Hosea 9:1 - AHYERƐLƐ KRONGRON

¹ Ao Yisrael, nnɛdi ahurusi! Nnɛma wɔ nye gye kyɛ maen maen nemɔ, ofikyɛ afi wɔ Nyameɛ si aabɔ gyandera. Ahuro gyanderaniɛ akatuaa, wɔ nekaa amukoraa bɔ bɛboro aburoo ɔ.

Hosea 9:1 Iomraidhean Croise

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Yesaya 17:11

ɔwɔ nu kyɛ ɛmaa befifi kyẽa bɔ edua ne ala de, ɛmaa bɛbɔ nyerɛen ngyerɛmɔ ne ala bɔ edua ne de, nakoso aworabɔlɛ ne anwonyerɛ koangɔ kyẽa ne, ye mmaa bɔ wasu ne kotu komini.

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.

Yeremia 44:17

Na mmom yɛkɔhɔ so yɛkɔyɔ nikyee biala bɔ yahã kyɛ yɛkɔyɔ ɔ: yɛkɔyera ayirefona yɛkɔma nyameɛso hemmaa, ná yabɔ anonneɛ afɔleɛ yama ye kyɛbɔ yɛ ne yɛ nana mɔ, y’ahemvo mɔ ne y’atitire mɔ yɛyɔle ye wɔ Yuda nguro ne Yerusalem mmorɔnoɛ mɔ so ne; ofikyɛ sɔ mmerɛ ne, né yɛnya aleɛ pee yɛdi, yɛnya ngɔsoɛ, na yande edwirɛ tɛɛ biala.”

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Hesekiel 16:15

“Nakoso elili w’anwonyemene si ɛbɔle gyandera, ɔnate w’animnyam ne ati, na ɛfale wɔ nwo mane ebiala bɔ ɔpɛ nu kɔ ɔ.

Hesekiel 16:30

“Ah! Sãa ɛnze nyanzoen sɔaa! AWURADE Nyameɛ noa dwirɛ ɛne, kyɛ ɛbɔ sɔ bra hemɔ, bɔ ɔte brasua gyanderaniɛ bɔ ɔnze nyanzoen bra ɔ!

Hesekiel 20:32

“Bɔ ɔwɔ ɛmɔ adwene nu ne, ɔngɔwa nu le. Ɛmɔnwa: Ɛ́mɔma yɛyɛ kyɛ maen maen nemɔ, kyɛ aseɛ nemɔ aso mmusua nemɔ, ná yɛsɔne bakaa ne nyɔboɛ.

Hesekiel 21:10

bɔ basi kyɛ bɛfa bekũkũ ɔ, bɔ bahwi ye nwo maa ɔte yerɛmyerɛm kyɛ agralaa ɔ! Aso odi kyɛ yɛfa edwirɛ ne yɛdi angorɛ anaa? Mma, abu mbire ne ne asohwenɛ amukoraa animtia.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 2:12

Ngɔsɛkye ye bobe ne ye borɔdoma mmakaa nemɔ, bɔ wahã wafa bɛ nwo kyɛ, ‘M’akatuaa bɔ me kurofoɛ mɔ bafa bama me ne, ye ɛhe’ ne; ngɔkakyi bɛ ɛhɔayeɛ, na eburo ngaka koli.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 5:4

Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Hosea 5:7

Banni nahorɛ bamma AWURADE, ofikyɛ bawowo somaa mmaa. Bosome foforɛ ne kɔsɛkye bɛ ne bɛ boo mɔ.

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Amose 4:5

Ao ɛmɔ, Yisraelfoɛ, ɛ́mɔfa paanoo harewaa bɛ́bɔ asennaa afɔleɛ. Ɛ́mɔbɔ akyɛdeɛ afɔleɛ nwo dawure, ɛ́mɔfa bɛ́to dwaa, ofikyɛ bɔ ɛmɔkuro kyɛ ɛmɔyɔ hɔ ɛne,” AWURADE Nyameɛ noa dwirɛ ɛne.

Amose 6:13

Ɛmɔ bɔ ɛmɔhoahoa ɛmɔ anwo kyɛ ɛmɔali Lodeba kuro ne aso ngonim, bɔ ɛmɔkekã kyɛ, “Aso nna yɛ bɔbɔ y’anwoserɛ yeɛ yafa yali Karenaim so ngonim ɔ?”

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Yakobo 4:16

Nakoso ɛmɔhoahoa ɛmɔ nwo wɔ ɛmɔ anwomasoɛ nu; na sɔ anwomasoɛ ne amukoraa te bɔne.

Yakobo 5:1

Afei ɛmɔ, esikafoɛ, ɔnate amaneɛ bɔ ɔ́ba ɛmɔ so ne ati, ɛ́mɔsu ná ɛ́mɔbɔ awuye!