Hosea 6:7 - AHYERƐLƐ KRONGRON

⁷ Na mmom babu apam ne aso kyɛ Adam ala, berɛ yeɛ banni nahorɛ bamma me ɔ.

Hosea 6:7 Iomraidhean Croise

Gyenesise 3:11

Na Nyameɛ bisale ye kyɛ, “Nwa yeɛ osele wɔ kyɛ wɔ nwo la so ɔ? Bakaa bɔ nganzole wɔ kyɛ nnɛdi ye mma ne bie ne, ali bie hɔ ɔ?”

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

2 Ahemvo 17:15

Ye ahyɛdeɛ, ye apam bɔ ɔne bɛ nana mɔ yɛle, ɔne kɔkɔbɔlɛ bɔ ɔbɔle bɛ nana mɔ ne, bebuli bɛ nye beguale so. Mmosoen bɔ bɛ nwo olle mvasoɛ yeɛ beelili bɛ si ɔ, maa ɔnate so bɛ bɔbɔ koso bɛ so amma mvasoɛ. Maen maen bɔ bapɛ Yisraelfoɛ nwo bayia bɔ AWURADE ahã bɛ nwo dwirɛ ahyire Yisraelfoɛ kyɛ nnɛmaa bɛyɔ bɛ yɔleɛ ne bie ne, bɛ yeɛ Yisraelfoɛ lili bɛ si ɔ.

YOB NWOMAA NE 31:33

Sɛ makata me mmeraatolɛ so kyɛbɔ adasa yɔ ne, bɔ mafa m’amumuyɛɛ mafea me ti anu,

Yesaya 24:16

Yɛte ayɛyelɛ dwein yɛfi aseɛ so nekaa biala kyɛ, Animnyam hã Teneneeniɛ ne. Nakoso ngane kyɛ, “Mawu oo, mawu oo, edwirɛ ato me oo! Nnakannakafoɛ begu so bɛlakalaka, nnakannakafoɛ bɛ nnakalɛ ne wayɛ piri.”

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yesaya 48:8

Ɛttele ye le, yeɛ ennwuni ye le, ofi tetetete yeɛ wɔ so ne, tokuro nne nu ɔ; ofikyɛ né mese kyɛ ɛte kanda, na ofi eni akunu yeɛ bɛfrɛ wɔ mmeraatolɛniɛ ɔ.

Yeremia 3:7

Na ngane ye me ti anu kyɛ, ‘Ɛhe amukoraa bɔ wayɔ ye, ye si ye, okosa kɔwa me berɛ.’ Nakoso wanza wamma, na oliɛma brasua ngondomboniɛ Yuda nwuni ye.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Yeremia 34:18

Na mmenia bɔ babu m’apam ne aso, ná banni edwirɛ bɔ ɔwɔ apam bɔ bɛyɛle ye wɔ me nyunu ne aso ne, ngɔmaa bɛkɔyɛ kyɛ nandwie akrɔngrɔma bɔ bɛpakyele ye nu nyɔ bɛnatele bue nyɔ nemɔ b’afia ne,

Yeremia 5:11

Ofikyɛ Yisrael awuro ama ne Yuda awuro ama, banni nahorɛ bamma me koraa, AWURADE noa dwirɛ ɛne.

Yeremia 9:6

Nnakannaka nu yeɛ ɔte w’atenaleɛ ɔ! Nnakannaka ti benguro kyɛ bekonwu me ɔ, AWURADE noa dwirɛ ɛne.

Hosea 5:7

Banni nahorɛ bamma AWURADE, ofikyɛ bawowo somaa mmaa. Bosome foforɛ ne kɔsɛkye bɛ ne bɛ boo mɔ.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Romanfoɛ 5:14

Nakoso ofi Adam so kɔpem Mose so, ewue nyane tumi wɔ kuro sona biala so; na bɛ bɔ banyɔ bɔne kyɛ Adam deɛ ne po, onyane bɛ so tumi. Adam te bɔ ɔba ne mvandoho.

Deuteronomi 31:20

Ofikyɛ, mefa bɛ mekodwu aseɛ bɔ nyɔfonesue ne woɛ tengyɛ wɔ so, bɔ ndale ndaen kyɛ ngɔfa ngɔma bɛ nana mɔ ne aso, ná bedidi ma bɛ ko yi, ná bɛyɛ mbiri mbiri a, bekooli nyameɛ foforɛ biemɔ si bɛkɔso bɛ, bɛkɔpo me, ná babu m’apam ne aso.

Hebrifoɛ 8:9

na ɔngɔyɛ kyɛ apam bɔ me ne bɛ nana mɔ hyehyɛle wɔ kyẽa bɔ nzɔle bɛ sa nyele bɛ mvili Misraim aseɛ so ne; ɔnate kyɛ bangɔso banni m’apam ne aso, na me koso nyele me nye mvili bɛ so, Awurade noa dwirɛ ɛne.