Hosea 7:4 - AHYERƐLƐ KRONGRON

⁴ Bɛ mukoraa bɛte agyaasɛkyelɛfoɛ, bɛte kyɛ foonoo bɔ paanootonɛniɛ ne wasɔ nu see maa wayɛ hye ɔ; na ɔyakyi see ne anu hualɛ, ofi mmerɛ bɔ ɔkɔfete paanoo ne kɔpem kyɛ okotu ɔ.

Hosea 7:4 Iomraidhean Croise

Yeremia 23:10

Ofikyɛ agyaasɛkyelɛfoɛ bayi aseɛ ne aso to; ɔnate ɛnomalɛ ne ati, aseɛ ne bɔ awuye, na ɛserɛ ne aso nekaa bɔ ngaka didi ne, berɛ ayɛ pralaa. B’atee te bɔne, na b’anwoserɛ ne ɔtte mayee.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Yeremia 9:2

Ao, ahaa né manya ɛwɔfoɛ dabea wɔ ɛserɛ so, amaa mahora mayakyi me mmenia nu mahwe me nwo mafi bɛ nwo mahɔ! Ofikyɛ bɛ mukoraa bɛte agyaasɛkyelɛfoɛ ne nnakannakafoɛ fekue.

Hosea 4:10

Bekodidi, nakoso bɛ ko ngoyi; bɛkɔbɔ gyandera, nakoso bɛngɔta pee, ofikyɛ bapo AWURADE.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.