Hosea 8:14 - AHYERƐLƐ KRONGRON

¹⁴ Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Hosea 8:14 Iomraidhean Croise

1 Ahemvo 12:31

Yeroboam sisili sua wɔ asɔneyɛɛ nemɔ aso, na ɔneane maen ne anu yeyele kwahweabaa biemɔ bɔ nna Lewifoɛ ahɔ ɔ hyɛle bɛ sɔfo.

1 Ahemvo 16:31

Nebate awa Yeroboam bɔne bɔ Ahabo yɔle bie ne, sɔ bɔne ne po saa né ɔte kãa: Ahabo oogyale Sidonfoɛ hene Etebaal ɔwa brasua Yesebɛl, na ɔsole bosoen Baal sɔnene ye.

2 Ahemvo 18:13

Hesekia lili hene ne, ye afoɛ buru ne nna ne anu, Asiria hene Senakeribo fale koɛ ɔɔtoale Yuda nguro bɔ bato bɛ nwo fasue ne amukoraa, na olili bɛ so ngonim.

2 Aberɛso Dwirɛ 26:10

Osisili abandenden mɔ wɔ ɛserɛ ne aso, na otutuli abura pee, ofikyɛ né ole nyɛmmoa pee wɔ aseɛ frɛtɛɛ ne aseɛ pralaa ne aso. Né osa ole akuafoɛ mɔ ne bɛ bɔ betwi bobe nzaa wɔ mmokaa nemɔ aso ne aseɛ bɔ ɔkye aleɛ nemɔ aso, ofikyɛ né ye nye gye kua nwo.

2 Aberɛso Dwirɛ 27:4

Afei koso, ɔkyekyele nguro wɔ Yuda mmokaa aseɛ nemɔ aso, na osisili sua bɔ bɛ nwo yɛ se ɔ ne abandenden wɔ ɛhɔayeɛ nu mmokaa nemɔ aso.

Edwein 106:21

Bɛ wora fili Nyameɛ bɔ ɔte bɛ Defoɛ ne, bɔ ɔyɔle nningyein mbiri mbiri wɔ Misraim ne,

Edwein 95:6

Ao, ɛmɔbra maa yɛbɔ yɛ nu ase yɛsɔne ye, ɛ́mɔma yɛ́bu ndwerɛ wɔ AWURADE bɔ ɔbɔle yɛ ne, ye nyunu!

Yesaya 17:10

Ofikyɛ wɔ ngoalelɛ Nyameɛ ne, wɔ wora afi ye, na angaye Nyɔbotaen bɔ ɔbɔ wɔ nwo waen ne. Ye sɔ ne ati, ɔwɔ nu kyɛ edua nningyein paa paa de, edua nningyein bɔ ofi maen bie aso de,

Yesaya 29:23

Na sɛ onwu ye mma, me sa noa adwuma ne wɔ ye nu a, bekobu me dumaa ne krongron, bekobu Yakob Krongronniɛ ne krongron, na bekosuro Yisrael Nyameɛ ne.

Yesaya 42:13

AWURADE kɔhɔ ye nyunu kyɛ katakyie, ɔkɔma ye ahone kohu kyɛ koɛhonɛniɛ, ɔkɔtea nu, ɔkɔbɔ ese, na okoli ye pɔfoɛ mɔ so ngonim.

Yesaya 42:25

Ye sɔ ne ati, ɔmane ye ahone huli Yisrael so paa, na ɔmane koɛ piri paa tole ye. Ye ahonehulɛ ne, ogyele kyɛ see fale ye nwo amu, nakoso wande ye bo, ɔyerale ye, nakoso wanzua nworɛ wamvi nu.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Yesaya 9:10

“Mmerekese sua nemɔ adwiri agua, nakoso yɛkɔfa nyɔboɛ bɔ base ɔ yɛkosi; babubu akyea nemɔ bagua, nakoso yɛkɔfa sida yɛkosi bɛ gya nu.”

Yesaya 9:9

Na maen ne anu ama mukoraa, bɔ bɛ ole Efraim ne Samariafoɛ ne, bekonwu ye, bɛ yeɛ bɛkekã edwirɛ mbiri mbiri bɛmoma bɛ nwo so kyɛ,

Yeremia 17:27

Nakoso sɛ ɛmɔandie me dwirɛ, ná ɛmɔanzie afofikyẽa ne krongron, ná mmom sɛ ɛmɔsoa nningyein bɛfa Yerusalem pambim nemɔ anu afofikyẽa a, ye de ngɔto ye pambim nemɔ anu see, na ɔkɔyera Yerusalem ahemvie mɔ bɔ see ne ngonua ɔ.’ ”

Yeremia 2:32

Aso taluwa, ye wora kofi ye mbembenanneɛ, anaa atɔmvorɛ braa, ye wora kofi ye ataadeɛ? Nakoso me maen de, ye wora afi me, mmerɛ tendenn bɔ bɛka a bennwu ye noa ɔ.

Yeremia 23:27

Bɛ laleɛ mɔ bɔ bɛkekã bekyire bɛ nwo bɛ nwo nemɔ, bɛdwene kyɛ bɛkɔfa so bɛkɔma me maen ye wora kofi me dumaa, kyɛbɔ bɛ nana mɔ mane bɛ wora fili me dumaa bɛɛsole Baal ne.

Yeremia 3:21

Mmenia te komviɛ bie wɔ mmokaa pralaa nemɔ aso, bɔ Yisrael mma mɔ besu bɛpa kyerɛ ɔ, ofikyɛ bali b’atee nwo makyebu, na bama bɛ wora afi AWURADE bɛ Nyameɛ.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Hesekiel 23:35

Yiti AWURADE Nyameɛ nwa nyoo: Ɔnate kyɛ ama wɔ wora afi me, ná apo me ne ati, wɔ koso ekonya wɔ nyanzoen bra ne wɔ gyandera nwo asohwenɛ.”

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Amose 1:10

Na ngɔto Tiro fasue nu see maa ɔkɔyera ye anwoserɛ afealeɛ nemɔ.”

Amose 1:12

Yiti ngɔto Teman nu see maa ɔkɔyera Bosra anwoserɛ afealeɛ nemɔ.”

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.

Amose 1:4

Yiti ngɔto Hasael awuro nu see maa ɔkɔyera Ben Hadade anwoserɛ afealeɛ nemɔ.

Amose 2:5

Yiti ngɔto Yuda nu see maa ɔkɔyera Yerusalem anwoserɛ afealeɛ nemɔ.”

Ɛfesofoɛ 2:10

Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.

Deuteronomi 32:18

Nyɔbotaen bɔ ɔfale wɔ wale wiase ne de, andwene ye nwo, na wɔ wora fili Nyameɛ bɔ ɔwole wɔ ne.