Hosea 5:4 - AHYERƐLƐ KRONGRON

⁴ Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Hosea 5:4 Iomraidhean Croise

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Yeremia 24:7

Na ngɔma bɛ nimdeɛ bɔ ɔkɔmaa bekonwu me kyɛ me ole AWURADE ɔ. Bɛkɔyɛ me maen, ná me wora mayɛ bɛ Nyameɛ, ofikyɛ bɛkɔfa b’ahone amukoraa bekosa bɛkɔwa me berɛ.

Yeremia 50:38

Wawa ape b’asue mɔ aso, na bɛkɔwewe, ofikyɛ ɔte aseɛ bɔ amoen mɔ bayi so to, na babobɔ bɛ mmosoen mɔ nwo laen.

Yeremia 9:24

Na mmom ebiala bɔ ɔhoahoa ye nwo ne, odi kyɛ ɔhoahoa ye nwo kyɛ ole nimdeɛ, ná ɔse me kyɛ me ole AWURADE bɔ mefa ɔdɔ bɔ onni ngasi, ndɛenbualɛ turoloo ne nahorɛlilɛ yeɛ meyɛ me nningyein wɔ aseɛ ye aso ɔ. Na sɔ nningyein nemɔ yeɛ me nye gye bɛ nwo ɔ, AWURADE noa dwirɛ ɛne.”

Yeremia 9:6

Nnakannaka nu yeɛ ɔte w’atenaleɛ ɔ! Nnakannaka ti benguro kyɛ bekonwu me ɔ, AWURADE noa dwirɛ ɛne.

Hosea 13:13

Yealɛ bɔ brasua fo aworɛ so a onwu ye ne, ebie kɔto ye, nakoso ɔte baa bienzua bɔ ɔnze nworɛ ɔ; ofikyɛ odwu mmerɛ bɔ odi kyɛ bɛwo ye a, ɔmva ye ti ndua awodeɛ ne anoa.

Hosea 4:1

Yisraelfoɛ, ɛ́mɔtie AWURADE noa dwirɛ; ofikyɛ AWURADE ne aseɛ ne aso ama banya dwirɛ, ɔnate kyɛ nahorɛlilɛ, anwumvoinnwunɛ, ɔne Nyameɛ nwo nimdeɛ biala nne aseɛ ne aso.

Hosea 4:11

Gyanderabɔlɛ ne nzaa, yeɛ nzaa foforɛ yeɛ owua sona adwene ɔ.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 4:14

Sɛ ɛmɔ mma mmrasua mɔ bɛbɔ gyandera, anaa sɛ ɛmɔ aye mɔ bɛsɛkye agyaa a, mengɔhwe bɛ so; ofikyɛ mmienzua nemɔ bɔbɔ deinn bɛkɔ gyanderafoɛ nemɔ nekaa, na bɛ ne asɔneyɛɛ so gyanderafoɛ yeɛ bɛbɔ afɔleɛ ɔ. Yiti maen bɔ nimdeɛ abɔ ye ne, ɔkɔbɔ.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 8:11

Efraim asisi bɔne nwo afɔleɛ mmokyea pee, nakoso bakakyi ye so bɔneyɔlɛ afɔleɛ mmokyea.

Yohane 16:3

Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

1 Samuel 2:12

Eli mma nemɔ, né bɛte busuefoɛ mmenia. Né bɛmva AWURADE bɛnyɛ huu;