Hosea 7:3 - AHYERƐLƐ KRONGRON

³ Bɛfa bɔne yɔleɛ bɛma ɛhene ne nye gye, na bɛfa bɛ ngondombo bɛma atitirefoɛ mɔ koso bɛ nye gye.

Hosea 7:3 Iomraidhean Croise

1 Ahemvo 22:13

Ɛbɔfoɛ bɔ betuli ye kyɛ ɔɔfa Mikaya bra ne, osele Mikaya kyɛ, “Tie, ngɔmhyɛlɛfoɛ nemɔ amukoraa bɛ noa dwirɛ te ko. Bahã ngonimlilɛ nwo dwirɛ bahyire Nana Ahabo. Wɔ koso fa to bɛ deɛ ne aso, na kã ngonimlilɛ nwo dwirɛ kyire ye.”

1 Ahemvo 22:6

Yiti Yisrael hene boaboale ngɔmhyɛlɛfoɛ nemɔ noa. Bɛ somaa te kɔyɛ ɛyaa nna. Na obisale bɛ kyɛ, “Mva koɛ ngɔndoa Ramote Gileade, anaa nyakyi?” Bebuale kyɛ, “Nana, kɔ, ofikyɛ AWURADE kɔfa kuro ne kowura wɔ sa.”

Yeremia 37:19

Ɛmɔ ngɔmhyɛlɛfoɛ bɔ bɛhyɛle ɛmɔ ngɔm kyɛ, ‘Babilɔn hene ɔngɔfa koɛ ngɔtoa ɛmɔ ne maen he’ ne, bɛwɔ nisua?

Yeremia 5:31

ngɔmhyɛlɛfoɛ nemɔ bedi ngɔndorɔ, yeɛ asɔfo nemɔ bedi bɛ bɔbɔ bɛ ti piri; na sɔ yeɛ me maen ne kuro ɔ, nakoso odwu ayieleɛ ne a, ɛmɔkɔyɔ ye sɛ?

Yeremia 9:2

Ao, ahaa né manya ɛwɔfoɛ dabea wɔ ɛserɛ so, amaa mahora mayakyi me mmenia nu mahwe me nwo mafi bɛ nwo mahɔ! Ofikyɛ bɛ mukoraa bɛte agyaasɛkyelɛfoɛ ne nnakannakafoɛ fekue.

Hosea 10:13

Ɛmɔafundam bɔne yɔleɛ, ɛmɔapɛ amumuyɛɛ; ɛmɔali ngondombo mmaa. Ofikyɛ ɛfale wɔ nwo tole w’anwoserɛ so, wɔ koɛhonɛfoɛ ahoneserɛfoɛ nemɔ bɛ somaa so.

Hosea 11:12

Efraim afa ngondombo wapɛ me nwo wayia, yeɛ Yisrael awuro ama koso, bafa nnakannaka bapɛ me nwo bayia. Nakoso Yuda de, ɔtɛ ne Nyameɛ nate; na odi nahorɛ ma Krongronniɛ ne.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 5:11

Bɛhyɛ Efraim so, babua ye fɔ wɔ ndɛenbualɛ nu, ofikyɛ ɔhyɛle da lili mmeraa mbaen mbaen si.

Hosea 7:5

Yɛ hene ne, ye kyẽa ne, ye mbanyi mɔ bɛnone nzaa bɛyɛle tendaenn; ɔne ngorohoɛfoɛ yeɛ betu nu ɔ.

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Romanfoɛ 1:32

Bɛse Nyameɛ mmeraa ne kyɛ bɛ bɔ bɛyɔ sɔ nningyein nemɔ ne, ewue yeɛ ɔfata bɛ ɔ. Nna kyɛ bɛyɔ sɔ nningyein hemɔ angome, na mmom bɛhyɛ bɛ bɔ bɛyɔ sɔ ne nguraen.

1 Yohane 4:5

Nakoso bɛ de bɛte wiase deɛ, yiti ewiase dwirɛ yeɛ bɛkã ɔ, na ewiase koso tie bɛ dwirɛ.