Hosea 5:9 - AHYERƐLƐ KRONGRON

⁹ Efraim kɔkakyi kurofoen wɔ asohwenɛ kyẽa ne anu; mafa edwirɛ bɔ ɔkɔwa nu amba ɔ mato dwaa wɔ Yisrael mmusua kure nemɔ anu.

Hosea 5:9 Iomraidhean Croise

YOB NWOMAA NE 12:14

Sɛ odwiri nikyee gua a, ebiala ngɔhora ngosa ngosi, sɛ ɔto sona kuku nu a, ebiala ngɔhora ye bukye.

Yesaya 37:3

Na besele ye kyɛ, “Hesekia nwa: ‘Ɛnɛ te aworabɔlɛ kyẽa, asohwenɛ ne animguaseɛ kyẽa. Mmrasua afo aworɛ so, nakoso bennya anwoserɛ bɛmva bɛndwe bɛ nwo.

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Yesaya 48:3

“Mvili tetetete yeɛ ngane nningyein bɔ osisi ne anwo dwirɛ ɔ, ɔte me noa dwirɛ, na mva ndole dwaa; nyɔle bɛ mvum nu, na besisili.

Yesaya 48:5

Ye sɔ ne ati, yeɛ nga ngyirele wɔ fi tetetete, anzana bɛbaasi ne, mmɔle ye nwo dawure ngyirele wɔ, amaa anga kyɛ, ‘M’amoen ne yeɛ ɔyɔle ɔ, m’amoen bɔ base ne, ɔne bɔ bahuro buralɛ bayɔ ne yeɛ bɛhyɛle bɛ maa bɛwale ɔ.’

Yesaya 7:16

Ofikyɛ, aseɛ bɔ so ahemvo nyɔ bama ahunundetelɛ atɔ wɔ so ne, ɔkɔkakyi kurofoen koraka né akwadaa ne anwu kyɛ ɔkɔpo bɔne, ɔne kyɛ ɔkɔfa paa ɔ.

Hosea 5:12

Yiti nde kyɛ mvrɔlɔ mema Efraim, na nde kyɛ nikyee porɔlowaa mema Yuda awuro ama.

Hosea 5:14

Ofikyɛ ngɔyɛ kyɛ gyata ngɔma Efraim, yeɛ ngɔyɛ kyɛ gyata ba ngɔma Yuda awuro ama. Me, me yeɛ ngɔtete bɛ nu pasapasa ngɔhɔ ɔ; ngɔfa ngɔhɔ, na ebiala ngɔpepɛ ngole ye.

Hosea 7:12

Sɛ bɛkɔ a, ngɔtrɛ me tɛen nu ngɔkata bɛ so, ngɔtete bɛ ngogua ase kyɛ ewienu nnomaa; ngɔhwe bɛ so, kyɛbɔ bɛ mmenia bate ne ala.

Hosea 8:8

Bahye Yisrael bame; afei bɛte kyɛ kukue bɔ mvasoɛ nne so ɔ, wɔ maen maen mɔ nu.

Hosea 9:7

Asohwenɛ ngyẽa ne adwu berɛ, akatuaa ngyẽa ne adwu berɛ. Yisrael kobu ngɔmhyɛlɛniɛ ne kyɛ ɔte kwaseaa, yeɛ sunzum nu sona ne kyɛ wabɔ laen, ɔnate w’amumuyɛɛ somaa ne, ɔne ɛpɔen piri ne ati.

Amose 3:7

Amba, AWURADE Nyameɛ ngɔyɔ nikyee biala, bɔ ɔngɔla ye mvealeɛ nu dwirɛ ne ali ngohyire ye somvoɛ mɔ ngɔmhyɛlɛfoɛ nemɔ ɔ.

Amose 7:17

Yiti AWURADE nwa nyoo, ‘Ɛye kɔyɛ gyanderaniɛ wɔ kuro ne anu, na wɔ mma mmienzua ne wɔ mma mmrasua kɔtotɔ ngrandɛ noa, bɛkɔfa ɛwɛen bɛkɔto w’aseɛ nu bɛkɔhyɛ bɛkɔfa, ekowu wɔ aseɛ bɔ ye nwo agua fiɛ ɔ so, na amba, bɛkɔhye Yisrael nnure bekofi ye aseɛ so bɛkɔhɔ.’ ”

Amose 7:9

Yisake asɔneyɛɛ nemɔ kɔkakyi kurofoen, Yisrael nekaa krongron nemɔ kɔkakyi aseɛ pralaa, na ngɔfa ngrandɛ ngɔho ngotia Yeroboam awuro ama.”

Mika 6:13

Yiti ngɔbɔ wɔ maa ɛkɔbɔ anwonyerɛ, wɔ bɔne ti ngɔmaa ɛkɔyɛ pasapasa.

Sakaria 1:6

Nakoso me dwirɛ ne me nhyehyɛleɛ bɔ mva nduale me somvoɛ ngɔmhyɛlɛfoɛ nemɔ noa ne, aso bɛ nwo asohwenɛ wamma ɛmɔ nana mɔ so anaa? Yiti bɛsakyerale b’adwene, na besele kyɛ, ‘Kyɛbɔ Asafo AWURADE yɛle ye adwene kyɛ ɔne yɛ koli wɔ yɛ atee ne yɛ yɔleɛ nwo ne, sɔ ala yeɛ wamaa wato yɛ ɔ.’ ”

Yohane 16:4

Na mahã ɛhemɔ mahyire ɛmɔ, amaa sɛ mmerɛ ne dwu a, ɛmɔakaye kyɛ nga ngyirele ɛmɔ. Na manga ɛhemɔ mangyire ɛmɔ ahyɛaseɛ ne, ɔnate kyɛ né me ne ɛmɔ yeɛ yɛwɔ berɛ ɔ.