Hosea 9:3 - AHYERƐLƐ KRONGRON

³ Bɛngɔtena AWURADE aseɛ ne aso, na mmom Efraim kosa kɔhɔ Misraim, na bekoli nningyein bɔ bɛ nwo nde ɔ wɔ Asiria.

Hosea 9:3 Iomraidhean Croise

1 Ahemvo 9:7

ye de ngɔpɛ Yisraelfoɛ asue ngofi aseɛ bɔ mafa mama bɛ ne aso, na sua bɔ mate ye nwo mafa me dumaa mato so ne, ngɔye me nye ngofi so. Na Yisrael kɔkakyi maen amukoraa bɛ noa nu anyandera ne ngorohoɛ dwirɛ.

2 Ahemvo 17:6

Hosea lili hene ne, afoɛ bɔ ɔtɔ so ngona ne anu, Asiria hene ho fale Samaria. Ɔsesale Yisraelfoɛ hɔle Asiria. Ɔfale bɛ ooguale Hala, asue Habo bɔ ɔla Gosan ne anoa, ɔne Medese nguro nemɔ aso.

Yeremia 16:18

Na ngoli moa ngotua bɛ b’amumuyɛɛ ne bɛ bɔne so kerɛ mmɔhoɛ nyɔ, ofikyɛ bagua m’aseɛ nwo fiɛ, na bafa bɛ nningyein fiɛ ne b’akyiwadeɛ mɔ fuin bayi m’agyapadeɛ ne aso to.”

Yeremia 2:7

Mvale ɛmɔ mmale aseɛ bɔ ɔkye aleɛ ɔ so, kyɛ ɛmɔli so aleɛ ne so nningyein paa nemɔ. Nakoso ɛmɔdwuli m’aseɛ ne aso ne, ɛmɔfale efiɛ bɛhane ye, ná ɛmɔmane m’agyapadeɛ yɛle akyiwadeɛ.

Awuye 5:6

Yafa yɛ nwo yawura Misraimfoɛ ne Asiriafoɛ bɛ bo, kyɛbɔ ɔkɔyɛ bɔ yɛkonya aleɛ yɛkoli ɔ.

Hesekiel 4:13

Yeɛ AWURADE sele kyɛ, “Sɔ ala yeɛ Yisraelfoɛ bekoli b’aleɛ bɔ ye nwo nde ɔ, wɔ maen maen mɔ bɔ ngɔsoa bɛ ngɔhɔ so nemɔ anu ɔ.”

Daniel 1:8

Nakoso Daniel yɛle ye adwene kyɛ ongoli Nana aleɛ ngɔno ye nzaa ne, ná ɔngɔfa ngogua ye nwo fiɛ. Yiti ɔsrɛle sayɛɛ panyi ne kyɛ ɔma ye ate, amaa ɔnate so wangua ye nwo fiɛ.

Hosea 11:11

Bekofi Misraim bɛkɔwa bɔ bɛ nwo wosowoso bɛ kyɛ anomaa ɔ, ɔne Asiria aseɛ so bɛkɔwa bɔ bɛ nwo wosowoso bɛ kyɛ abubure ɔ, na ngɔfa bɛ ngɔtena b’awuro mɔ nu, AWURADE noa dwirɛ ɛne.

Hosea 11:5

Ongosa ngɔhɔ Misraim aseɛ so, na mmom Asiria koli ye so hene, ofikyɛ bapo kyɛ bekosa bɛkɔwa me berɛ ɔ.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 7:16

Besa bɛ si, nakoso bɛmma Anwuro Anwuroniɛ ne berɛ, bayɛ kyɛ nnakannaka agyaen, b’atitirefoɛ mɔ kɔtotɔ ngrandɛ noa; ɔnate bɛ noa dwirɛ mvamva ne ati, mmenia kɔfa ɛhe kɔgoro bɛ nwo wɔ Misraim aseɛ so.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 9:6

Ofikyɛ, tie, ɔnate ehuhunɛ ne ati, mmenia nemɔ banwati bahɔ. Misraim kɔboa bɛ noa, na Memfise kosie bɛ. Ndetema kofifi nekaa bɔ bɛ dwetɛ nningyein paa gua ne, na agurɛ kofifi bɛ tena sua nemɔ anu.

Lewitikɔso 18:28

Sɛ ɛmɔfa efiɛ bɛka aseɛ ne a, AWURADE kɔma aseɛ ne kɔpo ɛmɔ, kyɛbɔ ɔmane aseɛ ne pole maen bɔ né bɛte so daa ne.

Lewitikɔso 20:22

“Ɛ́mɔli m’ahyɛdeɛ amukoraa ne me nhyehyɛleɛ amukoraa so, ná ɛ́mɔfa bɛ́bɔ bɛ bra, ná mamma aseɛ bɔ méfa ɛmɔ mékɔ so ne wambo ɛmɔ.

Lewitikɔso 25:23

Onni kyɛ bɛte aseɛ ne terama, ofikyɛ aseɛ ne te me deɛ, na me nyunu de, ɛmɔte ɛwɔfoɛ ne hwɛsofoɛ.

Amose 7:17

Yiti AWURADE nwa nyoo, ‘Ɛye kɔyɛ gyanderaniɛ wɔ kuro ne anu, na wɔ mma mmienzua ne wɔ mma mmrasua kɔtotɔ ngrandɛ noa, bɛkɔfa ɛwɛen bɛkɔto w’aseɛ nu bɛkɔhyɛ bɛkɔfa, ekowu wɔ aseɛ bɔ ye nwo agua fiɛ ɔ so, na amba, bɛkɔhye Yisrael nnure bekofi ye aseɛ so bɛkɔhɔ.’ ”

Mika 2:10

Ɛ́mɔdwɔso, ná ɛmɔhɔ, ofikyɛ nna ɛwa yeɛ odi kyɛ ɛmɔde bɛ nwome ɔ; ofikyɛ ɛwa nwo agua fiɛ, na okohũ ɛmɔ ewue yealɛ paa.

Asomafoɛ 10:14

Na Petro sele kyɛ, “Daabi, Awurade, ofikyɛ nnnili nikyee biala bɔ bekyi na ye nwo nde le.”

Deuteronomi 28:63

Na kyɛbɔ AWURADE nye gyele kyɛ ɔkɔmaa okosi ɛmɔ yé, ná ɛmɔata pee nen, sɔ ala yeɛ ɔkɔyɛ AWURADE fɛ kyɛ okohũhũ ɛmɔ, ná wama ɛmɔ boso anua ɔ. Na okotu ɛmɔ kofi aseɛ bɔ ɛkwaafa tena so ne aso.

Deuteronomi 28:68

AWURADE kɔsesa ɛmɔ kogua ɛlɛen mɔ nu kosa kɔfa ɛmɔ kɔhɔ Misraim. Ɔkɔfa ɛmɔ kɔfa atee bɔ ɔhyɛle ɛmɔ bɔ kyɛ ɛmɔ nye ngonwu ye ko ne aso; na berɛ yeɛ ɛmɔkɔyɛ bɛ nwo atɔen bɛkɔma ɛmɔ pɔfoɛ mɔ, kyɛ bɛ́fa ɛmɔ bɛ́yɛ nganga mmienzua ne mmrasua ɔ, nakoso ebiala ngɔtɔ ɛmɔ po.”

Deuteronomi 4:26

ye de méfrɛ anwuro ne aseɛ maa bedi adanzeɛ betia ɛmɔ ɛnɛ kyẽa ye, kyɛ ɔngɔhyɛ biala ɛmɔ boso konua bɔkɔɔ wɔ aseɛ bɔ ɛmɔkwaapɛ asue Yɔɔdan bɛkɔfa ne aso. Ɛmɔngɔtena so bɛngɔhyɛ, na ɛmɔ boso konua bɔkɔɔ.

Yosua 23:15

Nakoso, nningyein paa bɔ AWURADE ɛmɔ Nyameɛ fa hyɛle ɛmɔ bɔ ne, kyɛbɔ ye mukoraa awa nu ne, sɔ ala yeɛ (sɛ ɛmɔanni nahorɛ a), AWURADE kɔma edwirɛ tɛɛ amukoraa kɔto ɛmɔ ɔ, kɔpem kyɛ okohũhũ ɛmɔ kofi aseɛ paa he bɔ AWURADE ɛmɔ Nyameɛ wafa wama ɛmɔ ne aso ɔ.