Hosea 4:3 - AHYERƐLƐ KRONGRON

³ Yiti aseɛ ne di aworabɔlɛ, na bɔ ɔwɔ so amukoraa ayɛ hodwoo: eburo ngaka, ewienu nnomaa, yeɛ ɛpo nu naen po bekoyie.

Hosea 4:3 Iomraidhean Croise

Yesaya 33:9

Aseɛ di aworabɔlɛ, na wayɛ katerepee, Lebanon nyunu agua ase, na watwindwam; Saron ayɛ kyɛ ɛserɛ so; na Basan ne Kamɛl so mmakaa nyaa baporo.

Yeremia 12:4

Aseɛ ne kɔbɔ awuye koodwu kyinzu, na eboo biala so ndire kɔkese maa okoodwu kyinzu? Ofikyɛ aseɛ ne aso ama, b’amumuyɛɛ ti, ngaka ne nnomaa batu bamini, ofikyɛ mmenia nwa, “Ongonwu y’ayieleɛ.”

Yeremia 23:10

Ofikyɛ agyaasɛkyelɛfoɛ bayi aseɛ ne aso to; ɔnate ɛnomalɛ ne ati, aseɛ ne bɔ awuye, na ɛserɛ ne aso nekaa bɔ ngaka didi ne, berɛ ayɛ pralaa. B’atee te bɔne, na b’anwoserɛ ne ɔtte mayee.

Yeremia 4:25

Ndole me nye nneane, na yieee, né sona biala nne berɛ, na né ewienu nnomaa amukoraa banwati.

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Yeremia 9:9

Aso onni kyɛ metwe bɛ so wɔ sɔ nningyein hemɔ nwo anaa? AWURADE noa dwirɛ ɛne. Na maen bɔ ɔte sɔaa, onni kyɛ me kra tɔ bɛ so wereɛ anaa?

Hesekiel 38:20

maa ɔnate so ɛpo nu naen, ewienu nnomaa, eburo ngaka, kaka biala bɔ ɔtwe ye nwo ase wɔ aseɛ so, yeɛ aseɛ so mmenia mukoraa bɛ nwo kɔwoso bɛ wɔ me nyunu. Mmokaa mukoraa bekodwiri bekogua, nyɔbotaen ndendenn mɔ kobubu kogua, yeɛ fasue biala kobu kogua ase.

Yoel 1:18

Nea kyɛbɔ nyɛmmoa nemɔ bɛpenepene ɔ! Nandwie kure nemɔ bɛteetee, ofikyɛ bennya aleɛ benni; amba, mmoaen kure nemɔ benwu amaneɛ.

Amose 1:2

Na osele kyɛ, “AWURADE bobɔ nu fi Sion, na ɔma ye komvi so fi Yerusalem, aseɛ bɔ mmoaenneafoɛ benya ngaka aleɛ wɔ so ne, odi aworabɔlɛ, yeɛ bokaa Kamɛl ti afia ayɛ pralaa.”

Amose 5:16

Yiti AWURADE, Asafo Nyameɛ, AWURADE, ɔnwa, “Bɛkɔbɔ awuye wɔ dwaa nemɔ amukoraa so, yeɛ bɛkɔkekã ye wɔ atimbire nemɔ amukoraa so kyɛ, ‘Ayaa! Ayaa!’ Na bɛkɔfrɛ kuafoɛ maa bekoosu, ɔne bɛ bɔ bɛse sũ ɔ maa bɛkɔɔbɔ awuye.

Amose 8:8

Ɔnate sɔ ati, aso aseɛ ngɔwoso anaa, na so ama amukoraa, aso bengoli aworabɔlɛ anaa? Aseɛ ne amukoraa kohuhu kyɛ asue Naele bɔ wayi ɔ, bekohuruhuru ye, na afei ɔkɔhwe kyɛ Misraim asue Naele.

Nahum 1:4

Ɔkã ɛpo nyunu, na ɔmaa ɔwewe, ɔwewe asue amukoraa; Basan ne Kamɛl kese, na Lebanon nyerɛen twindwam.

Sefania 1:3

“Ngonua mmenia ne ngaka boso; ngonua ewienu nnomaa ne ɛpo nu naen boso, bɛ ne sundidua mɔ ne bɔnefoɛ mɔ. Ngonua kuro sona boso ngofi aseɛ so,” AWURADE noa dwirɛ ɛne.

Sakaria 5:4

Ngɔsoma ye maa ɔkɔhɔ, Asafo AWURADE noa dwirɛ ɛne, na okowura awueniɛ n’awuro, yeɛ bɔ ɔfa me dumaa ta ndaen mbaen ɔ awuro; okosikye ye awuro berɛ, na ɔkɔyera awuro ne, nu mmakaa ne nu nyɔboɛ.”