Hosea 4:15 - AHYERƐLƐ KRONGRON

¹⁵ Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Hosea 4:15 Iomraidhean Croise

2 Aberɛso Dwirɛ 17:4

na mmom ye baba Nyameɛ ne, ɔpenane ye si atee lili ye mmeraa dwirɛ so, na Yisraelfoɛ bɔne bɔ bɛyɔ ne, wanyɔ bie.

2 Aberɛso Dwirɛ 21:11

Afei koso, Yehoram sisili asɔneyɛɛ wɔ Yuda mmokaa aseɛ ne aso, na ɔhwehwene Yerusalemfoɛ hɔle mmosoensolɛ nu, na ɔmane Yuda lili Nyameɛ dwirɛ nwo makyebu.

Yesaya 48:1

O Yakob boso ama, ɛ́mɔtie dwirɛ he, ɛmɔ bɔ bɛfa Yisrael dumaa bɛfrɛ ɛmɔ ɔ, bɔ ɛmɔte Yuda bosofoɛ, bɔ ɛmɔfa AWURADE dumaa bɛta ndaen, bɔ ɛmɔbɔ Yisrael Nyameɛ dumaa, nakoso ɛmɔnyɔ sɔ nahorɛ ne tenenee nu ɔ.

Yeremia 44:26

Yiti, Yudafoɛ bɔ ɛmɔte Misraim aseɛ so amukoraa, ɛ́mɔtie AWURADE noa dwirɛ: Ɛ́mɔtie, mafa me dumaa kandinga ne mata ndaen kyɛ, Yudaniɛ biala ngɔbɔ me dumaa ngɔta ndaen wɔ Misraim aseɛ amukoraa so ko kyɛ, ‘Kyɛ AWURADE Nyameɛ te ase ye,’ AWURADE noa dwirɛ ɛne’.

Yeremia 5:2

Ɔwɔ nu kyɛ bɛta ndaen kyɛ, “Kyɛ AWURADE te ase ye” de, nakoso ngondombo ndaen yeɛ bɛta ɔ.

Hesekiel 20:39

“Na ɛmɔ, Yisrael awuro ama, AWURADE Nyameɛ nwa nyoo: Sɛ ɛmɔngotie me dwirɛ de a, nzaade afei ɛmɔ nu biala ɔhɔ ɔɔso ye mmosoen. Nakoso ye si ye, nnɛma ɛmɔfa ɛmɔ akyɛdeɛ ne ɛmɔ mmosoen ne begua me dumaa krongron ne nwo fiɛ ko.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 10:8

Yisrael bɔne, bɔ ye ole Awen asɔneyɛɛ nemɔ ne, bɛkɔsɛkye bɛ. Mmowue ne ɛfone kofifi b’afɔleɛ mmokyea nemɔ aso; na bekose mmokaa nemɔ kyɛ, “Ɛ́mɔkata yɛ so”, ná base pambaa nemɔ kyɛ, “Ɛ́mɔdwiri begua yɛ so.”

Hosea 11:12

Efraim afa ngondombo wapɛ me nwo wayia, yeɛ Yisrael awuro ama koso, bafa nnakannaka bapɛ me nwo bayia. Nakoso Yuda de, ɔtɛ ne Nyameɛ nate; na odi nahorɛ ma Krongronniɛ ne.

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Hosea 12:11

Aso amumuyɛɛ wɔ Gileade? Amba, bɛte mbaen. Bɛfa nandwie nyii mɔ bɛbobɔ afɔleɛ wɔ Gilgal, amba, b’afɔleɛ mmokyea nemɔ, bɛte kyɛ nyɔboɛ kure bɔ ɔwɔ eburo ngofie mɔ b’afia ɔ.

Hosea 12:12

Yakob nwati hɔle Siria maen nu, Yisrael sole maa ɔfa nyane braa gyale, na braa ti, ɔneane mmoaen so.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 5:8

Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Hosea 9:15

Bɛ bɔne yɔleɛ amukoraa wɔ Gilgal, ofikyɛ berɛ yeɛ nhyɛle ye bo mbɔle bɛ ɔ. Ɔnate bɛ bɔne yɔleɛ ne ati, ngɔfoa bɛ ngofi m’awuro, mengohuro bɛ dwirɛ ko; b’atitire amukoraa bɛte ɛlɔenyɛlɛfoɛ.

Amose 4:4

Ɛmɔbra Betel bɛɛto mmeraa, ɛmɔbra Gilgal bɛma ɛmɔ mmeraatolɛ ɔyɛ pee; ɛ́mɔfa ɛmɔ afɔleɛ bɛbra ngyerɛmɔ biala, ná ɛ́mɔfa ɛmɔ buru nu ngyɛmuɛ ko bɛbra ɛlɛsa biala.

Amose 5:5

Nnɛma ɛmɔpena Betel si ate, yeɛ nnɛma ɛmɔkɔ Gilgal, yeɛ nnɛma ɛmɔpɛ nu bɛkɔ Beɛ Seba; ofikyɛ bɛkɔhye Gilgal nnure bɛkɔhɔ amba, yeɛ Betel kɔbɔ.”

Amose 6:10

Na sɛ abusuaniɛ, bɔ ye yeɛ odi kyɛ osie fuin ne, okuku fuin ne fi awuro ne anu, na obisa ebie wɔ awuro ne akunu dɔ kyɛ, “Aso sona bieku tɛ boka wɔ so wɔ berɛ anaa” a, okobua kyɛ, “Daabi.” Na ɔkɔhã kyɛ, “Mua wɔ noa. Onni kyɛ yɛbɔ AWURADE dumaa.”

Amose 8:14

Bɛ bɔ bɛfa Samaria mmosoen bɛteta ndaen bɛkã kyɛ, ‘Ao Dan, kyɛ wɔ nyameɛ te ase ye e’, yeɛ ‘Kyɛ Beɛ Seba atee te ase ye’ ne, bekofifi ase bɔ bengodwɔso ko ɔ.”

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Yosua 5:9

Na AWURADE sele Yosua kyɛ, “Ɛnɛ kyẽa ye, maprapra Misraim animguaseɛ mafi ɛmɔ so.” Yiti bɛfrɛ berɛ Gilgal maa waadwu ɛnɛ.

Yosua 7:2

Yosua somane mmienzua biemɔ maa befili Yeriko bɛhɔle Aye, bɔ opingye Bete Awen, wɔ Betel eyia afiteleɛ kyɛ, “Ɛ́mɔfo bɛhɔ bɛɛtetɛ aseɛ ne.” Na mmenia ne hɔle bɛɛtetɛle Aye besiele.