Hosea 8:7 - AHYERƐLƐ KRONGRON

⁷ Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.

Hosea 8:7 Iomraidhean Croise

Gyenesise 41:23

Na ɛhe asi ne, nwuni kyɛ aburoo nzoo bɔ bangye, na eyia afiteleɛ mvrama amaa bakese ɔ afifi.

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

YOB NWOMAA NE 4:8

Bɔ mese ole kyɛ, bɛ bɔ betutu amumuyɛɛ bɛtɛ, ná bedua amaneɛ ne, bɔ batɛ ne bɔ balua ne ala yeɛ bɛtete ɔ.

Anyandera 22:8

Sona bɔ odua amumuyɛɛ ne, ɔkɔpɛ musue, na ye ɛyaafɛlɛ mbire nu kobubu.

Nworɛ Dwirɛhanɛniɛ 5:16

Ɛhe koso te edwirɛ yealɛ paa: kyɛbɔ osi wale ne, sɔ ala yeɛ ɔkɔhɔ ye ɔ. Na ɛfɛɛ mbaen bɔ wafɛ ne, nzikyɛ mvasoɛ yeɛ onyane ye ɔ?

Yesaya 17:11

ɔwɔ nu kyɛ ɛmaa befifi kyẽa bɔ edua ne ala de, ɛmaa bɛbɔ nyerɛen ngyerɛmɔ ne ala bɔ edua ne de, nakoso aworabɔlɛ ne anwonyerɛ koangɔ kyẽa ne, ye mmaa bɔ wasu ne kotu komini.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Yesaya 66:15

“Ɛ́mɔtie, AWURADE kɔfa see ne ye teaseɛnam mɔ bɔ bɛte kyɛ mvrama piri yeɛ ɔkɔwa ɔ,, kyɛ ɔbaafa ye ahonehulɛ ne otua so kerɛ ɛyaafɛlɛ so, ná ɔfa see wuronyiwuronyi ɔtea bɛ.

Yeremia 12:13

Balua atokoɔ, nakoso bate mmowue, bafɛ alaa, nakoso bannya ye nwo mvasoɛ biala. Ɔnate AWURADE yaa piri bɔ wafɛ ne ati, ɛmɔ fieso nningyein bɔ ɛmɔkonya ye ne, ɔkɔyɛ bɛ fɛre.”

Awuye 5:2

Y’agyapadeɛ waali ɛwɔfoɛ mɔ bɛ sa nu, y’awuro mɔ baali amanvrafoɛ mɔ bɛ sa nu.

Hosea 2:9

Yiti ngosa ngɔwa ngoole m’aburoo wɔ ye buberɛ nu, yeɛ me nzaa wɔ ye mmerɛ nu, na ngosa ngole me kundu ne me gyese bɔ mva ngatale ye nwo ne.

Hosea 7:9

Ɛwɔfoɛ mɔ ale ye anwoserɛ ne, nakoso ɔnze, amba, ye ti so amukoraa afu gyein, nakoso ɔnze.

Hosea 9:16

Bafa nikyee babɔ Efraim, bɛ ndii akese, bengosu mmaa. Sɛ bɛwo mmaa po a, ngohũ bɛ mma mɔ bɔ b’ahone la bɛ nwo paa ne.

Nahum 1:3

AWURADE ahone onhu ndɛ, ye tumi te piri; na ongobua bɔ odi fɔ ɔ be le. AWURADE atee la mvrama bɔ ɔpɛ ye nwo, ɔne mvrama bɔ otu serɛserɛ ɔ nu, na munungum te ye gya bo mvuture.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Galatiafoɛ 6:7

Nnɛma ɛmɔlakalaka bɛ nwo, na bɛgoro Nyameɛ nwo. Ofikyɛ bɔ sona dua ne ala yeɛ okobu ɔ.

Galatiafoɛ 6:8

Na bɔ sona biala dua ye wɔ anwoɔnaen akɔnnɔ nu ne, okonya ewue kofi anwoɔnaen nu; nakoso bɔ odua ye wɔ Sunzum nu ne, okonya daa ngoa kofi Sunzum nu.

Deuteronomi 28:33

W’aseɛ so aleɛ, yeɛ wɔ sa noa adwuma so mvasoɛ ne, maen bɔ ɛnze ye ne, nu ama yeɛ bekoli ɔ. Bekoli wɔ aminɛ, ná basisi wɔ daa;