Hosea 7:5 - AHYERƐLƐ KRONGRON

⁵ Yɛ hene ne, ye kyẽa ne, ye mbanyi mɔ bɛnone nzaa bɛyɛle tendaenn; ɔne ngorohoɛfoɛ yeɛ betu nu ɔ.

Hosea 7:5 Iomraidhean Croise

Gyenesise 40:20

Ye ɛlɛsa ne aso, né ɔte Faro krakyẽa. Ɔtole poen mane ye mbanyi amukoraa. Na ɔyele nzaasulɛfoɛ so panyi ne paanootonɛfoɛ so panyi ne fili kuku nu maa beegyinane ye mbanyi nemɔ anyunu.

1 Ahemvo 13:4

Nana Yeroboam tele edwirɛ bɔ Nyameɛ sona ne hã tiale afɔleɛ bokyea bɔ ɔwɔ Betel nen, Yeroboam tengyɛle ye sa fili afɔleɛ bokyea ne aso sele kyɛ, “Ɛ́mɔhye ye!” Nakoso ye sa bɔ ɔtengyɛle fa hyirele ye so ne, ɔnwenwene bɔ wangora wandwe wanza ɔ.

Edwein 1:1

Sona bɔ ondie amumuyɛɛfoɛ foɛtulɛ, ná ɔmva bɔnefoɛ atee so, ná ɔne mmenia bɔ bɛgoro Nyameɛ nwo ne bendu nu ne, onya saleɛ.

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 20:1

Nzaa te ngorohoɛniɛ, nzaa serɛ maa ekuro ngondii, na ebiala bɔ ɔkɔfa ye ti kowura nu ne, ɔnze nworɛ.

Yesaya 28:1

Wɔ yaakɔ, Efraim akɔnomnzafoɛ anwomasoɛ abotire ne, ɔne ye nyerɛen nyemenenyemene bɔ ye nyemene gu so okyikyi ne, abotire bɔ ɔwɔ bɔnza bɔ ɔkye aleɛ ne ti afia, akɔnomnzafoɛ bɛ kuro ne!

Yesaya 28:14

Yiti ɛmɔ, ngorohoɛfoɛ, bɔ ɛmɔdi maen he aso wɔ Yerusalem ɔ, ɛ́mɔtie AWURADE noa dwirɛ!

Daniel 5:23

na mmom adwɔso nyameɛso Mene ne so konguronn, baasesa ye awuro kulie nemɔ babrɛ wɔ, na wɔ, ɛne wɔ mbanyi mɔ, ɛye mɔ ne wɔ sómaa mɔ bano nu nzaa, na aye ɛdwetɛ, sikaa kɔkorɛ, kɔɔbere, buralɛ, bakaa ne nyɔboɛ nyameɛ mɔ bɔ bennwu nikye, bɛnde dwirɛ, anaa bɛnze huu ɔ ayɛ. Nakoso Nyameɛ bɔ otira wɔ ngoa nyamaa nu, bɔ w’atee amukoraa wɔ ye sa nu ne de, amva anidie amma ye.

Hosea 7:3

Bɛfa bɔne yɔleɛ bɛma ɛhene ne nye gye, na bɛfa bɛ ngondombo bɛma atitirefoɛ mɔ koso bɛ nye gye.

Mateo 14:6

Na Herode krakyẽa dwuli nen, Herodiase awa abaayaa gole abilie hyirele bɛ bɔ bayia berɛ ne maa ɔyɛle Herode nyemene.

Marko 6:21

Afei Herodiase sa hane Yohane. Ɔwale kyɛ né Herode odi ye krakyẽa. Ɔtole poen mane ye atitirefoɛ ne ye safohene mɔ ne Galilea mbanyi.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.