Hosea 9:2 - AHYERƐLƐ KRONGRON

² Nekaa bɔ bɛboro aburoo ne nekaa bɔ betwi nzaa ɔ, ɔngɔma bɛ bɛ noa aleɛ, yeɛ nzaa foforɛ ne ngɔpe ngɔma bɛ.

Hosea 9:2 Iomraidhean Croise

Gyenesise 50:10

Beedwuli nekaa bɔ bɛboro aburoo wɔ Atade bɔ ɔwɔ asue Yɔɔdan asi dɔ ne, bɛbɔle awuye serɛserɛ bɔ ɔyɛ aworabɔ paa ɔ; na Yosef yɔle ɔse sɛen ɛlɛsoo.

Hosea 2:11

Ngɔma ye ahurusililɛ ne amukoraa bo kɔpɛ, yeɛ ye aluolue ngyẽa mɔ, ye ɛsraen foforɛ mɔ, ye afofingyẽa ne ye aluolue bɔ bahyehyɛ amukoraa.

Hosea 2:12

Ngɔsɛkye ye bobe ne ye borɔdoma mmakaa nemɔ, bɔ wahã wafa bɛ nwo kyɛ, ‘M’akatuaa bɔ me kurofoɛ mɔ bafa bama me ne, ye ɛhe’ ne; ngɔkakyi bɛ ɛhɔayeɛ, na eburo ngaka koli.

Hosea 2:9

Yiti ngosa ngɔwa ngoole m’aburoo wɔ ye buberɛ nu, yeɛ me nzaa wɔ ye mmerɛ nu, na ngosa ngole me kundu ne me gyese bɔ mva ngatale ye nwo ne.

Amose 5:11

Ɔnate kyɛ ɛmɔsisi bɛ bɔ bɛyɛ anwumvo, ná ɛmɔbɔ bɛ apoo bede atokoɔ befi bɛ berɛ ne ati, nyɔboɛ bɔ badwa ɔ yeɛ ɛmɔafa basisi sua ɔ, nakoso ɛmɔngɔtena nu. Ɛmɔayɔ bobe boo nyemene mɔ de, nakoso ɛmɔngɔno nu bobe nzaa ne bie.

Hagae 1:9

Né ɛmɔ nye la ate kyɛ ɛmɔkonya fieso nningyein pee, nakoso, ɛ́mɔnea, ɔyɛle aleɛ kaaba bie. Na ɛmɔfa bɛwale awuro nen, nhu nguale. Nzu ɔ? Bɔ Asafo AWURADE bisa hɔ ɛne. M’awuro ne bɔ wabubu wagua ne ati ɔ, wɔ aberɛ bɔ ɛmɔ de, ebiala nye aboro osi ye bɔbɔ ye awuro ɔ.

Hagae 2:16

ɛmɔ asetena nu te ɛmɔ sɛ? Sɛ ebie ba kyɛ ɔbaabu aburoo kɛndɛen aburanyɔ a, onya buru; sɛ ebie ba nekaa bɔ bekyi mmakaammaa nu bɛyɔ nzaa kyɛ ɔbaafa nzaa bua aburannu a, aburanyɔ yeɛ onya ɔ.