basabasayɔlɛ mmerɛ ne wadwu.

Yohane 15:24

Sɛ manyɔ nnwumaa bɔ ebiala ɔyyɔle bie le wɔ bɛ nu a, ahaa benni bɔne nwo foɛ; na afei de, banwu ye, nakoso bapɔ me ne me Baba.

Romanfoɛ 3:7

Na sɛ me ngondombo ma Nyameɛ nahorɛ da di petee maa onya animnyam a, né nzu ati yeɛ bebua me ndɛen kyɛ nde bɔnefoɛ ɔ?

Hebrifoɛ 13:17

Ɛ́mɔyɛ sotie bɛ́ma ɛmɔ mbanyi mɔ ná ɛ́mɔbrɛ ɛmɔ nwo ase bɛma bɛ; ofikyɛ bɛnea ɛmɔ kra so, na bekobu bɛ nwo ngondaa ɔ, Ɛ́mɔyɛ sotie bɛ́ma bɛ amaa bayɔ b’adwuma wɔ anika so; na banyɔ ye aworabɔlɛ nu, ofikyɛ ɛhe nwo ngɔwa mvasoɛ biala ngɔma ɛmɔ.