Hosea 4:16 - AHYERƐLƐ KRONGRON

¹⁶ Yisrael so yɛ se kyɛ nandwie beleɛ akrɔngrɔma bɔ ye so yɛ se ɔ. Afei AWURADE kɔma bɛ aleɛ kyɛ boaen ba bɔ ɔwɔ aseɛ tɛtrɛtɛɛ bɔ ndire wɔ so ɔ so.

Hosea 4:16 Iomraidhean Croise

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Yesaya 22:18

okobri wɔ kyɛ aterɛ, na okofindi wɔ kyɛ bɔɔlo kɔto aseɛ tɛtrɛtɛɛ bie aso. Dɔ yeɛ ekowu ɔ, na teaseɛnam mɔ bɔ ɛfa hoahoa wɔ nwo ne koso, bɛkɔyɛ wɔ mene awuro animguaseɛ.

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yesaya 5:17

Afei mmoaen mmaa konya aleɛ bekoli, kyɛ bedidi eburo ne ala, na ɛwɔfoɛ mɔ konya aleɛ bekoli wɔ kuro bɔ wabɔ ne anu.

Yeremia 14:7

“Ɔwɔ nu kyɛ y’amumuyɛɛ bua yɛ fɔ de, nakoso AWURADE, wɔ dumaa ti, boka yɛ. Yasa yɛ si paa, na yayɔ bɔne yatia wɔ.

Yeremia 3:11

Yeɛ AWURADE sele me kyɛ, “Asoserɛniɛ Yisrael wahyire kyɛ ɔtengyɛ tra ngondomboniɛ Yuda.

Yeremia 3:6

Nana Yosia aberɛ so, AWURADE sele me kyɛ, “Yisrael bɔ onni nahorɛ mma me ne, anwu bɔ wayɔ ɔ? Kyɛbɔ osi fo hɔle bokaa biala so, ná ɔhɔle bakaa monɛ biala abo ɔɔbɔle adwaman wɔ berɛ ɔ?”

Yeremia 3:8

Onwuni kyɛ ɔnate adwaman bɔ asoserɛniɛ Yisrael ɔbɔle ne ati, nyirale ye mmane ye agyaayiralɛ krataa maa ɔhɔle; nakoso oliɛma brasua ngondomboniɛ Yuda wanzuro, na mmom ye koso ɔhɔle ɔɔbɔle adwaman.

Yeremia 31:18

Amba, mate kyɛ Efraim ɔ́bɔ abubue kyɛ, ‘Ahwe me so, na manya asohwenɛ, kyɛ nandwie ba bɔ bennya bɛffale kɔnnua bɛttole ye kɔme ɔ. Maa nza mmra, na ngosa ngɔwa, ofikyɛ wɔ yeɛ ɛte AWURADE me Nyameɛ ɔ.

Yeremia 5:6

Yiti gyata kofi ɛhɔayeɛ nu koohũhũ bɛ, pataku kofi ɛserɛ so kɔɔtete bɛ nu pasapasa. Aboa tetɛ bɛ wɔ bɛ nguro nemɔ aso, na ebiala bɔ okofi kuro ne anu kofite ne, ɔkɔtete ye nu pasapasa, ofikyɛ bɛ mmeraatolɛ sone, na b’asefinɛ ne te piri.

Yeremia 7:24

Nakoso bandie me dwirɛ, yeɛ banyɛ asoɛ bamma me. Na mmom, belili bɛ bɔbɔ bɛ ti piri bɛyɔle bɔne bɔ bekuro ɔ. Bɛkakyili bɛ si bɛmane me bɔ bannea me nyunu ɔ.

Yeremia 8:5

Na nzu ati yeɛ sɔ Yerusalemfoɛ ye, bafa asefinɛ bayɛ nnaa ye? Batira nnakannaka nu serɛserɛ, na bayɛ b’adwene kyɛ bengosa bɛ si.

Hosea 10:11

Né Efraim te nandwie akrɔngrɔma bɔ batete ye bɔ aburoo borolɛ yeɛ okuro ɔ. Nakoso ngɔfa kɔnnua ngɔto ye kɔme nyemenenyemene ne anu, ngɔma Efraim kɔhwe nningyein ne, Yuda kofundam aseɛ ne, na Yakob kofurofuro nnɛterɛ ne anu.

Hosea 11:6

Ɔnate b’agyirɛ bɔ batu ne ati, ngrandɛ kohũhũ mmenia wɔ ye nguro nemɔ aso, na okobubu mmuralɛ bɔ ɔbrambram ye anoa nemɔ asi ne.

Hosea 11:7

Me maen asi bɛ hue kyɛ bɛtwe bɛ nwo befi me nwo, ɔwɔ nu kyɛ bɛfrɛle bɛ kyɛ bɛhã bɛhɔ Anwuro Anwuroniɛ ne anwo, nakoso bɛ nu biala wangamvo ye.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Sakaria 7:11

Nakoso bɛpole kyɛ bekotie ɔ, bɛpemone b’awaen, yeɛ betuatuale bɛ so, kyɛbɔ bɛngɔte ɔ.

1 Samuel 15:11

“Ɔyɛ me yea kyɛ mvale Sɔɔlo nzili hene ɔ, ofikyɛ wayakyi me si lilɛ, na onni me mmeraa so.” Sɔ dwirɛ ne hale Samuel, na osũ frɛle AWURADE kɔngɔen ne amukoraa.