Hosea 9:16 - AHYERƐLƐ KRONGRON

¹⁶ Bafa nikyee babɔ Efraim, bɛ ndii akese, bengosu mmaa. Sɛ bɛwo mmaa po a, ngohũ bɛ mma mɔ bɔ b’ahone la bɛ nwo paa ne.

Hosea 9:16 Iomraidhean Croise

Gyenesise 41:23

Na ɛhe asi ne, nwuni kyɛ aburoo nzoo bɔ bangye, na eyia afiteleɛ mvrama amaa bakese ɔ afifi.

YOB NWOMAA NE 18:16

Ye ndii twindwam wɔ aseɛnwo, na ye mmaen koso kese wɔ anwuro.

Yesaya 40:24

Betu bɛ bɛtɛ ala a, bedua bɛ ala a, bɛ bakaa tira ndii wɔ aseɛnwo ala a, ohu mvrama gua bɛ so maa bɛkese, na mvrama piri pia bɛ kɔ kyɛ afafu.

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Hesekiel 24:21

‘Kã kyire Yisrael awuro ama kyɛ, AWURADE Nyameɛ nwa nyoo: Tie, mebaagua me nekaa krongron ne anwo fiɛ, bɔ ɔte ɛmɔ anwoserɛ bɔ ɛmɔfa bɛhoahoa ɛmɔ nwo ne, nikyee bɔ ɔla ɛmɔ ahone nwo ne, ɔne bɔ ɛmɔ kra nye gye ye nwo ne. Na ɛmɔ mma mmienzua ne ɛmɔ mma mmrasua bɔ ɛmɔyakyili bɛ berɛ bɛwale ne, bɛkɔtotɔ ngrandɛ noa.

Hosea 5:11

Bɛhyɛ Efraim so, babua ye fɔ wɔ ndɛenbualɛ nu, ofikyɛ ɔhyɛle da lili mmeraa mbaen mbaen si.

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.