Hosea 4:19 - AHYERƐLƐ KRONGRON

¹⁹ Mvrama bie amoa ye awura ye ndaa nu, na ɔnate bɛ bosoen sɔnenɛ afɔleɛ nemɔ ati, bɛ nyunu kogua ase.

Hosea 4:19 Iomraidhean Croise

Yesaya 1:29

Na eluii mɔ bɔ ɛmɔsɔne bɛ, bɔ ɛmɔ nye gye ye nwo ne, sɔ nikyee ne kɔyɛ ɛmɔ nya; yeɛ ɔkɔyɛ ɛmɔ fɛre kyɛ ɛmɔaye turo mɔ basie berɛ bɛsɔne (ɛmɔ nyameɛ mɔ wɔ nu) ɔ.

Yesaya 42:17

Bɛ bɔ bɛfa bɛ wora bewura mmosoen nu, bɛ bɔ bɛkã bekyire amoen mɔ bɔ bahuro nikyee bafa bayɔ ɔ kyɛ, “Ɛmɔte yɛ nyameɛ mɔ” ne, bɛkɔtete bekosa, na bɛ nyunu kogua ase bɔkɔɔ.

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Yeremia 51:1

AWURADE nwa nyoo: “Tie, ngɔkanyane sɛkyefoɛ sunzum bie ngotia Babilɔn, yeɛ bɛ bɔ baatena mmenia bɔ bɛko betia me nemɔ anu ne.

Hosea 10:10

Mepena kyɛ metwe bɛ so, na maen maen mɔ bɛkɔboa bɛ noa, bekodwɔso bekotia bɛ, ɔnate b’amumuyɛɛ mmɔhoɛ ne ati.

Hosea 10:6

Bɛkɔsoa bɛkɔhɔ Asiria bɛkɔɔyɛ akyɛdeɛ bɛkɔma Nana Yarebo; Efraim nyunu kogua ase, na Yisrael kɔfɛre ye bɔbɔ ye agyirɛ bɔ watu ɔ nwo.

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 13:15

Ɔwɔ nu kyɛ okonya ngɔsoɛ wɔ oliɛma mɔ nu, nakoso eyia afiteleɛ mvrama bɔ ɔte AWURADE mvrama ne, okotu kofi ɛserɛ so dɔ kɔwa, ye asue ti kɔwewe, yeɛ ye mbombonzue kɔwewe, na mvrama ne kɔsesa nningyein nyɔboɛ serɛ biala kofi nekaa bɔ osie ye nningyein ɔ.