Hosea 9:12 - AHYERƐLƐ KRONGRON

¹² Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Hosea 9:12 Iomraidhean Croise

2 Ahemvo 17:18

Yiti AWURADE fɛle Yisrael so yaa paa, na ɔfoane bɛ fili ye nyunu; mmusua kure nemɔ anu biala wanga, sana Yuda angome.

2 Ahemvo 17:23

kɔpem kyɛ AWURADE foane bɛ fili ye nyunu, kyɛbɔ ɔnate ye somvoɛ ngɔmhyɛlɛfoɛ amukoraa so ɔhyɛ tole berɛ ne. Yiti bɛsesale Yisraelfoɛ befili bɛ bɔbɔ b’aseɛ so bɛhɔle Asiria, na batena berɛ maa waadwu ɛnɛ.

YOB NWOMAA NE 27:14

Sɛ ye mma mɔ bɛsone bɛyɛ pee a, ngrandɛ noa yeɛ bɛtotɔ ɔ, yeɛ ye bosofoɛ ngonya aleɛ ngoli ngɔma bɛ ko ngoyi.

Yeremia 15:7

Mafa huhuamoa mahuhu bɛ so wɔ aseɛ ne aso pambim nemɔ anu; mahũhũ bɛ mma mɔ, masɛkye me maen ne; ofikyɛ banza bɛ si bamvi bɛ yɔleɛ anwo.

Yeremia 6:8

Ao Yerusalem, fa ɛhe tu wɔ nwo foɛ, wanyɛ sɔ a, me kra kɔhwe ye nwo kofi wɔ nwo, na ngɔmaa ɛkɔkakyi kurofoen, aseɛ bɔ sona biala ɔtte so ɔ.

Awuye 2:20

Ao AWURADE, tie, ná dwene bɔ afa ɛhe ali ye ne anwo. Aso odi kyɛ mmrasua beku bɛ kunu mmaa bɛto bedi anaa, bɛ mma bɔ badodo bɛ ɔ? Aso odi kyɛ beku ɔsɔfo ne ngɔmhyɛlɛniɛ wɔ AWURADE nekaa krongron berɛ anaa?

Awuye 2:22

Ato wɔ sa afrɛ m’amaneɛnwunɛ afi nekaa biala, kyɛ aluolue kyẽa ne ala, na ye sɔ ti AWURADE yaafɛlɛ kyẽa ne, ebiala wannya ye ti wannidi nu, yeɛ ebiala wanga. Bɛ bɔ magyi bɛ matete bɛ ne, me pɔfoɛ mɔ ahũhũ bɛ.

Hosea 7:13

Bɛ yaakɔ oo! Ofikyɛ banwati bafi me nwo bahɔ. Amaneɛ ato bɛ, ofikyɛ bayɛ me nwo lɔen. Ahaa mekuro kyɛ mepepɛ mede bɛ, nakoso bɛpepɛ me nwo ngondombo.

Hosea 9:13

Nwuni Efraim kyɛ Tiro bɔ balua ye wɔ aseɛ paa so ɔ, nakoso Efraim kɔfa ye mma kɔɔma kodiawuniɛ ne.

Hosea 9:16

Bafa nikyee babɔ Efraim, bɛ ndii akese, bengosu mmaa. Sɛ bɛwo mmaa po a, ngohũ bɛ mma mɔ bɔ b’ahone la bɛ nwo paa ne.

Malaki 2:12

Na bienzua biala bɔ ɔyɔ sɔ, kyɛ okyirekyire oo, anaa osua oo, AWURADE konua ye boso ama mukoraa bɛ bo kofi Yakob ɛtena sua nu, bɔ ebiala ngɔha bɔ ɔkɔfa afɔleɛ kɔbrɛ Asafo AWURADE ɔ.

Numeri 14:34

Ngyẽa eleburanna yeɛ ɛmɔfa bɛɛtetɛle aseɛ ne ɔ. Na kyɛbɔ ngyẽa ne somaa te ne, ɛmɔ amumuyɛɛ kɔbɔ ɛmɔ ti so afoɛ aburanna, bɔ kyẽa ko biala gyi berɛ ma afoɛ ko ɔ; na ɛmɔkonwu kyɛbɔ me yaafɛlɛ si te ɔ.

Numeri 26:65

Ofikyɛ né AWURADE aha afa bɛ nwo kyɛ, “Bekowuwu wɔ ɛserɛ ne aso.” Bɛ nu ko po anga, sana Yefune awa Kalebo ɔne Nun awa Yosua angome.

Deuteronomi 28:18

Musue kɔto wɔ kunu mmaa, w’aseɛ ngɔhye aleɛ, musue kɔto wɔ nandwie mmaa ne wɔ mmoaen mmaa.

Deuteronomi 28:32

Bɛkɔsesa wɔ mma mmienzua ne mmrasua bɛkɔɔma maen foforɛ wɔ aberɛ bɔ wɔ nye tua ɔ, ɛkɔhenahena wɔ nye kɔpena bɛ alehyeleɛ biala, nakoso ɛngɔhora ngosi ye nwo ate.

Deuteronomi 31:17

M’ahone kohu bɛ so sɔ kyẽa ne, ngɔpo bɛ, ngɔye me nye ngofi bɛ so, bɛ pɔfoɛ mɔ kohũhũ bɛ, na musue ne amaneɛ pee kɔtoto bɛ. Na sɔ kyẽa ne yeɛ bɛkɔhã kyɛ, ‘Aso nna yɛ Nyameɛ bɔ ɔnne yɛ nu wa bie ye ati yeɛ amaneɛ hemɔ atoto yɛ ye?’

Deuteronomi 32:25

Bɛ mma kɔtotɔ ngrandɛ noa wɔ dwaaso, na ɛserɛ kɔha bɛ wɔ sua nu. Mmerandeɛ ne ndaluwa kowuwu, nnɔma ne mbanyi bɔ bafu gyein koso sɔ ala.

Maenbulɛfoɛ 4:16

Barake foane teaseɛnam nemɔ ne koɛhonɛfoɛ nemɔ alaa oodwuli Harosete Hagoyim. Sisera koɛhonɛfoɛ ne amukoraa bɛtotɔle ngrandɛ noa bɔ komapɛ po anga ɔ.

1 Samuel 16:14

AWURADE Sunzum hwene ye nwo fili Sɔɔlo nwo, na AWURADE somane sunzum tɛɛ bie maa ɔɔteetee ye.