Hosea 7:15 - AHYERƐLƐ KRONGRON

¹⁵ Ɔwɔ nu kyɛ me yeɛ mama bɛ ndeteyɛɛ, yeɛ mamaa banya anwoserɛ ɔ, nakoso bɛbɔ me nwo porɛ.

Hosea 7:15 Iomraidhean Croise

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

2 Ahemvo 13:5

Yiti AWURADE yele defoɛ mane Yisrael, maa ɔnate so benyane bɛ fawɔnwodi befili Siriafoɛ sa nu, na Yisraelfoɛ bɛtenane bɛ bɔbɔ b’awuro kyɛ daa ne ala.

YOB NWOMAA NE 5:17

“Sona bɔ Nyameɛ twi ye nyunu ne, onya saleɛ, yiti wɔ so bɔ Ɛdangama Nyameɛ ɔtwe ne, nnɛkã kyɛ ɛmbene so.

Edwein 140:2

bɛ bɔ bɛbɔ porɛ tɛɛ wɔ bɛ ti anu, ná bɛtwetwe koɛ bɛba daa ɔ.

Edwein 2:1

Nzu ati yeɛ maen maen mɔ bɛyɔ lɔen ɔ, ná maen mɔ bɛbɔ porɛ bɔ ongonzi pasiliwa biala ɔ?

Edwein 62:3

Ɔkwaadwu kyinzu yeɛ ɛmɔkotu ɛmɔ nye bekosie sona horɛ so ɔ, bɔ ɛmɔ amukoraa ɛmɔpena ye beku ye ɔ, kyɛbɔ ɛmɔdwiri fasue bɔ wahyea ɔ begua ase ɔ.

Edwein 94:12

Ao AWURADE, sona bɔ ɛtwe ye so, ɔne bɔ ekyirekyire ye wɔ mmeraa ne, onya saleɛ.

Anyandera 3:11

Mma, ɔyɛ a nnɛpo AWURADE tealɛ bɔ ɔfa tengyɛtengyɛ wɔ ne, yeɛ sɛ ɔkã wɔ nyunu a, nnɛmaa ɔyɛ wɔ ahi,

Yeremia 17:9

Ahone te nnakannaka tra nikyee biala, ɔte kanda paa. Na nwa yeɛ okonwu nu dwirɛ ɔ?

Hosea 13:9

Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Nahum 1:9

Nzikyɛ porɛ yeɛ ɛmɔbɔ bɛfa AWURADE nwo ye? Okonua ɛmɔ boso bɔkɔɔ, ye de, onua nikye boso bɔkɔɔ bɔ onnua ye ye pɛen nyɔ so ɔ.

Asomafoɛ 4:25

wɔ bɔ ɛnate Sunzum Krongron so edwudwo fale yɛ nana Dawide bɔ ɔte wɔ somvoɛ ne so kyɛ, ‘Nzu ati yeɛ Amaenmaensofoɛ bɛfɛ yaa hahii, ná maen maen mɔ bɛyɛ nzusuleɛ mbaen ɔ?

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

2 Korintofoɛ 10:5

Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

Hebrifoɛ 12:5

Anaakyɛ ɛmɔ wora afi nguraenhyɛlɛ dwirɛ bɔ Nyameɛ kã kyire ɛmɔ kyɛ ɛmɔte ye mma ne hɔ ɔ? Ɔnwa yoo: “Mma, sɛ Awurade tea wɔ a, ɔyɛ a nnɛfa di angorɛ, yeɛ sɛ otwi wɔ nyunu koso a, ɔyɛ a nnɛma w’aba nu bu.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.