Hosea 9:11 - AHYERƐLƐ KRONGRON

¹¹ Efraim de, b’animnyam kotu kɔhɔ kyɛ anomaa, aworɛ nne berɛ ko, nwonzɛen nne berɛ ko, yeɛ ebiala mva koɛ ko!

Hosea 9:11 Iomraidhean Croise

Gyenesise 41:52

Ɔtole bɔ ɔtɔ so nyɔ ne dumaa Efraim, ofikyɛ ɔnwa, “Nyameɛ amaa manya mmaa wɔ aseɛ bɔ amaneɛnwunɛ wɔ so ye aso.”

Gyenesise 49:22

Yosef te bakaa mmaen frɔmfrɔm bɔ osu ɔ, bakaa mmaen frɔmfrɔm bɔ osu ná opingye asue ti ɔ; ye mmaen bua kogua fasue so.

2 Samuel 6:23

Na Sɔɔlo awa Mikal wanwo ba le ɔfa hɔle wue.

YOB NWOMAA NE 18:5

“Nahorɛ nu, amumuyɛɛniɛ kanea nua, na ye see te mosonomosono.

Edwein 58:8

Maa bɛyɛ kyɛ ebuhye bɔ ɔporɔ wɔ ye konguroma nu ɔ, kyɛ baa bɔ bapɔ ye, bɔ wannwu eyia le ɔ.

Nworɛ Dwirɛhanɛniɛ 6:3

Sɛ sona wo mmaa ɛyaa ko ná onyi di afoɛ pee a, ɔmva ye nwo afoɛ worawora bɔ wali ɔ, sɛ wamva asetena nu nningyein paa wangye ye nye, anaakyɛ banzie ye a, ye de menwa, baa bɔ bapɔ ye ɔ po ɔte paa tra ye.

Yesaya 17:3

Bɛkɔsɛkye Efraim abandenden ne, bɛkɔbɔ Damasko ahennie ne tɔɔ, na Siriafoɛ bɔ bɛkɔha ne, b’animnyam kɔhɔ ase kyɛ Yisraelfoɛ deɛ ne ala, Asafo AWURADE noa dwirɛ ɛne.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 4:7

Kyɛbɔ bɛhɔle so bɛsonene ne, sɔ alaa yeɛ bɛhɔle so bɛyɔle bɔne betiale me ɔ; yiti b’animnyam ne, ngɔkakyi ye animguaseɛ.

Hosea 5:9

Efraim kɔkakyi kurofoen wɔ asohwenɛ kyẽa ne anu; mafa edwirɛ bɔ ɔkɔwa nu amba ɔ mato dwaa wɔ Yisrael mmusua kure nemɔ anu.

Hosea 9:14

Ao AWURADE, fa ma bɛ e! Nzikyɛ yeɛ ɛkɔfa kɔma bɛ ɔ? Ma bɛ koɛ bɔ ɔpɔ baa, ɔne nyɔfone bɔ nzue nne nu ɔ.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Luka 23:29

Na ɛ́mɔtie, mmerɛ bie ɔ́ba, bɔ bɛkɔhã kyɛ, ‘Mmotaen mɔ, yeɛ koɛ mɔ bɔ banwo ba koraa, ɔne nyɔfone mɔ bɔ bɛnnone bɛ le ne, banya saleɛ!’

Deuteronomi 28:18

Musue kɔto wɔ kunu mmaa, w’aseɛ ngɔhye aleɛ, musue kɔto wɔ nandwie mmaa ne wɔ mmoaen mmaa.

Deuteronomi 28:57

Ɔwo mmaa a, okoli ye si bɔ ɔkɔwa ne, ɔne mmaa nemɔ. Ɔkɔfea ye nwo koli, ofikyɛ ongonya aleɛ biala, wɔ mmerɛ bɔ wɔ pɔfoɛ kotua wɔ nguro nemɔ maa ɛkɔhɔ ateetee ne amaneɛ nu ne.

Deuteronomi 33:17

Ɔte kyɛ nandwie nyii bamuɛbaa, ole animnyam, ye mmɛen te torɔen mmɛen, ɔfa mmɛen ne si maen maen mɔ toonn, maa bɛ mukoraati bekogua aseɛ noa dɔ. Mmɛen nemɔ ole Efraim mmenia apee buru ne, yeɛ Manase mmenia apee apee ne.”