Hosea 8:1 - AHYERƐLƐ KRONGRON

¹ “Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Hosea 8:1 Iomraidhean Croise

2 Ahemvo 18:27

Nakoso Rabesake ne sele bɛ kyɛ, “Aso wɔ ne wɔ mene ne angome ti yeɛ me mene somane me kyɛ mangã edwirɛ he ɔ? Mmenia hemɔ bɔ bɛtete fasue ne aso ne bɛboka so, ofikyɛ bɛ koso edwirɛ kɔto bɛ maa bekoli bɛ bɔbɔ bɛ bondua ná bano bɛ bɔbɔ bɛ mmien kyɛ ɛmɔ ala.”

Yesaya 18:3

Ewiase mmenia mukoraa, ebiala bɔ ɔte aseɛ so ɔ, sɛ ɔfa frangaa pena mmokaa nemɔ aso a, ɛ́mɔnea! Sɛ ohu totorobɛndo a, ɛ́mɔtie!

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Yeremia 34:18

Na mmenia bɔ babu m’apam ne aso, ná banni edwirɛ bɔ ɔwɔ apam bɔ bɛyɛle ye wɔ me nyunu ne aso ne, ngɔmaa bɛkɔyɛ kyɛ nandwie akrɔngrɔma bɔ bɛpakyele ye nu nyɔ bɛnatele bue nyɔ nemɔ b’afia ne,

Yeremia 4:13

Nea! Ɔfo ba kyɛ munungum, ye teaseɛnam mɔ te kyɛ mvrama bɔ ɔpɛ ye nwo ɔ; ye mbɔngɔ mɔ nwo yɛ nyera tra kɔleɛ mɔ; edwirɛ ato yɛ oo, ofikyɛ yɛ maen ne abɔ oo!

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Yeremia 48:40

Ofikyɛ AWURADE nwa nyoo: “Tie, okotu kyɛ kɔleɛ, ná watrɛ ye ndaa nu wɔ Moabo so.

Yeremia 49:22

Tie, ɔkɔfo ná watu kyɛ kɔleɛ, na ɔkɔtrɛtrɛ ye ndaa nu wɔ Bosra so. Na sɔ kyẽa ne, Edom anwoserɛfoɛ bɛ kra kɔnwati kofi bɛ nwo, kyɛ brasua bɔ wafo aworɛ so ɔ ye deɛ.

Yeremia 51:27

Ɛ́mɔfa frangaa bɛpena aseɛ ne aso, ɛ́mɔhu totorobɛndo wɔ maen maen mɔ nu; ɛ́mɔboaboa maen maen mɔ noa maa bɛɛfa koɛ bɛtoa ye, ɛ́mɔfrɛfrɛ ahennie hemɔ maa bɛɛfa koɛ bɛtoa ye: Ararate, Mini ne Asekenase; ɛ́mɔye safohene maa ɔfa koɛ ɔtoa ye, ɛ́mɔma mbɔngɔ bɛbra maa bɛyɛ mitimiti kyɛ mmɛbɛ.

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.

Hesekiel 11:4

Yiti hyɛ ngɔm tia bɛ, O Sona awa, hyɛ ngɔm.”

Hesekiel 16:59

“Yoo, AWURADE Nyameɛ nwa nyoo: Bɔ ayɔ ne, ngotua wɔ so kerɛ, wɔ bɔ abu apam ne aso afa abu ndaen ne animtia ɔ.

Hesekiel 17:3

Kã kyɛ, AWURADE Nyameɛ nwa nyoo: Kɔleɛ kandinga bie, bɔ ole ndaa ngandinga ne ndɛkra ndendenn, bɔ ndɛkra woronworaen wɔ ye nwo amu ɔ ɔwale Lebanon. Obumane sida bakaa ne kɔme anu,

Hesekiel 7:14

“Bahu totorobɛndo ne basiesie nikyee biala yé de, nakoso ebiala ngɔhɔ koɛ, ofikyɛ m’ahone ahu b’anwonya ne amukoraa so.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 5:8

Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Hosea 6:7

Na mmom babu apam ne aso kyɛ Adam ala, berɛ yeɛ banni nahorɛ bamma me ɔ.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Yoel 2:15

Ɛ́mɔhu totorobɛndo wɔ Sion, ɛ́mɔyɛ akɔngyere krongron, ɛ́mɔfrɛ nyianu krongron;

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Amose 8:3

Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Amose 9:1

Nwuni AWURADE kyɛ ogyi afɔleɛ bokyea ne aso, na ɔhane kyɛ, “Bonima abotire ne, fa nikyee bɔ so maa aponnwaa nemɔ bɛwoso, ná dwiri gua bɛ mukoraa bɛ ti so, na ngɔfa ngrandɛ ngohũhũ bɛ bɔ baha ne’. Bɔ ɔkɔyɛ kyɛ ɔnwati biala, ɔngɔhora nwati, yeɛ bɔ okofi nu kofite biala, ongonya ye ti ngodidi nu.

Habakuku 1:8

Bɛ mbɔngɔ mɔ koso bɛ nwo yɛ nyera tra aboa, bɛte awerɔm bɛtra nɔsoa mbataku; bɛ pɔngɔhanɛfoɛ nemɔ behuru bɛpepe; amba, bɛ pɔngɔhanɛfoɛ nemɔ befi dedeede yeɛ bɛba ɔ; betu kyɛ kɔleɛ bɔ ɔpe ndɛen kɔkye naen di ɔ.

Sefania 1:16

totorobɛndohulɛ ne koɛ nu ndeateamuɛ kyẽa bɔ ɔ́ba nguro bɔ bato bɛ nwo fasue ɔne abandenden ndendenn mɔ so ɔ.

Sakaria 11:1

Wɔ, Lebanon, bukyebukye w’anoa nemɔ ma see ne ɔyera wɔ sida nemɔ.

Sakaria 9:14

Afei AWURADE kɔye ye nwo ali wɔ bɛ so, ye agyaen ne kɔhɔ kyɛ agralaa, AWURADE Nyameɛ kohu totorobɛndo, na ɔkɔfa ngwaen dɔ mvrama bɔ ɔpɛ ye nwo ne anu yeɛ ɔkɔhɔ ɔ.

Mateo 24:28

Na nekaa bɔ efuin la ne, berɛ yeɛ mbɛtɛ bɛboa bɛ noa ɔ.

1 Korintofoɛ 15:52

Na mvum nu, kyɛ ɛbɔ wɔ nye perɛ ne, totorobɛndo bɔ ɔpɛ ye bo ne kohu. Ofikyɛ bekohu totorobɛndo ne, na bekotingye awufoɛ bɛkɔhɔ tebea bɔ bɛmborɔ ɔ nu, na yɛ de yɛkɔkakyi.

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,