Hosea 4:18 - AHYERƐLƐ KRONGRON

¹⁸ Bɛno bɛ nzaa ngapealaa ne a, gyandera alaa yeɛ bɛbɔ ɔ; animguaseɛ yeɛ bɛ mbanyi mɔ bekuro ɔ.

Hosea 4:18 Iomraidhean Croise

Gyenesise 38:24

Kɔyɛ ɛsraen nza asi ne, bɛbɔle Yuda amaneɛ kyɛ, “Wɔ sia Tamar wabɔ adwaman, na ɔnate so po ɔnwonzɛ.” Na Yuda hyɛle kyɛ, “Ɛmɔhwe ye befite ma bɛyera ye.”

Edwein 47:9

Maen maen ahemvo baboa bɛ noa, Abraham Nyameɛ ye maen ne. Ofikyɛ aseɛ ye aso akokyɛm te Nyameɛ deɛ, ɔte ɛhene piri paa wɔ ebiala so.

Ɛksadɔso 23:8

Nnede fea-ase-ma, ofikyɛ fea-ase-ma ma mbanyi bu bɛ nye gua ndɛen turoloo so, na ɔma mmenia bua bɛ bɔ bedi be ɔ ndɛengyea.

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Hesekiel 16:15

“Nakoso elili w’anwonyemene si ɛbɔle gyandera, ɔnate w’animnyam ne ati, na ɛfale wɔ nwo mane ebiala bɔ ɔpɛ nu kɔ ɔ.

Hosea 4:10

Bekodidi, nakoso bɛ ko ngoyi; bɛkɔbɔ gyandera, nakoso bɛngɔta pee, ofikyɛ bapo AWURADE.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Amose 5:12

Ofikyɛ mese ɛmɔ mmeraatolɛ worawora ne, ɔne ɛmɔ bɔne mbiri mbiri ne. Ɛmɔ bɔ ɛmɔteetee teneneefoɛ, ná ɛmɔde fea-ase-ma, ná ɛmɔbua bɛ bɔ bɛyɛ anwumvo ɔ ndɛengyea wɔ nekaa bɔ bedi dwirɛ ɔ.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mika 7:3

Bɛ sa nyɔ ne, ɔbɔ bɔneyɔlɛ nwo mmɔden, mbanyi ne ndɛenbualɛfoɛ bede fea-ase-ma, na tumifoɛ nemɔ bɛkã nikyee tɛɛ bɔ bɛ kra kuro ɔ nhyɛsoɛ so; sɔ yeɛ bɛbɔ nu bɛbɔ porɛ tɛɛ ɔ.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

1 Samuel 8:3

Nakoso ye mma nemɔ de, bamva ye suban, na mmom bɛmane bɛ nye borole nikye, belele fea-ase-ma, na bebuale ndɛengyea.