Hosea 4:11 - AHYERƐLƐ KRONGRON

¹¹ Gyanderabɔlɛ ne nzaa, yeɛ nzaa foforɛ yeɛ owua sona adwene ɔ.

Hosea 4:11 Iomraidhean Croise

Anyandera 20:1

Nzaa te ngorohoɛniɛ, nzaa serɛ maa ekuro ngondii, na ebiala bɔ ɔkɔfa ye ti kowura nu ne, ɔnze nworɛ.

Anyandera 31:4

O Lemuel, ɔtte mayee mma ahemvo mɔ kyɛ bɛkɔno nzaa ɔ, ɔtte mayee mma ahemvo mɔ; anaa maenbulɛfoɛ kyɛ bekohuro nzaa serɛ ɔ;

Anyandera 6:32

Nakoso bienzua bɔ ɔne ebie aye bɛda ne de, adwene nne ye ti anu, sona bɔ ɔyɔ sɔ ne, ɔfa sɛkye ye bɔbɔ ye kra.

Nworɛ Dwirɛhanɛniɛ 7:7

Nahorɛ nu, nhyɛsoɛ ma nworɛfoɛ bɛbɔ laen, yeɛ fea-ase-ma koso ɔma sona bu ye nye gua nahorɛ so.

Yesaya 28:7

Sɔ mmenia hemɔ koso, bɛfa nzaa bebia, na nzaa serɛ maa bɛnate fofalifofali: Asɔfo mɔ ne ngɔmhyɛlɛfoɛ bɛfa nzaa serɛ bebia, nzaa ama b’adwene ayɛ nwunyaenn, nzaa serɛ maa bɛnate fofalifofali, bɛyɛ mvomsoɛ wɔ nyekyire nu, na bɛ ndɛenbualɛ ɔtte mayee.

Yesaya 5:12

Bɛ yeɛ bɛfa sangoo, adengum, akasaa, awɛen ne nzaa bɛkɔ bɛ poentolɛ bo ɔ, nakoso bɛmva nningyein bɔ AWURADE yɔ ɔ bɛnyɔ huu ɔ, yeɛ ye sa noa adwuma koso bennwu ye.

Yeremia 23:13

Nwuni nikyee bie bɔ ɔte ngwaseasɛm ɔ wɔ Samaria ngɔmhyɛlɛfoɛ nemɔ anwo. Bɛfale Baal bɛhyɛle ngɔm, na bɛmane me maen Yisrael lili makyebu.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 5:4

Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Lewitikɔso 10:9

“Ɛne wɔ mma mmienzua mɔ, sɛ ɛmɔkɔ ɛtena sua ne anu a, nnɛma ɛmɔno bobe nzaa anaa nzaa serɛ biala amaa ɛmɔanwu; ɔsɛ kyɛ ɔyɛ ahyɛdeɛ afebɔɔ wɔ ɛmɔ aworɛ ndoatoasoɛ amukoraa nu.

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.