Hosea 4:6 - AHYERƐLƐ KRONGRON

⁶ Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Hosea 4:6 Iomraidhean Croise

2 Aberɛso Dwirɛ 15:3

Mmerɛ tendenn bie bɔ wapɛ nu ɔ, né Yisrael ɔnze nahorɛniɛ Nyameɛ ne. Né belle ɔsɔfo bɔ okyirekyire bɛ ɔ, yeɛ belle mmeraa biala.

YOB NWOMAA NE 36:12

Nakoso sɛ bandie ye a, bɛtotɔ ngrandɛ noa, na bewuwu bɔ nimdeɛ abɔ bɛ.

Edwein 119:139

Me mmɔdenbɔlɛ ogye wɔ me nu kyɛ see, ofikyɛ me pɔfoɛ mɔ wora afi wɔ dwirɛ ne.

Edwein 119:153

Nea m’amaneɛ bɔ menwu ye ɔ, ná pepɛ de me, ofikyɛ memma me wora mvi wɔ mmeraa ne.

Edwein 119:61

Ɔwɔ nu kyɛ bɔnefoɛ nyamaa abrabra me de, nakoso me wora mvi wɔ mmeraa ne.

Edwein 18:27

Ɛpepɛ de anwobrɛaseɛfoɛ, nakoso anwomasoɛfoɛ de, ɛbrɛ bɛ ase.

Anyandera 10:21

Teneneeniɛ ye noa dwirɛ, mmeni pee fa nu aba, nakoso ngwaseafoɛ de, adwene nne bɛ ti anu, yiti bewuwu.

Anyandera 19:2

Ɔtte mayee mma sona kyɛ nimdeɛ kɔbɔ ye ɔ, yeɛ bɔ otutu amirika yɔ nikyee ne, ɔyɛ mvomsoɛ.

Yesaya 1:3

Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 17:10

Ofikyɛ wɔ ngoalelɛ Nyameɛ ne, wɔ wora afi ye, na angaye Nyɔbotaen bɔ ɔbɔ wɔ nwo waen ne. Ye sɔ ne ati, ɔwɔ nu kyɛ edua nningyein paa paa de, edua nningyein bɔ ofi maen bie aso de,

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 28:7

Sɔ mmenia hemɔ koso, bɛfa nzaa bebia, na nzaa serɛ maa bɛnate fofalifofali: Asɔfo mɔ ne ngɔmhyɛlɛfoɛ bɛfa nzaa serɛ bebia, nzaa ama b’adwene ayɛ nwunyaenn, nzaa serɛ maa bɛnate fofalifofali, bɛyɛ mvomsoɛ wɔ nyekyire nu, na bɛ ndɛenbualɛ ɔtte mayee.

Yesaya 29:12

Yeɛ sɛ bɛfa bɛma ebie bɔ ɔnze nwomaa kyɛ “Mesrɛ wɔ kenga ɛhe” a, ɔkã kyɛ, “Menze nwomaa.”

Yesaya 3:12

Ngwadaa yeɛ bɛhyɛ me maen so ɔ, na mmrasua yeɛ bedi bɛ so panyi ɔ. O me maen, wɔ mbanyi mɔ lakalaka wɔ maa edi makyebu fi w’atimbire so.

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yesaya 5:13

Ye sɔ ne ati, bɛkɔhye me maen nnure bɛkɔhɔ, ɔnate nimdeɛ bɔ belle bie ti; ɛhɔen kohũ b’atitirefoɛ maa bekowu, yeɛ nzuhɔen kohũ mmenia wora ne maa bekowu.

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 5:21

“Ɛ́mɔtie ɛhe, mmenia ngwaseafoɛ bɔ ɛmɔlle adwene ɔ, mmenia bɔ bele anyeɛ, nakoso bennwu nikye ɔ, bɔ bele asoɛ, nakoso bɛnde dwirɛ ɔ.

Hesekiel 44:23

Odi kyɛ bekyirekyire me maen nzonzoleɛ bɔ ɔla krongron nningyein ɔne nningyein mbaen b’afia ɔ, ná bɛmaa benwu nzonzoleɛ bɔ ɔla nningyein bɔ bɛ nwo nde ɔne bɔ bɛ nwo te ɔ b’afia.

Hosea 13:6

Ndire bɔ belili ne, kyɛbɔ né ye paa si te nen, sɔ ala yeɛ bɛ ko yili ɔ; bɛ ko yili, na bɛyɛle anwomasoɛ, yiti bɛ wora fili me.

Hosea 2:13

Ngyẽa bɔ ɔfa sɔnene Baal mɔ ne, ngɔhwe ye so wɔ ye nwo, mmerɛ bɔ ɔyerale ɛyɛɛ mane bɛ, bɔ ɔfale ye asomade ne ye mbembenanneɛ mɔ siesiele ye nwo, oolili ye kurofoɛ nemɔ asi mane ye wora fili me ne, AWURADE noa dwirɛ ɛne.

Hosea 4:1

Yisraelfoɛ, ɛ́mɔtie AWURADE noa dwirɛ; ofikyɛ AWURADE ne aseɛ ne aso ama banya dwirɛ, ɔnate kyɛ nahorɛlilɛ, anwumvoinnwunɛ, ɔne Nyameɛ nwo nimdeɛ biala nne aseɛ ne aso.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 4:14

Sɛ ɛmɔ mma mmrasua mɔ bɛbɔ gyandera, anaa sɛ ɛmɔ aye mɔ bɛsɛkye agyaa a, mengɔhwe bɛ so; ofikyɛ mmienzua nemɔ bɔbɔ deinn bɛkɔ gyanderafoɛ nemɔ nekaa, na bɛ ne asɔneyɛɛ so gyanderafoɛ yeɛ bɛbɔ afɔleɛ ɔ. Yiti maen bɔ nimdeɛ abɔ ye ne, ɔkɔbɔ.

Hosea 5:4

Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Hosea 7:9

Ɛwɔfoɛ mɔ ale ye anwoserɛ ne, nakoso ɔnze, amba, ye ti so amukoraa afu gyein, nakoso ɔnze.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Hosea 8:12

Mahyerɛ me mmeraa ne anu dwirɛ apee apee pee mama ye, nakoso bebuli bɛ kyɛ amanvrafoɛ nikye.

Hosea 8:14

Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Hosea 9:17

Me Nyameɛ kɔpo bɛ, ofikyɛ banyɛ sotie bamma ye, na bekohyinihyini maen maen mɔ so.

Mateo 1:6

Yese bɔ ɔwa ole Nana Dawide ne. Dawide ne Yuria aye ne wole Solomon.

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 15:8

‘Maen he bele bɛ noa mbaen yeɛ bedi me ni ɔ, nakoso b’ahone de, ombingye me.

1 Samuel 2:12

Eli mma nemɔ, né bɛte busuefoɛ mmenia. Né bɛmva AWURADE bɛnyɛ huu;