Hosea 5:7 - AHYERƐLƐ KRONGRON

⁷ Banni nahorɛ bamma AWURADE, ofikyɛ bawowo somaa mmaa. Bosome foforɛ ne kɔsɛkye bɛ ne bɛ boo mɔ.

Hosea 5:7 Iomraidhean Croise

Edwein 144:11

Pepɛ de me, ná de me fi ɛwɔfoɛ mma mɔ sa nu, bɛ yeɛ bɛ noa kekã edwirɛ mbaen mbaen, ná bɛ sa famaa te ngondombo asaa ɔ.

Edwein 144:7

Tengyɛ wɔ sa fi anwuro dɔ; maa nya me ti nnidi nu, ná pepɛ de me fi asue mbiri nu, fi amanvrafoɛ bɛ sa nu.

Yesaya 1:14

Ɛmɔ ɛsraen foforɛ aluolue ne aluolue nemɔ, me kra kyi, ɔte ɛhawo ma me, bɔ bayɛ me so adesoa ɔ.

Yesaya 48:8

Ɛttele ye le, yeɛ ennwuni ye le, ofi tetetete yeɛ wɔ so ne, tokuro nne nu ɔ; ofikyɛ né mese kyɛ ɛte kanda, na ofi eni akunu yeɛ bɛfrɛ wɔ mmeraatolɛniɛ ɔ.

Yesaya 59:13

Yato AWURADE mmeraa, yeɛ yapɛ ye ngondombo, yayakyi yɛ Nyameɛ si lilɛ, yɛ dwudwolɛ te nhyɛsoɛ ne ɛlɔenyɛlɛ, na yɛ ti anu nzusuleɛ bɔ ofite yɛ noa ne, ɔte nnakannaka.

Yeremia 3:20

Amba, brasua bɔ onni nahorɛ ne, kyɛbɔ onni nahorɛ mma ohu ne, sɔ ala yeɛ Yisrael awuro ama, ɛmɔanni nahorɛ bamma me ɔ, AWURADE noa dwirɛ ɛne.

Yeremia 5:11

Ofikyɛ Yisrael awuro ama ne Yuda awuro ama, banni nahorɛ bamma me koraa, AWURADE noa dwirɛ ɛne.

Hesekiel 12:28

Ɔnate sɔ ne ati, se bɛ kyɛ, ‘AWURADE Nyameɛ nwa nyoo: Mengɔtwetwe me gya ase wɔ me noa dwirɛ biala nwo ko, na mmom edwirɛ bɔ mahã ne, ɔkɔwa nu, AWURADE Nyameɛ noa dwirɛ ɛne.”

Hosea 2:11

Ngɔma ye ahurusililɛ ne amukoraa bo kɔpɛ, yeɛ ye aluolue ngyẽa mɔ, ye ɛsraen foforɛ mɔ, ye afofingyẽa ne ye aluolue bɔ bahyehyɛ amukoraa.

Hosea 2:4

Na mengonwu ye mma mɔ anwumvoin kaala, ofikyɛ bɛte gyandera mmaa.

Hosea 6:7

Na mmom babu apam ne aso kyɛ Adam ala, berɛ yeɛ banni nahorɛ bamma me ɔ.

Hosea 7:13

Bɛ yaakɔ oo! Ofikyɛ banwati bafi me nwo bahɔ. Amaneɛ ato bɛ, ofikyɛ bayɛ me nwo lɔen. Ahaa mekuro kyɛ mepepɛ mede bɛ, nakoso bɛpepɛ me nwo ngondombo.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.