Hosea 7:2 - AHYERƐLƐ KRONGRON

² Na bɛndwene ye nwo wɔ bɛ ti anu kyɛ mekaye bɛ bɔne yɔleɛ amukoraa ɔ. Afei bɛ bɔbɔ bɛ yɔleɛ apɛ bɛ nwo ayia, na me nye tua.

Hosea 7:2 Iomraidhean Croise

YOB NWOMAA NE 34:21

“Ofikyɛ ye nye li sona atee bɔ ɔnate so ɔ si, na onwu ye agyirɛ bɔ otu amukoraa.

Edwein 10:11

Ɔka ye wɔ ye ti anu kyɛ, “Nyameɛ wora afi, wafa ye nyunu wafea, na ongonwu ye le.”

Edwein 25:7

Ao AWURADE, ɔnate wɔ paayɛlɛ ne ati, nnɛkaye me ngwadaa nu bɔne, ɔne me mmeraatolɛ; gyina wɔ ɔdɔ bɔ onni ngasi ne aso ná kaye me!

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Edwein 9:16

AWURADE nate ye ndɛen turoloo bɔ obua ne aso waye ye nwo ali wahyire; wama bɔnefoɛ bɛ bɔbɔ bɛ yɔleɛ wayɛ ngaen wahye bɛ.

Edwein 90:8

Afa y’amumuyɛɛ agua wɔ nyunu, na afa yɛ mvealeɛ nu bɔne awa wɔ nyunu hyireinn ne anu.

Yesaya 1:3

Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 26:16

O AWURADE, bɛpenane wɔ si atee wɔ b’amaneɛnwunɛ nu, besu bɛfrɛle wɔ wɔ mmerɛ bɔ né ɛtwe bɛ so ɔ.

Yesaya 44:19

Na bɛ nu biala mva ngɔ adwenedwene nu, yeɛ olle nimdeɛ, anaa adwene biala bɔ ɔkɔmaa okobisa kyɛ, “Bakaa ne bue ne, nyerale ye see nu, nzusole see ne ndone paanoo, matoto naen wɔ so mali, aso odi kyɛ mefa ye ngaa ne meyɛ akyiwadeɛ nikyee anaa? Aso odi kyɛ mekoto bakaa kundunzii anaa?”

Yesaya 5:12

Bɛ yeɛ bɛfa sangoo, adengum, akasaa, awɛen ne nzaa bɛkɔ bɛ poentolɛ bo ɔ, nakoso bɛmva nningyein bɔ AWURADE yɔ ɔ bɛnyɔ huu ɔ, yeɛ ye sa noa adwuma koso bennwu ye.

Yeremia 14:10

Bɔ AWURADE kã kyire sɔ maen ye ɛhe, “Ɔyɛ bɛ fɛ kyɛ bekyinikyini ɔ, bɛnhyɛ bɛ nwo so wɔ bɛ hyininɛ nu. Yiti AWURADE nne bɛ ndo nu, afei ɔkɔkaye b’amumuyɛɛ, ná wahwe bɛ so wɔ bɛ bɔne nwo.”

Yeremia 16:17

Ofikyɛ me nye tua bɛ yɔleɛ amukoraa. Bɛmvea wɔ me nyunu, yeɛ b’amumuyɛɛ koso, so ɔngata wɔ me nye so.

Yeremia 17:1

Bafa buralɛ pɛn yeɛ bahyerɛ Yuda bɔne ɔ. Bafa pɛn ne noa bɔ ɔte dɛngyɛmmoɛ ne yeɛ bakurukyire ye wɔ b’ahone poen so ɔ, ɔne b’afɔleɛ mmokyea mmɛen nemɔ aso ɔ;

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Yeremia 4:18

W’atee bɔ ɛnate so, ɔne wɔ yɔleɛ yeɛ wama edwirɛ he ato wɔ ye. W’asefinɛ ɛne! Nea ye yealɛ! Ye yealɛ ne wahã w’ahone.”

Yeremia 44:21

“Ɛyɛɛ bɔ ɛmɔ ne ɛmɔ nana mɔ, ɛmɔ ahemvo mɔ, ɛmɔ atitire mɔ ne aseɛ ne aso ama ɛmɔyerale ye wɔ Yuda nguro nemɔ aso ne Yerusalem mmorɔnoɛ nemɔ aso ne, aso AWURADE ɔngaye? Aso ɔnne ye ti anu?

Hesekiel 21:29

wɔ aberɛ bɔ ngondombo nyekyire yeɛ benwu ye bɛma wɔ ɔ, bɛhyɛ wɔ ngɔm bɔ ɔtte nahorɛ ɔ, kyɛbɔ bɛkɔfa sɔ ngrandɛ ne bɛkɔpepɛ bɔnefoɛ bɛ ti ɔ, amumuyɛɛfoɛ bɔ bɛ kyẽa apingye, bɔ b’asohwenɛ mmerɛ adwu ne.

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Hosea 8:13

M’ayɛyelɛ afɔleɛ ne, bɛfa naen bɛbɔ, bedi, nakoso AWURADE onne bɛ ndo nu. Afei ɔkɔkaye b’amumuyɛɛ, ɔkɔhwe bɛ so wɔ bɛ bɔne nwo, na bekosa bɛkɔhɔ Misraim.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Amose 8:7

AWURADE ata Yakob anwomasoɛ ne anwo ndaen kyɛ, “Amba, me wora ngofi bɛ yɔleɛ nemɔ anu biala.

Yona 1:2

“Dwɔso kɔ Ninewe, sɔ kuro piri ne aso, ná bɔ ye dawure kyire bɛ kyɛ b’amumuyɛɛ wafo waadwu me nyunu.”

Numeri 32:23

Nakoso sɛ ɛmɔanyɔ sɔ a, ye de ɛmɔayɔ bɔne batia AWURADE, na ɛ́mɔkaye kyɛ ɛmɔ bɔne nwo asohwenɛ kɔwa ɛmɔ so.

Luka 12:2

Nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

Deuteronomi 32:29

Sɛ bɛse nworɛ a, ahaa bɛkɔte ɛhe abo, ná banwu kyɛbɔ b’ayieleɛ kosi koyie bɛ ɔ!

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.