Hosea 7:14 - AHYERƐLƐ KRONGRON

¹⁴ Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Hosea 7:14 Iomraidhean Croise

Ɛksadɔso 32:6

Bedwɔsole alebahyene bɛbɔle naen yeralɛ afɔleɛ ne asomdwee afɔleɛ. Mmenia ne tenane ase bedidili bɛnone, na bedwɔsole begole.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Yesaya 52:5

Na afei, nzikyɛ yeɛ odi kyɛ meyɔ ye wɔ wa ɔ? AWURADE noa dwirɛ ɛne, ofikyɛ basesa me maen bahɔ mbaen. Bɛ bɔ bedi bɛ so ne, bɛmaa bɛbɔ awuye, AWURADE noa dwirɛ ɛne; na daa biala bɛkekã musue dwirɛ betia me dumaa.

Yesaya 65:14

Ɛ́mɔtie, me somvoɛ mɔ bɛkɔto anigye dwein wɔ b’ahone nu, nakoso ɛmɔ de, ɛmɔkosu bekoli yealɛ wɔ ɛmɔ ahone nu, na ɛmɔkɔbɔ awuye bekoli aworabɔlɛ.

Yeremia 12:2

Wɔ yeɛ edua bɛ ɔ, na betira ndii; benyi besu mmaa; wɔ dumaa lela bɛ noa, nakoso b’ahone de, ombingye wɔ.

Yeremia 3:10

Nakoso ɛhe amukoraa si ne, oliɛma brasua ngondomboniɛ Yuda wanza wamva ye ahone amukoraa wamma me berɛ, na mmom ɔyɔle sɔ wɔ nnakannaka atee so, AWURADE noa dwirɛ ɛne.”

Awuye 2:18

B’ahone sũ frɛle AWURADE. Ao Sion awa brasua fasue, ma wɔ nye moen poro gua kyɛ asue eyia ne kɔngɔen. Nnɛde wɔ nwome, yeɛ nnɛma wɔ nye kyiremvua yakyi suɛ.

Hosea 13:16

Samaria kɔsoa ye foɛlilɛ, ofikyɛ wayɛ ye Nyameɛ nwo lɔen. Bɛkɔtotɔ ngrandɛ noa, bɛkɔtete bɛ mma nnɔma mɔ ti bɛkɔbobɔ berɛ, na bɛkɔpakyepakye bɛ pemvoɛ mɔ kunu.

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 13:9

Ao Yisrael, afrɛfrɛ w’asefinɛ ama wɔ nwo, nakoso me nu yeɛ wɔ mmokalɛ wɔ ɔ.

Hosea 3:1

Yeɛ AWURADE sele me kyɛ, “Sa kohuro braa adwamanbɔlɛniɛ bɔ ɔte agyaasɛkyelɛniɛ ne, kyɛbɔ AWURADE kuro Yisraelfoɛ dwirɛ, nakoso bɛso nyameɛ foforɛ mɔ, ná bekuro borɔdoma bɔ babobɔ ye kunguma ɔ.”

Hosea 8:2

Bekosu bɛkɔfrɛ me kyɛ, ‘Me Nyameɛ, yɛ Yisraelfoɛ, yɛse wɔ.’

Amose 2:8

Ndena bɔ bafa basi bɛ berɛ awowaa ne, bɛfa bɛsesɛ afɔleɛ bokyea biala anwo bɛda so, na bɛtɔ mmenia bedi a, nu nzaa ne, bɛno ye wɔ bɛ nyameɛ mɔ awuro.

Amose 8:3

Na asɔneyɛɛ sua ne anu dwein kɔkakyi awuyebɔlɛ sɔ kyẽa ne, AWURADE Nyameɛ noa dwirɛ ɛne. Efuin pee kogua nekaa biala; na bekogyi bɛ bekogua nekaa biala konn!”

Mika 2:11

Sɛ ebie nate ɔkekã edwirɛ mbaen mbaen ne ngondombo dwirɛ kyɛ, “Ngɔhyɛ nzaa ne nzaa serɛ nwo ngɔm ngohyire wɔ” a, ye yeɛ bekobu ye kyɛ ɔte maen ngɔmhyɛlɛniɛ ɔ.

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

Filipifoɛ 3:19

Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

Yakobo 4:3

Ɛmɔbisa, na ɛmɔ sa nga ye, ofikyɛ nna adwene paa yeɛ ɛmɔfa bebisa ɔ, kyɛbɔ ɔkɔmaa ɛmɔkɔfa bɛkɔyɔ bɔ ɛmɔ akɔnnɔ kuro ɔ.

Yakobo 5:1

Afei ɛmɔ, esikafoɛ, ɔnate amaneɛ bɔ ɔ́ba ɛmɔ so ne ati, ɛ́mɔsu ná ɛ́mɔbɔ awuye!

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.