Hosea 8:2 - AHYERƐLƐ KRONGRON

² Bekosu bɛkɔfrɛ me kyɛ, ‘Me Nyameɛ, yɛ Yisraelfoɛ, yɛse wɔ.’

Hosea 8:2 Iomraidhean Croise

2 Ahemvo 10:16

Yeɛ Yehu hane kyɛ, “Maa yɛhɔ kɔnea kyɛbɔ matu me nwo masie berɛ mama AWURADE ɔ.” Yiti ɔmane Yehonadabo tenane ye teaseɛnam ne anu bie.

2 Ahemvo 10:29

Nakoso bɔne bɔ Nebate awa Yeroboam hwehwene Yisrael hɔle nu, kyɛ ɔmaa bɛsɔnene esikaa kɔkorɛ nandwie mmosoen bɔ ɔwɔ Betel ne Dan ne de, Yehu wanyakyi ye yɔlɛ.

Yeremia 7:4

Nnɛma ɛ́mɔfa ɛmɔ wora bewura ngondombo dwirɛ hemɔ anu: ‘AWURADE asɔneyɛɛ sua ne, AWURADE asɔneyɛɛ sua ne, AWURADE asɔneyɛɛ sua ne ɛhe.’

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Hosea 8:3

Yisrael agyi nikye paa ne wato, na pɔfoɛ ne kɔfoa ye.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mateo 25:11

“Na nziɛ ye, mmabunu ngaa nemɔ koso bɛwale, na bɛhane kyɛ, ‘Yɛ mene, Yɛ mene, bukye ma yɛbra nu oo!’

Mateo 7:21

“Nna ebiala bɔ ose me kyɛ ‘Awurade, Awurade’ ne, yeɛ ɔkɔhɔ nyameɛso ahennie ne anu ɔ, na mmom sana bɔ ɔyɔ me Baba bɔ ɔwɔ nyameɛso ne ye apɛdeɛ ɔ.

Luka 13:25

Na sɛ awuro ne mene dwɔso to anoa ne anu pɛ a, yeɛ ɛmɔkɔhyɛ ye bo bekogyina ye si ɔ, na ɛmɔkɔbɔ anoa ne anu bɛkɔhã kyɛ, ‘Yɛ Mene, Yɛ Mene, bukye anoa ne ma yɛ.’ Na okobua ɛmɔ kyɛ, ‘Menze nekaa bɔ ɛmɔfi ɔ.’

Tito 1:16

Bekyire kyɛ bɛse Nyameɛ, nakoso bɛfa bɛ yɔleɛ bɛpo ye; bɛte akyiwadeɛyɔlɛ mmenia, asoserɛfoɛ, bɔ bɛngora bɛnyɔ nikye paa biala ɔ.

1 Yohane 2:4

Na sona bɔ ɔkã kyɛ, “Mese ye”, nakoso onni ye ahyɛdeɛ so ne, ɔte ngondomboniɛ, na nahorɛ nne ye nu.