Hosea 8:10 - AHYERƐLƐ KRONGRON

¹⁰ Amba, ɔwɔ nu kyɛ bɛbɔ abiɛngoɛ mɔ paa wɔ maen maen nemɔ nu de, nakoso ngɔboa bɛ noa; na ahemvo mmaa mmaa mɔ hene ne, ye nhyɛsoɛ ne ati, bekoli aworabɔlɛ kãa.

Hosea 8:10 Iomraidhean Croise

2 Ahemvo 14:26

AWURADE nwuni kyɛ amaneɛ bɔ Yisrael wɔ nu ne ɔte piri. Né sona biala nne berɛ, kyɛ kanga oo anaakyɛ dehyeɛ oo, bɔ ɔkɔhora kɔpepɛ kole Yisrael ɔ.

2 Ahemvo 17:3

Asiria hene Salmanese lili Hosea so ngonim wɔ koɛ nu. Yiti Hosea ɔɔyɛle ye akoaa, na né otua toɔ ma ye.

2 Ahemvo 17:4

Nakoso Asiria hene nwuni kyɛ Hosea ɔpena yɛ lɔen, ofikyɛ né Hosea watu ɛbɔfoɛ mɔ maa bahɔ Misraim hene bɔ bafrɛ ye Soo berɛ, yeɛ afei afoɛnoa afoɛnoa toɔ bɔ otua ma Asiria hene ne koso, wamva wangɔ. Yiti Asiria hene hyele Hosea tole kuku nu.

1 Aberɛso Dwirɛ 5:26

Yiti Yisrael Nyameɛ kanyane Asiria hene Pulu bɔ besa bɛfrɛ ye Tilgate Pilnese ne, na Rubenfoɛ, Gadefoɛ ne Manase abusua kure ne bue ne, ɔhyele bɛ nnure fale bɛ ooguale Hala, Habo, Hara ne Gosan asue ne anoa, na batena berɛ maa waadwu ɛnɛ.

Yesaya 10:8

Ofikyɛ ɔnwa: “Me safohene mɔ, aso bɛtte hene hɔ ɔ?

Yesaya 30:2

Besi nu bɛkɔ Misraim bɔ bemmisa me bennwu m’adwene ɔ, kyɛ bɛkɔ Faro berɛ maa ɔbɔ bɛ nwo waen, kyɛ bɛkwaapena Misraim fɔnwoo nu bewura.

Yesaya 36:13

Yeɛ safohene ne dwɔsole teane nu serɛserɛ wɔ Yuda dwudwolɛ nu kyɛ, “Asiria hene bɔ ɔte ɛhene bɔ odi mu paa ne, ɛ́mɔtie ye noa dwirɛ oo!

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Hesekiel 16:33

Mmienzua yeɛ bɛma mmrasua gyanderafoɛ amukoraa akyɛdeɛ ɔ. Nakoso wɔ de, ɛfa w’akyɛdeɛ ɛma mmienzua bɔ bekuro wɔ amukoraa, na ɛma bɛ fea-ase-ma, kyɛ béfi nekaa biala bɛbra wɔ berɛ bɛ ne wɔ bɛɛbɔ adwaman.

Hesekiel 16:37

yiti tie, bɛ bɔ ekuro bɛ bɔ wɔ nye gye bɛ nwo ne, mebaaboaboa bɛ mukoraa bɛ noa, bɛ bɔ ekuro bɛ dwirɛ ɔne bɛ bɔ ekyi bɛ amukoraa. Ngɔboaboa bɛ noa ngofi nekaa biala maa bekodwɔso bekotia wɔ, na ngɔpa wɔ nwo ngohyire bɛ maa bekonwu wɔ nwo amukoraa.

Hesekiel 22:20

Na kyɛbɔ sona boaboa ɛdwetɛ, kɔɔbere, buralɛ, sum ne kyɛnzee noa gua afaa nu, ofita see ne anu maa behuro ne, sɔ ala yeɛ ngɔboaboa ɛmɔ noa wɔ me yaafɛlɛ ne m’ahonehulɛ nu ɔ, na ngɔfa ɛmɔ ngogua nu ngohuro ɛmɔ.

Hesekiel 23:5

“Né Ohola te me deɛ de, nakoso ɔbɔle gyandera; ɔfale ye nwo mane bɛ bɔ yeɛ okuro bɛ ɔ, Asiriafoɛ bɔ bepingye ye ne.

Hesekiel 26:7

“Ofikyɛ AWURADE Nyameɛ nwa nyoo: Tie, mebaafa Babilɔn hene Nebukadenesa bɔ ɔte ahemvo mɔ nu hene ne, ɔne mbɔngɔ, teaseɛnam mɔ, pɔngɔhanɛfoɛ ne koɛhonɛfoɛ ɛlɔen pee mefi sorɔ dɔ meba wɔ, Tiro so.

Daniel 2:37

Wɔ, Nana, ɛte ahemvo mɔ bɛ nu hene bɔ nyameɛso Nyameɛ ne wafa ahennie, tumi, anwoserɛ ne animnyam wama wɔ ɔ.

Hosea 10:10

Mepena kyɛ metwe bɛ so, na maen maen mɔ bɛkɔboa bɛ noa, bekodwɔso bekotia bɛ, ɔnate b’amumuyɛɛ mmɔhoɛ ne ati.

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hagae 2:6

Na Asafo AWURADE nwa nyoo: Ɔngɔhyɛ biala, ngosa ngɔwoso anwuro ne aseɛ, ɛpo ne aseɛ wosee;