Hosea 5:14 - AHYERƐLƐ KRONGRON

¹⁴ Ofikyɛ ngɔyɛ kyɛ gyata ngɔma Efraim, yeɛ ngɔyɛ kyɛ gyata ba ngɔma Yuda awuro ama. Me, me yeɛ ngɔtete bɛ nu pasapasa ngɔhɔ ɔ; ngɔfa ngɔhɔ, na ebiala ngɔpepɛ ngole ye.

Hosea 5:14 Iomraidhean Croise

YOB NWOMAA NE 10:16

Sɛ mema me nwo so a, ɛyɛ kyɛ gyata bɔ ye nye aboro ɔ ɛfoa me, na esa yɔ anwanwadeɛ nningyein etia me.

YOB NWOMAA NE 10:7

Ɔwɔ nu kyɛ ɛse kyɛ menni fɔ, yeɛ ebiala koso nne berɛ bɔ okole me kofi wɔ sa nu ɔ.

Edwein 50:22

“Ɛmɔ bɔ ɛmɔ wora ofi Nyameɛ ne, ɛ́mɔdwene ɛhe anwo, ná mandete ɛmɔ nu pasapasa bɔ ɛmɔngonya defoɛ ɔ.

Edwein 7:2

Wamma ye sɔ a, bɛkɔtete me nu pasapasa kyɛ gyata tete sona nu ɔ, na bɛkɔpoa me ase bɛkɔhɔ bɔ mengonya defoɛ biala ɔ.

Yesaya 5:29

Kyɛbɔ besi bɛbobɔ nu ne, ɔte kyɛ gyata deɛ, na bepo kyɛ gyata akrɔngrɔma mɔ, bɛyɛ bɛ komvi hooo bɛkye bɛ naen, na bɛfa bɛkɔ bɔ ebiala ngora nnne mvi bɛ sa nu ɔ.

Yeremia 25:38

Wafi ye dabea kyɛ gyata; ofikyɛ bɛ maen ne akakyi kurofoen ɔnate pɔfoɛ ngrandɛ ne, ɔne ye ɛyaafɛlɛ piri ne ati.”

Awuye 3:10

Ɔte kyɛ kwabrafo bɔ ɔtetɛ ɔ ma me, kyɛ gyata bɔ ɔwɔ mvealeɛ nu ɔ.

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 2:12

Ngɔsɛkye ye bobe ne ye borɔdoma mmakaa nemɔ, bɔ wahã wafa bɛ nwo kyɛ, ‘M’akatuaa bɔ me kurofoɛ mɔ bafa bama me ne, ye ɛhe’ ne; ngɔkakyi bɛ ɛhɔayeɛ, na eburo ngaka koli.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Amose 2:14

Yiti ɛnwatilɛ kɔbɔ anwonyeralɛniɛ, anwoserɛniɛ ye anwoserɛ kotu komini, yeɛ katakyie ngɔhora ngɔpepɛ ngole ye nwo.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Deuteronomi 28:31

Bekohu wɔ nandwie bɔ wɔ nye tua ɔ, nakoso engonya bie ngoli. Bɛkɔhye w’afunum bɔ wɔ nye tua ɔ, nakoso bɛngɔfa ngɔma wɔ. Bɛkɔfa wɔ boaen bɛkɔma wɔ pɔfoɛ mɔ, nakoso engonya sona maa ɔngɔhã bie ngɔma wɔ.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.