Hosea 8:13 - AHYERƐLƐ KRONGRON

¹³ M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 8:13 Iomraidhean Croise

Ɛksadɔso 20:3

“Nnɛnya nyameɛ foforɛ biala ɛboka me so.

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Yesaya 1:11

Ɛmɔ afɔleɛ worawora ne, mefa meyɛ nzu? AWURADE noa dwirɛ ɛne. Mmoaen nyii naen yeralɛ afɔleɛ ɔne nyɛmmoa mɔ bɛ loe ne, mali maa wabɔ me; yeɛ nandwie mogya anaa mmoaen mogya, anaa mbɔngye mogya ɔnzɔ me nye.

Yeremia 14:10

Bɔ AWURADE kã kyire sɔ maen ye ɛhe, “Ɔyɛ bɛ fɛ kyɛ bekyinikyini ɔ, bɛnhyɛ bɛ nwo so wɔ bɛ hyininɛ nu. Yiti AWURADE nne bɛ ndo nu, afei ɔkɔkaye b’amumuyɛɛ, ná wahwe bɛ so wɔ bɛ bɔne nwo.”

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Hesekiel 29:16

Yisrael awuro ama ngɔfa bɛ wora ngowura Misraim nu ko, na mmom bɛkɔkaye kyɛ bɛyɔle amumuyɛɛ, mmerɛ bɔ bɛhɔle bɛ berɛ bɛɛpenane mmokalɛ ne. Na bekonwu kyɛ me ole AWURADE Nyameɛ.”

Hosea 11:5

Ongosa ngɔhɔ Misraim aseɛ so, na mmom Asiria koli ye so hene, ofikyɛ bapo kyɛ bekosa bɛkɔwa me berɛ ɔ.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 7:16

Besa bɛ si, nakoso bɛmma Anwuro Anwuroniɛ ne berɛ, bayɛ kyɛ nnakannaka agyaen, b’atitirefoɛ mɔ kɔtotɔ ngrandɛ noa; ɔnate bɛ noa dwirɛ mvamva ne ati, mmenia kɔfa ɛhe kɔgoro bɛ nwo wɔ Misraim aseɛ so.

Hosea 7:2

Na bɛndwene ye nwo wɔ bɛ ti anu kyɛ mekaye bɛ bɔne yɔleɛ amukoraa ɔ. Afei bɛ bɔbɔ bɛ yɔleɛ apɛ bɛ nwo ayia, na me nye tua.

Hosea 9:6

Ofikyɛ, tie, ɔnate ehuhunɛ ne ati, mmenia nemɔ banwati bahɔ. Misraim kɔboa bɛ noa, na Memfise kosie bɛ. Ndetema kofifi nekaa bɔ bɛ dwetɛ nningyein paa gua ne, na agurɛ kofifi bɛ tena sua nemɔ anu.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Amose 3:2

“Aseɛ ye aso mmusua amukoraa, ɛmɔ angome yeɛ mese ɛmɔ ɔ; yiti ɔnate ɛmɔ amumuyɛɛ amukoraa ne ati, ngɔhwe ɛmɔ so.

Amose 5:22

Ɔwɔ nu kyɛ ɛmɔbɔ naen yeralɛ afɔleɛ ne aleɛ afɔleɛ bɛma me, nakoso menne mendo nu; yeɛ ɛmɔ nandwie sayɛɛ asomdwee afɔleɛ ne, mengɔfa me nye mengɔnea.

Amose 8:7

AWURADE ata Yakob anwomasoɛ ne anwo ndaen kyɛ, “Amba, me wora ngofi bɛ yɔleɛ nemɔ anu biala.

Luka 12:2

Nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.

1 Korintofoɛ 11:20

Sɛ ɛmɔbayia nu neka horɛ a, nna Awurade adidie yeɛ ɛmɔbadi ɔ,

1 Korintofoɛ 11:29

Ofikyɛ ebiala bɔ odi ná ɔno ye wɔ atee bɔ ɔmvata so nen, odi ná ɔno ɔfa ndɛenbualɛ ɔbrɛ ye bɔbɔ ye nwo; ofikyɛ wammu [Awurade] nipadua ne.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Deuteronomi 28:68

AWURADE kɔsesa ɛmɔ kogua ɛlɛen mɔ nu kosa kɔfa ɛmɔ kɔhɔ Misraim. Ɔkɔfa ɛmɔ kɔfa atee bɔ ɔhyɛle ɛmɔ bɔ kyɛ ɛmɔ nye ngonwu ye ko ne aso; na berɛ yeɛ ɛmɔkɔyɛ bɛ nwo atɔen bɛkɔma ɛmɔ pɔfoɛ mɔ, kyɛ bɛ́fa ɛmɔ bɛ́yɛ nganga mmienzua ne mmrasua ɔ, nakoso ebiala ngɔtɔ ɛmɔ po.”

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.