Hosea 6:5 - AHYERƐLƐ KRONGRON

⁵ Yiti nnate me ngɔmhyɛlɛfoɛ so mapɛ bɛ magua, mafa me noa nu dwirɛ mahũhũ bɛ, na me ndɛenbualɛ te kyɛ kanea bɔ ɔ́ta ɔ.

Hosea 6:5 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

1 Ahemvo 14:6

Nakoso odwuli anoa nu berɛ bɔ owura awuro ne anu nen, Ahiya tele ye gya boso, na ɔhane kyɛ, “Yeroboam aye, bra nu. Nzu ati yeɛ ɛyɛ wɔ nwo kyɛ sona foforɛ ahɔ ye? Ofikyɛ Nyameɛ afa edwirɛ piri bie watua me noa kyɛ nga ngyire wɔ.

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

1 Ahemvo 18:17

Ahabo nwuni Elia ne, osele Elia kyɛ, “Nna wɔ ɛhe, wɔ bɔ ɛmma Yisrael nwo ndɔ ye ɔ!”

1 Ahemvo 19:17

Sona biala bɔ Hasael wannya ye wangu ye ne, odi kyɛ Yehu ku ye. Na sona biala bɔ Yehu wannya ye wangu ye ne, odi kyɛ Elisa ku ye.

2 Ahemvo 1:16

Na ɔhã hyirele Ahasia kyɛ, “AWURADE nwa nyoo, ‘Ɔnate kyɛ atu mmenia maa bahɔ Ekron bosoen Baal Sebubo berɛ abisa ne ati, yiti bɛen bɔ anwonyerɛ ahã wɔ ato so ye, engofi so ngodwɔso, na mmom ewue yeɛ ekowu ɔ! Nyameɛ biala ɔnne Yisrael bɔ ɛkɔhora kobisa wɔ ti kofi ye berɛ anaa?’ ”

2 Aberɛso Dwirɛ 21:12

Yeɛ ngɔmhyɛlɛniɛ Elia hyerɛle krataa ɔɔmane Yehoram kyɛ, “AWURADE wɔ nana Dawide Nyameɛ nwa, ‘Ɔnate kyɛ amva atee bɔ wɔ baba Yehosafate fale so ne bie, anaa atee bɔ Yuda hene Asa fale so ne bie,

YOB NWOMAA NE 15:30

Ongofi awosii nu ngofite le, ɔkɔyɛ kyɛ bakaa, see kɔyera ye nyaa, na mvrama kohu ye nyerɛen ne kɔhɔ.

YOB NWOMAA NE 34:10

“Yiti ɛmɔ bɔ ɛmɔte dwirɛ bo ɔ, ɛ́mɔtie me, bɔne te nikyee bɔ Nyameɛ ngɔyɔ bie le ɔ, yeɛ amumuyɛɛ te nikyee bɔ Tuminiɛ ne ngɔyɔ bie le ɔ.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 37:6

Na ɔkɔma wɔ tenenee kɔla ali kyɛ kanea, ná wɔ belilɛ ne wata kyɛ eyiagyina.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 1:10

Tie, ɛnɛ kyẽa ye, mama wɔ tumi wɔ maen maen ne ahennie mɔ so, kyɛ etutu bɛ bo ná edwiri bɛ gua ase, kyɛ ɛsɛkye bɛ ná ɛhã bɛ gua, kyɛ esi ná elua.”

Yeremia 1:18

Tie, ɛnɛ kyẽa ye, mafa wɔ mayɛ kuro bɔ babɔ ye nwo waen ɔ, buralɛ bonima ne kɔɔbere fasue matia maen ne amukoraa: Yuda ahemvo, ye atitire mɔ, ye asɔfo mɔ ne aseɛ ne aso ama.

Yeremia 13:13

Na ekose bɛ kyɛ, bɔ AWURADE kã ɛhe: Tie, ngɔfa nzaabolɛ ngɔto aseɛ ye aso ama amukoraati so: ahemvo bɔ bɛte Dawide ahennie bia so ɔ so, asɔfo so, ngɔmhyɛlɛfoɛ so ne Yerusalemfoɛ amukoraati so.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Yeremia 5:14

Yiti AWURADE, Asafo Nyameɛ nwa: “Ɔnate kyɛ ɛmɔkã sɔ dwirɛ ne ati, tie, ngɔma me dwirɛ ne kɔkakyi see wɔ wɔ noa nu; maen he kɔkakyi eyein, na see kɔyera bɛ dwɛɛ.

Hesekiel 11:4

Yiti hyɛ ngɔm tia bɛ, O Sona awa, hyɛ ngɔm.”

Hesekiel 3:9

Mama w’ahone ayɛ se watra nyɔboɛ bɔ ɔyɛ se tra twerɛboɛ ɔ. Nnɛsuro bɛ, yeɛ nnɛsuro bɛ nyunu, ofikyɛ bɛte abusua bɔ bayɛ lɔen ɔ.”

Hesekiel 32:18

“Sona awa, bɔ Misraim lɔen worawora ne ti so awuye, na bɛ ne maen maen atitire mɔ bɛ mma mmrasua nemɔ, gyi bɛ gua aseɛ bo dɔ maa bɛɛboka mmenia bɔ bahɔ ɛborɔ kumaa nu dɔ ne aso.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Sefania 3:5

AWURADE bɔ ɔwɔ ye nu de, ɔte teneneeniɛ, ɔnyɔ bɔ ɔtte mayee ɔ, ngyerɛmɔ biala ɔda ye pɛpɛɛpɛyɛlɛ ali, bɔ ɔnyakyi ye yɔlɛ koraa ɔ; nakoso bɔnefoɛ mɔ de, bɛnze nyanzoen.

Asomafoɛ 7:31

Mose nwuni sɔ nikyee nen, ɔyɛle ye nwanwa, na ɔbɔ pingyele ngyɛkyerɛ ne kyɛ ɔkwaanea nikye horɛ; na ɔtele Awurade dwudwolɛ kyɛ,

Romanfoɛ 2:5

Ɛnze kyɛ ɛyɔ asoserɛ na epini w’ahone a, né ɛboaboa Nyameɛ yaa piri paa noa ma wɔ nwo wɔ ɛyaafɛlɛ piri kyẽa bɔ Nyameɛ baabua ye tenenee ndɛen ne ɔ?

Ɛfesofoɛ 6:17

Ɛ́mɔfa ngoalelɛ buralɛ kyerɛ, ɔne Sunzum ngrandɛ ne, bɔ ye ole Nyameɛ dwirɛ ne.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.

Nyekyire 2:16

Yiti sakyera w’adwene! Na sɛ anyɔ sɔ a, ngɔwa wɔ so ndɛndɛ, na ngɔfa me noa nu ngrandɛ ne me ne bɛ yɛkɔho.

Nyekyire 9:15

Yiti bɛsangyele abɔfo nna bɔ basiesie bɛ bama sɔ dɔnhwere ne, sɔ kyẽa ne, sɔ bosome ne, ɔne sɔ afoɛ ne, kyɛ behũhũ adasa mmaa ngyɛmuɛ nza nu ko.

Nyekyire 9:21

yeɛ banzakyera b’adwene bamvi b’awuelilɛ ne bɛ ngonyaayelɛ ne b’adwamanbɔlɛ ne b’awue nwo.

1 Samuel 13:13

Na Samuel sele ye kyɛ, “Ali ngwaseasɛm! Anni AWURADE wɔ Nyameɛ mmeraa bɔ ɔhyɛ mane wɔ ne aso. W’ahennie ne, ahaa AWURADE kɔma ye bo kotimu wɔ Yisrael daa,

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.

1 Samuel 15:32

Afei Samuel sele kyɛ, “Ɛ́mɔfa Amalɛkefoɛ hene Agage bɛ́brɛ me!” Na Agage wale ye nwo berɛ bɔ né ye gya to brabra nu ɔ. Yeɛ Agage hane kyɛ, “Amba, ewueyealɛ ato me.”

1 Samuel 15:33

Na Samuel sele kyɛ, “Kyɛbɔ wɔ ngrandɛ ama mmrasua bafa bɛ sa bafi terɛ ne, sɔ ala yeɛ mmrasua mɔ nu wora, eni kɔfa ye sa kofi terɛ ɔ.” Na Samuel pepɛle Agage nu ahuronzi ahuronzi wɔ AWURADE nyunu wɔ Gilgal.