Hosea 4:2 - AHYERƐLƐ KRONGRON

² Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 4:2 Iomraidhean Croise

Gyenesise 4:8

Na Kein sele oliɛma Abel kyɛ, “Maa yɛhɔ fieso.” Na bɛwɔ fie ne aso nen, Kein hɔle oliɛma Abel so, na ohuni ye.

Yesaya 24:5

Efiɛ ahã aseɛ ye, so ama bɛ yɔleɛ ti, ofikyɛ bato mmeraa ne, batu ahyɛdeɛ ne bagua, yeɛ babu apam afebɔɔ ne aso.

Yesaya 48:1

O Yakob boso ama, ɛ́mɔtie dwirɛ he, ɛmɔ bɔ bɛfa Yisrael dumaa bɛfrɛ ɛmɔ ɔ, bɔ ɛmɔte Yuda bosofoɛ, bɔ ɛmɔfa AWURADE dumaa bɛta ndaen, bɔ ɛmɔbɔ Yisrael Nyameɛ dumaa, nakoso ɛmɔnyɔ sɔ nahorɛ ne tenenee nu ɔ.

Yeremia 51:5

Ofikyɛ Yisrael ne Yuda bɛ Nyameɛ Asafo AWURADE ne, ɔppole bɛ, ɔwɔ nu kyɛ bɛ bɔne bɔ bayɔ batia Yisrael Krongronniɛ ne, wayi b’aseɛ ne aso to de.

Yeremia 6:7

Kyɛbɔ abura pu ye nzue ba ne, sɔ ala yeɛ Yerusalem di nzɛmmɔne ɔ; atianuserɛ ne atutureasɛm yeɛ bɛte ye wɔ kuro ne anu ɔ; anwonyerɛ ne epuralɛ yeɛ menwu ye daa ɔ.

Awuye 4:13

Ofikyɛ ye ngɔmhyɛlɛfoɛ nemɔ bɛ bɔne, ɔne ye asɔfo nemɔ b’amumuyɛɛ ti yeɛ ɔwale ye sɔ ɔ. Bahã teneneefoɛ mogya bagua wɔ ye nu.

Hesekiel 7:23

Yɔ ngɔnzɔngɔnzɔ, ofikyɛ awuelilɛ ayi aseɛ ne aso to, nzɛmmɔnelilɛ ayi kuro ne anu to.

Hosea 10:13

Ɛmɔafundam bɔne yɔleɛ, ɛmɔapɛ amumuyɛɛ; ɛmɔali ngondombo mmaa. Ofikyɛ ɛfale wɔ nwo tole w’anwoserɛ so, wɔ koɛhonɛfoɛ ahoneserɛfoɛ nemɔ bɛ somaa so.

Hosea 10:4

Bɛkekã edwirɛ mbaen mbaen; bɛta ndaen mbaen mbaen bɛfa bɛyeyɛ apam; yiti ndɛenbualɛ fifi wɔ bɛ nu kyɛ anafranaku, bɔ ofifi kofie so wɔ fieso ɔ.

Hosea 11:12

Efraim afa ngondombo wapɛ me nwo wayia, yeɛ Yisrael awuro ama koso, bafa nnakannaka bapɛ me nwo bayia. Nakoso Yuda de, ɔtɛ ne Nyameɛ nate; na odi nahorɛ ma Krongronniɛ ne.

Hosea 12:14

Efraim wurale ye apue maa ɔfɛle yaa paa, yiti AWURADE kɔma ye mogya bɔ wahwie wagua ne kɔbɔ ye ti so, na ye AWURADE kɔma ye animguaseɛ kosa kɔto ye.

Hosea 5:2

Ɛlɔenyɛlɛfoɛ nemɔ bɛ́pena kyɛ bédi awue piri paa, nakoso ngɔhwe bɛ mukoraa bɛ so.

Hosea 6:8

Gileade te amumuyɛɛfoɛ bɛ kuro, mogya agua wɔ nu maa efiɛ ahã ye.

Hosea 6:9

Kyɛbɔ awerɔm awuefoɛ kure bɛtetɛ sona ne, sɔ ala yeɛ asɔfo kure bɛbɔ porɛ bedi awue ɔ. Bedi awue wɔ Sɛkem atee so, amba, bɛbɔ musue.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Hosea 7:3

Bɛfa bɔne yɔleɛ bɛma ɛhene ne nye gye, na bɛfa bɛ ngondombo bɛma atitirefoɛ mɔ koso bɛ nye gye.

Hosea 7:4

Bɛ mukoraa bɛte agyaasɛkyelɛfoɛ, bɛte kyɛ foonoo bɔ paanootonɛniɛ ne wasɔ nu see maa wayɛ hye ɔ; na ɔyakyi see ne anu hualɛ, ofi mmerɛ bɔ ɔkɔfete paanoo ne kɔpem kyɛ okotu ɔ.

Mika 3:2

Nakoso ɛmɔ yeɛ ɛmɔkyi paa, ná ɛmɔkuro bɔne ɔ, ɛmɔwɔngye me maen bɛ nwo wereɛ, ɔne bɛ nwonaen fi bɛ mmowue nwo ɔ;

Mika 3:9

Ɛmɔ, ɛ́mɔtie, Yakob awuro atitire, yeɛ Yisrael awuro ama mbanyi bɔ ɛmɔkyi ndɛenbualɛ turoloo, ná ɛmɔkyea pɛpɛɛpɛyɛlɛ amukoraa ɔ,

Mika 6:10

Nzɛmmɔne nu anwonyadeɛ, yeɛ tonyi bɔ bawura nu bɔ ɔte akyiwadeɛ ɔ, bɛtɛ wɔ bɔnefoɛ awuro anaa?

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Sefania 3:1

Ye yaakɔ, kuro bɔ wayɛ lɔen bɔ ye nwo agua fiɛ ɔ, nhyɛsoɛ kuro ne!

Sakaria 5:3

Na osele me kyɛ, “Ɛhe te ɛnomalɛ bɔ okyinikyini fa aseɛ so amukoraa ɔ. Ebiala bɔ okowua ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ; yeɛ ebiala bɔ ɔkɔta ndaen mbaen ne, bɔ ɔwɔ ye bue faen ne yeɛ bekogyina so bɛkɔpɛ ye asue bekofi wa ɔ.

Sakaria 7:9

“Asafo AWURADE nwa nyoo: Ɛ́mɔbua ndɛen turoloo, ná ebiala ɔla anwumvoinnwunɛ ne adɔeɛ ali ohyire obiɛngo;

Mateo 23:35

Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Deuteronomi 5:11

Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Deuteronomi 5:18

“ ‘Nnɛsɛkye agyaa.

Deuteronomi 5:19

“ ‘Nnɛwua.

1 Tɛsalonikafoɛ 2:15

Bɛ yeɛ behuni Awurade Yesu ne bɛ bɔbɔ bɛ ngɔmhyɛlɛfoɛ nemɔ ɔ, ná bɛtanene yɛ nye maa yɛnwatili ɔ. Bɛnzɔ Nyameɛ nye, yeɛ bɛko betia mmenia amukoraa.

Nyekyire 17:6

Na nwuni kyɛ anwoteefoɛ mogya ne Yesu adanzefoɛ mogya wabo braa ne; na nwuni ye nen, ɔyɛle me nwanwa paa.