Hosea 7:1 - AHYERƐLƐ KRONGRON

¹ Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Hosea 7:1 Iomraidhean Croise

Yesaya 28:1

Wɔ yaakɔ, Efraim akɔnomnzafoɛ anwomasoɛ abotire ne, ɔne ye nyerɛen nyemenenyemene bɔ ye nyemene gu so okyikyi ne, abotire bɔ ɔwɔ bɔnza bɔ ɔkye aleɛ ne ti afia, akɔnomnzafoɛ bɛ kuro ne!

Yesaya 59:12

Yɛ mmeraatolɛ asone pee wɔ wɔ nyunu, na yɛ bɔne di adanzeɛ tia yɛ, ofikyɛ yɛ mmeraatolɛ la yɛ nyunu, na yɛ amumuyɛɛ koso, yɛse:

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yesaya 59:14

Yasumu ndɛen turoloo yahɔ nziɛ, yeɛ tenenee waagyina dedeede; ofikyɛ nahorɛ afi ase wɔ dwaaso, yeɛ pɛpɛɛpɛyɛlɛ onnya atee mma nu.

Yeremia 51:9

Ahaa yɛpena kyɛ yɛsa Babilɔn anwonyerɛ, nakoso wande apɔ. Ɛ́mɔpo ye, ná ɛ́mɔma yɛ nu biala ɔhɔ ye bɔbɔ ye maen nu, ofikyɛ ye ndɛen bɔ babua ye ne, wafo wadwu nyameɛso, na bama so baadwu ewienu dɔ.

Hesekiel 16:46

Eliɛma brasua panyi ole Samaria, bɔ ɔne ye mma mmrasua bɛte wɔ sa bɛen so dɔ ne. Yeɛ eliɛma brasua kãa ole Sodom, bɔ ɔne ye mma mmrasua bɛte wɔ sa famaa so dɔ ne.

Hesekiel 23:4

Panyi ne dumaa li Ohola, yeɛ oliɛma brasua ne koso li Oholiba. Bɛɛyɛle me deɛ, na bɛwole mmaa mmienzua ne mmrasua. Bɛ dumaa ne, Ohola gyi berɛ ma Samaria, yeɛ Oholiba gyi berɛ ma Yerusalem.

Hesekiel 24:13

Nu naakye ne gyi berɛ ma w’adwaman bra ne. Ahaa mepena kyɛ mete wɔ nwo mefi w’adwaman bra ne anwo, nakoso amma wɔ nwo ande wamvi wɔ nyanzoen bra ne anwo, yiti wɔ nwo ngɔte ngofi wɔ nwo fiɛ ne anwo ko, kɔpem kyɛ ngɔhwe wɔ so maa m’ahone bɔ wahu wɔ so ne ɔkɔtɔ nzue nu ɔ

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 11:12

Efraim afa ngondombo wapɛ me nwo wayia, yeɛ Yisrael awuro ama koso, bafa nnakannaka bapɛ me nwo bayia. Nakoso Yuda de, ɔtɛ ne Nyameɛ nate; na odi nahorɛ ma Krongronniɛ ne.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 4:17

Efraim afa ye nwo wabɔ mmosoen, yiti po ye bra ma ye.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Hosea 6:4

Ao Efraim, nzikyɛ yeɛ mva nyɔ wɔ ɔ? Ao Yuda, nzikyɛ yeɛ mva nyɔ wɔ ɔ? Ɛmɔ nahorɛlilɛ te kyɛ ngyerɛmɔ munungum, na ɔte kyɛ bosue bɔ ɔpɛ nu kɔ ndɛndɛ ɔ.

Hosea 7:13

Bɛ yaakɔ oo! Ofikyɛ banwati bafi me nwo bahɔ. Amaneɛ ato bɛ, ofikyɛ bayɛ me nwo lɔen. Ahaa mekuro kyɛ mepepɛ mede bɛ, nakoso bɛpepɛ me nwo ngondombo.

Hosea 8:5

Ao Samaria, wapo wɔ nandwie ba ne, m’ahone ahu bɛ so; ɔkwaadwu kyinzu yeɛ bɛngɔbɔ anwotelɛ bra ɔ?

Hosea 8:9

Ofikyɛ baapena mmokalɛ wɔ Asiria, eburo afunum bɔ ye ngome okyinikyini ɔ. Efraim abɔ bɛ bɔ bekuro ye ɔ mɔ paa.

Amose 3:10

“Ofikyɛ bɛ bɔ bɛboaboa atianuserɛ ne awerɔm awue noa wɔ b’anwoserɛ afealeɛ mɔ anu ne, bɛnze kyɛbɔ bɛyɔ bɔ ɔtengyɛ ɔ,” AWURADE noa dwirɛ ɛne.

Amose 3:9

Ɛ́mɔbɔ ye dawure wɔ Asedɔde anwoserɛ afealeɛ nemɔ anu, yeɛ Misraim aseɛ so anwoserɛ afealeɛ nemɔ anu, ná ɛmɔhã kyɛ, “Ɛ́mɔboaboa ɛmɔ noa wɔ Samaria mmokaa nemɔ aso, ɛ́mɔnea basabasa mbiri mbiri bɔ ɔkɔ so wɔ nu ɔ, ɔne nhyɛsoɛ bɔ ɔkɔ so wɔ nu ɔ.”

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 19:42

“Wɔ, sɛ ɛnɛ ye po yeɛ wɔ bɔbɔ ala ɛse bɔ ɔfa asomdwee ba a, ahaa ɔte paa! Nakoso kekesaala ye de, bafa bafea wɔ.