Hosea 9:15 - AHYERƐLƐ KRONGRON

¹⁵ Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Hosea 9:15 Iomraidhean Croise

Edwein 78:60

Ye atenaleɛ bɔ ɔwɔ Silo, ɛtena sua bɔ ɔtenane nu wɔ adasa mmaa nu ne, ɔpole ye.

Yesaya 1:23

Wɔ mbanyi ayɛ lɔen, na bafa awuefoɛ abiɛngoɛ. Bɛ mukoraa bɛ nye gye fea-ase-ma nwo, na bɛpere bɛpena akyɛdeɛ. Bɛnga bie bɛmma nyisiaafoɛ, na akunafoɛ mmrasua dwirɛ ba bɛ nyunu a bɛmvrɛ.

Yeremia 11:15

Nzikyɛ yeɛ me dɔfo ole ye ɔyɔ wɔ m’awuro wa, wɔ aberɛ bɔ wayɔ sɔ amumuyɛɛ nningyein mɔ ɔ? Aso bɔhyɛlɛ ne naen afɔleɛ kɔhora kosi wɔ musue ne nwo ate, amaa ɔnate so ali ahurusi anaa?

Yeremia 12:8

M’agyapadeɛ ne, wakakyi kyɛ ɛhɔayeɛ nu gyata wama me; wama ye komvi so wabobɔ nu wagua me so, yiti mepɔ ye.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 3:8

Onwuni kyɛ ɔnate adwaman bɔ asoserɛniɛ Yisrael ɔbɔle ne ati, nyirale ye mmane ye agyaayiralɛ krataa maa ɔhɔle; nakoso oliɛma brasua ngondomboniɛ Yuda wanzuro, na mmom ye koso ɔhɔle ɔɔbɔle adwaman.

Yeremia 5:5

Ngɔhɔ atitirefoɛ nemɔ berɛ, ngoodwudwo ngohyire bɛ; ofikyɛ bɛ de, bɛse AWURADE atee ne, ɔne bɛ Nyameɛ mmeraa ne.” Ofikyɛ bɛ mukoraa babubu kɔnnua ne anu, yeɛ babubu wɔ panwu ne anu.

Hesekiel 22:27

Ye mbanyi bɔ bɛwɔ ye nu ne, bɛte kyɛ mbataku bɔ bɛtete naen bɔ bahye ye ɔ nu ɔ. Bɛkã mogya begua, na beku mmenia maa ɔnate so benya anwonyadeɛ fiɛ.

Hesekiel 23:18

Na mmerɛ bɔ ɔyele ye nyunu bɔle gyandera, ná ɔpale ye nwo hyirele nen, ye nwo yɛle me ahi maa ndwene me nwo mvili ye nwo, kyɛbɔ oliɛma brasua ne nwo yɛle me ahi maa ndwene me nwo mvili ye nwo ne.

Hosea 1:6

Osa nwonzɛle, na ɔwole baa brasua. Na AWURADE sele Hosea kyɛ, “To ye dumaa Lo Ruhama, ofikyɛ mengonwu Yisrael awuro ama anwumvoin ko bɔ ɔkɔmaa ngɔfa bɛ bɔne ngɔhyɛ bɛ bieku ɔ.

Hosea 1:9

Yeɛ AWURADE sele kyɛ, “To ye dumaa Lo Ami, ofikyɛ nna me maen ole ɛmɔ, yeɛ me wora nnde ɛmɔ Nyameɛ.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Hosea 7:2

Na bɛndwene ye nwo wɔ bɛ ti anu kyɛ mekaye bɛ bɔne yɔleɛ amukoraa ɔ. Afei bɛ bɔbɔ bɛ yɔleɛ apɛ bɛ nwo ayia, na me nye tua.

Hosea 9:17

Me Nyameɛ kɔpo bɛ, ofikyɛ banyɛ sotie bamma ye, na bekohyinihyini maen maen mɔ so.

Hosea 9:3

Bɛngɔtena AWURADE aseɛ ne aso, na mmom Efraim kosa kɔhɔ Misraim, na bekoli nningyein bɔ bɛ nwo nde ɔ wɔ Asiria.

Lewitikɔso 26:30

Ngɔsɛkye ɛmɔ asɔneyɛɛ so nemɔ ná mabubu ɛmɔ ɛyɛɛ afɔleɛ bokyea nemɔ magua. Ngɔboaboa ɛmɔ fuin noa ngogua ɛmɔ mmosoen wuruwaa nemɔ aso. Na ngɔpɔ ɛmɔ.

Amose 4:4

Ɛmɔbra Betel bɛɛto mmeraa, ɛmɔbra Gilgal bɛma ɛmɔ mmeraatolɛ ɔyɛ pee; ɛ́mɔfa ɛmɔ afɔleɛ bɛbra ngyerɛmɔ biala, ná ɛ́mɔfa ɛmɔ buru nu ngyɛmuɛ ko bɛbra ɛlɛsa biala.

Amose 5:27

Yiti ngɔpɛ ɛmɔ asue ngɔhɔ Damasko si dɔ,” AWURADE bɔ ye dumaa ole Asafo Nyameɛ ne, ye noa dwirɛ ɛne.

Amose 5:5

Nnɛma ɛmɔpena Betel si ate, yeɛ nnɛma ɛmɔkɔ Gilgal, yeɛ nnɛma ɛmɔpɛ nu bɛkɔ Beɛ Seba; ofikyɛ bɛkɔhye Gilgal nnure bɛkɔhɔ amba, yeɛ Betel kɔbɔ.”

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Asomafoɛ 5:21

Na bɛtele sɔ dwirɛ nen, bɛhɔle asɔneyɛɛ sua ne anu alebahyene, bɛɛyɛle ngyerɛkyerɛ. Na ɔsɔfo panyi paa ne, ɔne bɛ bɔ bɛboka ye so ne wale, na bɛtole asaa bɛfrɛle badwafoɛ nemɔ ne Yisrael mbanyi mukoraa maa beyiale, na bɛsomane mmenia kyɛ bɛɛye asomafoɛ ne befi kuku nu dɔ bɛbra.

Yosua 10:43

Afei Yosua ne Yisrael ɛlɔen ne amukoraa besa bɛwale asikyeleɛ ne anu wɔ Gilgal.

1 Samuel 7:16

Afoɛ biala, né ɔkɔ aporɔ wɔ Betel, Gilgal ne Misepa; na obuli Yisrael maen ne wɔ sɔ nguro nemɔ amukoraa so.