Hosea 9:7 - AHYERƐLƐ KRONGRON

⁷ Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Hosea 9:7 Iomraidhean Croise

2 Ahemvo 9:11

Yehu sa wale ye mene ye safohene nemɔ anwo berɛ ne, bebisale ye kyɛ, “Nikyee biala te bɔkɔɔ de? Nzu ati yeɛ akoaa bɔnamvoɛ ne wale wɔ berɛ ɔ?” Yehu buale bɛ kyɛ, “Naa ɛmɔse sɔ biaa ne, ɔne kyɛbɔ osi kekã ye dwirɛ ɔ.”

Yesaya 10:3

Nzu yeɛ ɛmɔkɔyɔ ye wɔ asohwenɛ kyẽa ne ɔne amaneɛnwunɛ bɔ okofi dedeede kɔwa ne anu ɔ? Nwa berɛ yeɛ ɛmɔkɔnwati bɛkɔɔpena mmokalɛ ɔ, nisua yeɛ ɛmɔkɔyakyi ɛmɔ anwonya ne ɔ?

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Yesaya 34:8

Ofikyɛ ɔte AWURADE wereɛtɔlɛ kyẽa, ɔne afoɛ bɔ ɔkɔma Sion kosa konya bɔ wafi ye sa ne ɔ.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yeremia 10:15

Mvasoɛ nne bɛ so, bɛte nnakannaka adwuma; na b’asohwenɛ mmerɛ ne dwu a, bɛkɔsɛkye bɛ.

Yeremia 11:23

na bɛ nu biala ngɔha. Ofikyɛ ngɔprapra musue ngogua Anatotefoɛ so, wɔ b’asohwenɛ afoɛ ne anu.

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Yeremia 23:13

Nwuni nikyee bie bɔ ɔte ngwaseasɛm ɔ wɔ Samaria ngɔmhyɛlɛfoɛ nemɔ anwo. Bɛfale Baal bɛhyɛle ngɔm, na bɛmane me maen Yisrael lili makyebu.

Yeremia 25:14

Ofikyɛ maen maen mɔ pee ne ahemvo atitire kɔfa bɛ kɔyɛ ngoaa. Na ngotua bɛ so kerɛ kyɛbɔ bɛ yɔleɛ ne bɛ sa noa adwuma te ɔ.”

Yeremia 29:26

‘AWURADE afa wɔ wali sɔfo maa asi ɔsɔfo Yehoada gya nu, kyɛ ɛnea AWURADE awuro ne aso, ná ebiala bɔ wabɔ laen, nakoso ɔyɛ ye nwo ngɔmhyɛlɛniɛ ne, ɛ́bɔ ye panwu, ná égua ye ngɔnzɔngɔnzɔ.

Yeremia 46:21

Ye koɛhonɛfoɛ bɔ wabɔ bɛ paa ne, bɛwɔ ye nu, bɛte kyɛ nandwie mɔ bɔ balɔ ɔ; ofikyɛ bɛ koso basa bɛ si, na babɔ nu banwati bahɔ. Bangora gyina, ofikyɛ b’amaneɛnwunɛ kyẽa ne b’asohwenɛ mmerɛ ne, wawa bɛ so.

Yeremia 6:14

Bande bɛ nye bammia me maen ye ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Yeremia 8:11

Bande bɛ nye bammia me maen ngena mɔ. Na bɛnwa, ‘Asomdwee oo, asomdwee oo,’ wɔ aberɛ bɔ asomdwee nne berɛ ɔ.

Awuye 2:14

Nningyein mbaen mbaen ne nnakannaka yeɛ wɔ ngɔmhyɛlɛfoɛ banwu bama wɔ ɔ; na banna w’amumuyɛɛ ali bɔ ɔnate so kɔmaa bɛkɔye wɔ bekofi nnurehyelɛ nu ɔ. Na mmom ngondombo ne nnakannaka nyekyire yeɛ banwu ye bama wɔ ɔ.

Hesekiel 13:10

Na ɔnate kyɛ bɛlakalaka me maen bɛkã kyɛ, ‘Asomdwee,’ wɔ aberɛ bɔ asomdwee nne berɛ ɔ; yeɛ sɛ maen ne to fasue a, sɔ ngɔmhyɛlɛfoɛ nemɔ bɛfa ewure bɛkã ye nwo ne ati,

Hesekiel 13:3

AWURADE Nyameɛ nwa nyoo: Musue to ngɔmhyɛlɛfoɛ ngwaseafoɛ bɔ bɛ bɔbɔ bɛ sunzum diedie bɛ, wɔ aberɛ bɔ bennwuni huu ɔ!

Hesekiel 25:17

Ngɔfɛ yaa piri paa ngɔtɔ bɛ so wereɛ piri; na sɛ metɔ bɛ so wereɛ a, yeɛ bekonwu kyɛ me ole AWURADE ɔ.’ ”

Hesekiel 38:23

Yiti ngɔla me piri ne me krongronyɛlɛ ali. Na ngɔye me nwo ali ngɔma maen maen pee bekonwu me, na afei bekonwu kyɛ me ole AWURADE.

Hesekiel 9:10

Yiti me koso mengɔkorɔkorɔ bɛ, yeɛ mengonwu bɛ anwumvoin, na mmom ngɔma bɛ yɔleɛ kɔbɔ bɛ ti so.”

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 5:9

Efraim kɔkakyi kurofoen wɔ asohwenɛ kyẽa ne anu; mafa edwirɛ bɔ ɔkɔwa nu amba ɔ mato dwaa wɔ Yisrael mmusua kure nemɔ anu.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 9:8

Ngɔmhyɛlɛniɛ ne te Efraim wɛmvoɛ, me Nyameɛ maen ne, nakoso ngaensualɛniɛ asua ye ngaen wɔ ye atee amukoraa nu, na bɛpɔ ye wɔ ye Nyameɛ awuro.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Mika 2:11

Sɛ ebie nate ɔkekã edwirɛ mbaen mbaen ne ngondombo dwirɛ kyɛ, “Ngɔhyɛ nzaa ne nzaa serɛ nwo ngɔm ngohyire wɔ” a, ye yeɛ bekobu ye kyɛ ɔte maen ngɔmhyɛlɛniɛ ɔ.

Mika 7:4

Bɛ nu sona paa ne po ɔte kyɛ ɛfone, bɛ nu teneneeniɛ paa ne, ɔte mmowue anoa tworɔntworɔn; w’awɛmvoɛ mɔ kyẽa ne, ɔne w’asohwenɛ kyẽa ne ɔ́ba, bɛ basabasayɔlɛ mmerɛ ne wadwu.

Sefania 3:4

Ye ngɔmhyɛlɛfoɛ bɛte anwohoahoafoɛ, nnakannaka mmenia, ye asɔfo mɔ begua nekaa krongron berɛ nwo fiɛ, na bɛmva mmeraa ne bɛnyɛ huu.

Marko 3:21

Na ye abusuafoɛ tele sɔ nen, bɛhɔle kyɛ bɛkwaafa ye bɛkɔ, ofikyɛ né mmenia kekã kyɛ, “Ye ti asɛkye.”

Luka 21:22

ofikyɛ sɔ ngyẽa ne te wereɛtɔlɛ ngyẽa, bɔ ɔma bɔ bahyerɛ ne amukoraa ba nu ɔ.

2 Korintofoɛ 5:13

Sɛ y’adwene asɛkye a, wasɛkye wama Nyameɛ; yeɛ sɛ y’adwene nu la berɛ a, ɔla ma ɛmɔ.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.