Hosea 9:10 - AHYERƐLƐ KRONGRON

¹⁰ Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Hosea 9:10 Iomraidhean Croise

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

2 Ahemvo 17:11

Berɛ yeɛ bɛyerale ɛyɛɛ wɔ asɔneyɛɛ nemɔ amukoraa so ɔ, kyɛbɔ maen mɔ bɔ AWURADE foane bɛ fili Yisraelfoɛ nyunu nemɔ bɛyɔle ne ala. Bɛyɔle bɔne bɛfa bewurale AWURADE apue maa ɔfɛle yaa.

Edwein 115:8

Bɛ bɔ bɛyɔ mmosoen nemɔ ne, bɛte kyɛ mmosoen nemɔ ala; na ebiala bɔ ɔfa ye wora wura mmosoen nemɔ anu ne, ɔte kyɛ mmosoen nemɔ ala.

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Edwein Nu Dwein 3:6

Nwa yeɛ ofi ɛserɛ so dɔ ɔba ye, bɔ ɔba kyɛ nwosina ningɔnn ye, bɔ korobo ne ɛyɛɛ ayɛ ye nwo fonafona ye, bɔ watutu dwadifoɛ sakyeɛfona amukoraa wagua ye nwo ye?

Yesaya 28:4

bɛ ne ye nyerɛen nyemenenyemene bɔ ye nyemene gu so okyikyi, bɔ ɔwɔ bɔnza bɔ ɔkye aleɛ ne ti afia ne. Bɛkɔyɛ kyɛ borɔdoma mmaa bɔ bekoli moa bɛkɔboro koraka né borɔdoma telɛ adwu ɔ. Sona biala bɔ okonwu ye ne, ɔte ala a né wali.

Yeremia 11:13

Ofikyɛ Yuda, wɔ nyameɛ mɔ basone pee kyɛ wɔ nguro mɔ; afɔleɛ mmokyea bɔ ɛmɔasi bafa bagua ɛmɔ nyunu ase, bɔ ɛmɔyera ɛyɛɛ wɔ so bɛma Baal ne, bɛ somaa te kyɛ Yerusalem mmorɔnoɛ mɔ.

Yeremia 24:2

Né borɔdoma paa paa bɔ ɔte kyɛ borɔdoma bɔ bali moa bate ɔ wɔ kɛndɛen ko anu; nakoso kɛndɛen ko ne de, borɔdoma bɔ ɔtte mayee koraa bɔ bedi a ɔnyɛ yé yeɛ ɔwɔ nu ɔ.

Yeremia 3:24

“Nakoso ofi yɛ mmerandeɛ nu yeɛ sɔ animguaseɛ nikyee ne wamaa bɔ yɛ nana mɔ bafɛ bapena ne amukoraa wafi yɛsa ɔ: bɛ mmoaen ne bɛ nandwie, yeɛ bɛ mma mmienzua ne bɛ mma mmrasua.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 31:2

AWURADE nwa nyoo: Bɛ bɔ benyane bɛ ti bedidili nu befili ngrandɛ noa ne, benyane adom wɔ ɛserɛ so, mmerɛ bɔ mmane Yisrael nyane ye nwome lele ne.

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Hesekiel 20:8

Nakoso bɛyɛle me nwo lɔen, bɔ bandɛ me so ɔ. Bɛ nu biala wangyi akyiwadeɛ nningyein bɔ ye nye gye ye nwo ne wangua, yeɛ banyakyi Misraim mmosoen sɔnenɛ. Yiti ngane kyɛ ngɔma m’ahone kohu bɛ so, bɔ me yaafɛlɛ ne kɔyɔ bɛ nwo adwuma koyie ɔ, wɔ Misraim aseɛ so.

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.

Hosea 13:5

Me, me yeɛ nwuni wɔ wɔ ɛserɛ so ɔ, wɔ aseɛ bɔ nzue nne so ɔ so.

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Hosea 4:14

Sɛ ɛmɔ mma mmrasua mɔ bɛbɔ gyandera, anaa sɛ ɛmɔ aye mɔ bɛsɛkye agyaa a, mengɔhwe bɛ so; ofikyɛ mmienzua nemɔ bɔbɔ deinn bɛkɔ gyanderafoɛ nemɔ nekaa, na bɛ ne asɔneyɛɛ so gyanderafoɛ yeɛ bɛbɔ afɔleɛ ɔ. Yiti maen bɔ nimdeɛ abɔ ye ne, ɔkɔbɔ.

Hosea 4:18

Bɛno bɛ nzaa ngapealaa ne a, gyandera alaa yeɛ bɛbɔ ɔ; animguaseɛ yeɛ bɛ mbanyi mɔ bekuro ɔ.

Amose 4:5

Ao ɛmɔ, Yisraelfoɛ, ɛ́mɔfa paanoo harewaa bɛ́bɔ asennaa afɔleɛ. Ɛ́mɔbɔ akyɛdeɛ afɔleɛ nwo dawure, ɛ́mɔfa bɛ́to dwaa, ofikyɛ bɔ ɛmɔkuro kyɛ ɛmɔyɔ hɔ ɛne,” AWURADE Nyameɛ noa dwirɛ ɛne.

Mika 7:1

Edwirɛ ato me oo! Ofikyɛ mayɛ kyɛ ebie bɔ bate borɔdoma bayie, bɔ bate bobe si ne bayie, bɔ bennya ye mma biribiraa ne bie benni ɔ. Borɔdoma mma bɔ wali moa wasu, bɔ me komvi wɔ so ne, ebie nne berɛ.

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Numeri 18:13

Fieso aleɛ amukoraa bɔ bekoli moa bɛkɔfa wɔ b’aseɛ ne aso, bɔ bɛfa bɛbrɛ AWURADE ne, ɔte wɔ deɛ. Ebiala bɔ ye nwo te wɔ w’awuro berɛ ne ɔkora odi bie.

Romanfoɛ 6:21

Daa bra bɔ ɛmɔbɔle ne, bɔ ɛnɛ ɔyɛ ɛmɔ nya ye, nzikyɛ mvasoɛ yeɛ ɛmɔnya befili nu ɔ? Sɔ nningyein nemɔ, b’ayieleɛ te ewue.

Deuteronomi 32:10

“Onwuni ye wɔ ɛserɛ so, ɛserɛ pralaa suronyisuronyi so; ɔfale ye wurale ye kunu, ɔneane ye so, na ɔbɔle ye nwo waen kyɛ ye nye kyiremvua.

Deuteronomi 32:17

Bɛbɔle afɔleɛ bɛmane mmosoen, bɔ nna Nyameɛ ahɔ ɔ, nyameɛ foforɛ biemɔ bɔ bɛnze bɛ ɔ, ɔne nyameɛ foforɛ biemɔ bɔ anomasi wa ala yeɛ bɛwale ɔ, bɔ ɛmɔ nana mɔ anzuro bɛ ɔ.

Deuteronomi 4:3

Ɛmɔ bɔbɔ bɛ nye tua bɔ AWURADE yɔle ye wɔ Baal Peɔ ɔ, ofikyɛ ɛmɔ nu mmenia bɔ belili Baal bɔ ɔwɔ Peɔ si ne, AWURADE ɛmɔ Nyameɛ huhuni bɛ fili ɛmɔ nu.

Maenbulɛfoɛ 6:32

Yiti sɔ kyẽa ne, bɛtole Gideon dumaa Yerubaal, bɔ ye bo ole: “Maa Baal ɔne ye beli,” ofikyɛ wabubu ye afɔleɛ bokyea.