Hosea 8:8 - AHYERƐLƐ KRONGRON

⁸ Bahye Yisrael bame; afei bɛte kyɛ kukue bɔ mvasoɛ nne so ɔ, wɔ maen maen mɔ nu.

Hosea 8:8 Iomraidhean Croise

2 Ahemvo 18:11

Asiria hene soale Yisraelfoɛ hɔle Asiria, na ɔmaa bɛɛtenane Hala, asue Habo bɔ ɔla Gosan ne anoa, ɔne Medese nguro nemɔ aso.

Yesaya 30:14

Okobubu ye kyɛ ngukuenwonɛniɛ ye bua bɔ babobɔ ye nyokonyoko bɔ ebie nga mma bennya ye bue ne bie bɔ bɛkɔfa bekosuso bokyea nu see ɔ, anaakyɛ bɔ bɛkɔfa bɛkɔsa abura nu nzue ɔ.”

Yeremia 22:28

Sɔ biaa Konia he, aso ɔte nyangaa bue bɔ bemmu ye, kukue bɔ ebiala nye ngye ye nwo ɔ? Nzu ati yeɛ bɛfoane ye ne ye boso ama beegyili bɛ beguale aseɛ bɔ bɛnze so ɔ so ɔ?

Yeremia 25:34

“Ɛmɔ, mmoaenneafoɛ, ɛ́mɔbɔ awuye ná ɛ́mɔsu; mmoaen kure nemɔ so atitire mɔ, ɛ́mɔmunumunu ɛmɔ nwo wɔ nzoen nu, ofikyɛ ɛmɔ hunɛ ne ɛmɔ ayabɔlɛ ngyẽa ne wadwu, na ɛmɔkowuwu kyɛ mmoaen nyii bɔ balɔ ɔ.

Yeremia 48:38

Na awuyebɔlɛ ngome yeɛ bɛkɔte ye wɔ Moabo sua amukoraa so, ɔne mmorɔnoɛ mɔ so ɔ, ofikyɛ mabɔ Moabo kyɛ kukue bɔ ebiala nye ngye ye nwo ɔ, AWURADE noa dwirɛ ɛne.

Yeremia 50:17

Yisrael te mmoaen kure bɔ babɔ ye basande ɔ; gyata mɔ afoa ye maa wanwati wahɔ. Bɔ oli moa ɔ, Asiria hene ahu ye, na bɔ ɔpɛ ye bo ɔ, Babilɔn hene Nebukadenesa abubu ye mmowue nu.

Yeremia 51:34

“Babilɔn hene Nebukadenesa wapura me, wapɛkyɛ me; wayɛ me tondura too, wame me kyɛ sasrabɔnzam yeɛ wame me ɔ; wafa me kunu nningyein fɛɛ wayi ye ko, na wafe me wato ase.

Awuye 2:16

Wɔ pɔfoɛ mɔ amukoraa, batu bɛ noa bagua wɔ so. Besobi bɛ noa bɛnwose bɛ gye. Na bɛnwa, “Yasɛkye ye bɔkɔɔ. Amba, kyẽa bɔ yɛnea ye ate ne, ye ɛne; yɛ sa ahã ye, na yanwu ye!”

Awuye 2:2

AWURADE asɛkye Yakob atenaleɛ amukoraa, na wannwu bɛ anwumvoin. Ye yaafɛlɛ nu, wadwiri Yuda awa brasua n’anwoserɛ afealeɛ mɔ wagua ase. Wahã bɛ wagua ase, wagua ahennie ne, ɔne nu mbanyi mɔ nwo fiɛ.

Awuye 2:5

AWURADE akakyi kyɛ pɔfoɛ, wasɛkye Yisrael. Wasɛkye ye ahemvie mɔ amukoraa, wasɛkye ye anwoserɛ afealeɛ mɔ, na wamaa esuɛ ne awuyebɔlɛ basone wɔ Yuda awa brasua ne anu.

Awuye 4:2

Sion mma mmienzua titire, bɔ bɛfa bɛ bɛtoto esikaa kɔkorɛ paa nwo ɔ, ɔwale ye sɛ bɔ bebu bɛ kyɛ ngukue bɔ bafa nnɛterɛ banwo ɔ, bɔ ɔte ngukuenwonɛniɛ ye sa noa adwuma ɔ!

Awuye 5:2

Y’agyapadeɛ waali ɛwɔfoɛ mɔ bɛ sa nu, y’awuro mɔ baali amanvrafoɛ mɔ bɛ sa nu.

Hesekiel 36:3

hyɛ ngɔm ná se kyɛ, AWURADE Nyameɛ nwa nyoo: Bɛkakyili ɛmɔ kurofoen, yeɛ bɛbɔle ɛmɔ tɔɔ wɔ nekaa biala, maa ɔnate so ɛmɔyɛle maen maen ngaa nemɔ b’agyapadeɛ, na mmenia gorole ɛmɔ nwo bɛfale ɛmɔ belili fene;

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Romanfoɛ 9:22

Sɔ ala yeɛ Nyameɛ ayɔ ɔ. Ɔyɛle kyɛ ahaa ɔkɔla ye yaafɛlɛ piri ne ye tumi ali. Nakoso onyane aboterɛ mane bɛ bɔ ɔfɛle bɛ nwo yaa bɔ b’ayieleɛ ole ewue ne.

Deuteronomi 28:25

“AWURADE kɔmaa ekoli ngoguo wɔ wɔ pɔfoɛ mɔ nyunu. Ɛkɔfa atee ko aso kɔhɔ bɛ so, nakoso ɛkɔfa atee ahoroɔ nzoo so ɛkɔnwati kofi bɛ nyunu. Na edwirɛ bɔ ɔkɔto wɔ ne kɔyɛ aseɛ so ahennie mukoraati nwanwa.

Deuteronomi 28:64

“AWURADE kɔmaa ɛkɔbɔ aya wɔ maen maen mukoraati so, fite aseɛ ti kɔka ye ti; na berɛ yeɛ ɛkɔso nyameɛ foforɛ biemɔ bɔ bafa mmakaa ne nyɔboɛ bayɔ ɔ, bɔ wɔ anaa wɔ nana mɔ bɛnze bɛ ɔ.