Hosea 5:2 - AHYERƐLƐ KRONGRON

² Ɛlɔenyɛlɛfoɛ nemɔ bɛ́pena kyɛ bédi awue piri paa, nakoso ngɔhwe bɛ mukoraa bɛ so.

Hosea 5:2 Iomraidhean Croise

Yesaya 1:5

Nzu ati yeɛ ɛmɔkuro kyɛ mekɔ so mebo ɛmɔ ɔ? Nzu ati yeɛ ɛmɔtɛyɛ lɔen ye? Tire ne amukoraa nde apɔ, yeɛ ahone ne amukoraa ayɛ hodwoo.

Yesaya 29:15

Bɛ yaakɔ, bɛ bɔ bɛfa bɛ nhyehyɛleɛ bɛfea AWURADE fee ɔ, bɛ bɔ bɛyɔ bɛ yɔleɛ wɔ awosii nu, bɔ bɛkã kyɛ, “Nwa yeɛ onwu yɛ ɔ? Nwa yeɛ ɔse yɛ ɔ?”

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 6:5

Yiti nnate me ngɔmhyɛlɛfoɛ so mapɛ bɛ magua, mafa me noa nu dwirɛ mahũhũ bɛ, na me ndɛenbualɛ te kyɛ kanea bɔ ɔ́ta ɔ.

Hosea 6:9

Kyɛbɔ awerɔm awuefoɛ kure bɛtetɛ sona ne, sɔ ala yeɛ asɔfo kure bɛbɔ porɛ bedi awue ɔ. Bedi awue wɔ Sɛkem atee so, amba, bɛbɔ musue.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.