Hosea 4:12 - AHYERƐLƐ KRONGRON

¹² Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 4:12 Iomraidhean Croise

2 Ahemvo 17:7

Ɛhe sili ofikyɛ né Yisraelfoɛ bayɔ bɔne batia AWURADE bɛ Nyameɛ bɔ ɔyele bɛ fili Misraim aseɛ so, ɔne Misraim hene Faro sa nu ne. Yisraelfoɛ sɔnene nyameɛ foforɛ mɔ,

2 Aberɛso Dwirɛ 21:13

na mmom afa Yisrael ahemvo mɔ b’atee so, ná ahwehwe Yuda ne Yerusalemfoɛ ahɔ mmosoensolɛ nu, kyɛbɔ Ahabo abusuafoɛ hwehwene Yisrael hɔle mmosoensolɛ nu ne, ná afei ɔnate kyɛ ahũhũ eliɛma mɔ ɔne wɔ baba abusuafoɛ bɔ bɛte titire bɛtra wɔ ne ati,

Edwein 106:39

Yiti bɛ yɔleɛ mane bɛ nwo guale fiɛ, na bɛ yɔleɛ ne kakyili adwamanbɔlɛ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Yeremia 2:27

bɛkã bekyire bakaa kyɛ, ‘Me se ole wɔ,’ yeɛ bɛkã bekyire nyɔboɛ kyɛ, ‘Wɔ yeɛ ɛwole me ɔ.’ Ofikyɛ bɛ si yeɛ bakakyi bama me ɔ, na nna bɛ nyunu ɔ. Nakoso sɛ bɛkɔ amaneɛ nu a, bɛkã kyɛ, ‘Dwɔso pepɛ de yɛ e!’

Yeremia 23:13

Nwuni nikyee bie bɔ ɔte ngwaseasɛm ɔ wɔ Samaria ngɔmhyɛlɛfoɛ nemɔ anwo. Bɛfale Baal bɛhyɛle ngɔm, na bɛmane me maen Yisrael lili makyebu.

Hesekiel 20:32

“Bɔ ɔwɔ ɛmɔ adwene nu ne, ɔngɔwa nu le. Ɛmɔnwa: Ɛ́mɔma yɛyɛ kyɛ maen maen nemɔ, kyɛ aseɛ nemɔ aso mmusua nemɔ, ná yɛsɔne bakaa ne nyɔboɛ.

Hesekiel 21:21

Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Hosea 14:3

Asiria ngɔpepɛ ngole yɛ, yɛngɔtenatena mbɔngɔ so, yeɛ yɛngɔhã ngohyire yɛ sa noa nnwumaa ko kyɛ, ‘Ɛmɔte yɛ nyameɛ mɔ’, ofikyɛ wɔ nu yeɛ ayisiaaniɛ onya anwumvoinnwunɛ ɔ.

Hosea 5:4

Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Hosea 6:10

Manwu anwodwiri nikyee wɔ Yisrael awuro ama nu. Berɛ yeɛ Efraim gyanderabɔlɛ ne wɔ ɔ; Yisrael nwo agua fiɛ.

Hosea 9:1

Ao Yisrael, nnɛdi ahurusi! Nnɛma wɔ nye gye kyɛ maen maen nemɔ, ofikyɛ afi wɔ Nyameɛ si aabɔ gyandera. Ahuro gyanderaniɛ akatuaa, wɔ nekaa amukoraa bɔ bɛboro aburoo ɔ.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Lewitikɔso 20:5

ye de me bɔbɔ ngotu me nye ngosie sɔ sona ne ɔne ye abusuafoɛ so, na ngɔpɛ bɛ asue ngofi bɛ maen nu; sɔ sona ne ɔne mmenia amukoraa bɔ bali ye si bɛ ne ye baaso Moleke ne.

Mika 2:11

Sɛ ebie nate ɔkekã edwirɛ mbaen mbaen ne ngondombo dwirɛ kyɛ, “Ngɔhyɛ nzaa ne nzaa serɛ nwo ngɔm ngohyire wɔ” a, ye yeɛ bekobu ye kyɛ ɔte maen ngɔmhyɛlɛniɛ ɔ.

Habakuku 2:19

Sona bɔ ɔkã kyire bakaa kyɛ, “Tingye”, ná ɔkã kyire nyɔboɛ mumu kyɛ, “Dwɔso! Ɔbaahyirehyire” ne, ye yaakɔ! Tie, bafa esikaa kɔkorɛ ne dwetɛ baboro ye nwo, nakoso nwomeɛ biala ɔnne ye nu.

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Maenbulɛfoɛ 18:5

Yeɛ besele ye kyɛ, “Bisa Nyameɛ ma yɛ maa yɛnwu ye sɛ atee bɔ yɛkɔ ye, okoyie yɛ yé a.”