Hosea 5:8 - AHYERƐLƐ KRONGRON

⁸ Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Hosea 5:8 Iomraidhean Croise

2 Samuel 21:6

maa bɛfa ye boso ama mmienzua nzoo bewura yɛ sa, ná yɛɛbɔ bɛ kɔme wɔ AWURADE nyunu, wɔ Sɔɔlo bɔ AWURADE neaneane nu yele ye ne ye kuro Gibea.” Na Nana Dawide hane kyɛ, “Ngɔfa bɛ ngɔma ɛmɔ.”

1 Ahemvo 12:29

Ogyinane ko wɔ Betel, yeɛ ogyinane ko koso wɔ Dan.

Yesaya 10:29

Baafa kongonyi ne anu dɔ, baasikye kɔngɔen wɔ Geba. Ahunundetelɛ atɔ Rama so, Sɔɔlo kuro Gibea so ama banwati.

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Hosea 9:9

Bɛ bɔbɔ bagua bɛ nwo fiɛ paa, kyɛ Gibea mmerɛ ne anu ala; yiti ɔkɔkaye b’amumuyɛɛ, na ɔkɔhwe bɛ so bɛ bɔne nwo.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Yoel 2:15

Ɛ́mɔhu totorobɛndo wɔ Sion, ɛ́mɔyɛ akɔngyere krongron, ɛ́mɔfrɛ nyianu krongron;

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Yosua 7:2

Yosua somane mmienzua biemɔ maa befili Yeriko bɛhɔle Aye, bɔ opingye Bete Awen, wɔ Betel eyia afiteleɛ kyɛ, “Ɛ́mɔfo bɛhɔ bɛɛtetɛ aseɛ ne.” Na mmenia ne hɔle bɛɛtetɛle Aye besiele.

Maenbulɛfoɛ 5:14

Besili nu befili Efraim bɛhɔle Amalɛke bɔnza ne anu. Belili wɔ Benyamin, ne wɔ nwo ama si; Safohene nemɔ tuli bɛ bo befili Makyiri, yeɛ bɛ bɔ betira safohene pɔmaa mɔ koso, betuli bɛ bo befili Sebulɔn.

1 Samuel 15:34

Afei Samuel hɔle Rama, yeɛ Sɔɔlo koso hɔle ye kuro Gibea.

1 Samuel 7:17

Né ɔyɛ a, osa ba Rama, ofikyɛ ye kuro ɛne, na né ɔte berɛ yeɛ obu Yisrael maen ne ɔ. Na osili afɔleɛ bokyea berɛ mane AWURADE.

1 Samuel 8:4

Yiti Yisrael mbanyi mukoraati yiale, na bɛhɔle Samuel berɛ wɔ Rama