Hosea 5:13 - AHYERƐLƐ KRONGRON

¹³ Mmerɛ bɔ Efraim nwuni ye anwonyerɛ, ná Yuda nwuni ye kena ne yeɛ Efraim hɔle Asiria ɔ, na ɔsomane maa bɛhɔle Nana Yarebo berɛ. Nakoso wangora wanza ɛmɔ anwonyerɛ, yeɛ wangora wamma ɛmɔ kena ne wangɔ.

Hosea 5:13 Iomraidhean Croise

2 Ahemvo 15:19

Asiria hene Pulu fale koɛ ɔɔtetale Yisrael maen ne, na Menahem mane Pulu ɛdwetɛ talɛnde apee ko, kyɛ ɔma ɔhɔ so ɔtena bia ne aso.

2 Ahemvo 15:29

Yisrael hene Peka aberɛ so, Asiria hene Tiglate Pilese ɔɔho fale Yisrael nguro hemɔ: Yiyon, Abel Bete Maaka, Yanoa, Kedese, Hasɔ, Gileade, Galilea, ɔne Nafetali aseɛ amukoraa; na ɔhyele mmenia nemɔ nnure fale bɛ hɔle Asiria.

2 Ahemvo 16:7

Yeɛ Ahase tuli ɛbɔfoɛ mɔ maa bɛhɔle Asiria hene Tiglate Pilese berɛ kyɛ, “Nde w’akoaa ne ɛwa. Bra baale me fi Siria hene sa nu, ɔne Yisrael hene sa nu, ofikyɛ bafa koɛ baateta me.”

Yesaya 3:7

Nakoso ko ne kɔtea nu sɔ kyẽa ne kose kyɛ, “Daabi, mengonya ɛhawo he anwo sɔbea oo, aleɛ anaa ɛtena biala nne m’awuro, yiti nnɛma ɛmɔfa me bedi mmenia ne aso panyi.”

Yeremia 30:12

“Ofikyɛ AWURADE nwa nyoo: Wɔ kena ne te kenangɔ, wɔ puralɛ ne yɛ suro.

Hesekiel 23:5

“Né Ohola te me deɛ de, nakoso ɔbɔle gyandera; ɔfale ye nwo mane bɛ bɔ yeɛ okuro bɛ ɔ, Asiriafoɛ bɔ bepingye ye ne.

Hosea 10:6

Bɛkɔsoa bɛkɔhɔ Asiria bɛkɔɔyɛ akyɛdeɛ bɛkɔma Nana Yarebo; Efraim nyunu kogua ase, na Yisrael kɔfɛre ye bɔbɔ ye agyirɛ bɔ watu ɔ nwo.

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 14:3

Asiria ngɔpepɛ ngole yɛ, yɛngɔtenatena mbɔngɔ so, yeɛ yɛngɔhã ngohyire yɛ sa noa nnwumaa ko kyɛ, ‘Ɛmɔte yɛ nyameɛ mɔ’, ofikyɛ wɔ nu yeɛ ayisiaaniɛ onya anwumvoinnwunɛ ɔ.

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 8:9

Ofikyɛ baapena mmokalɛ wɔ Asiria, eburo afunum bɔ ye ngome okyinikyini ɔ. Efraim abɔ bɛ bɔ bekuro ye ɔ mɔ paa.

Mika 1:9

Ofikyɛ ye ngena nemɔ te kenangɔ; waadwu Yuda, waadwu me maen bɛ pambim ne anoa, waadwu Yerusalem.