Hosea 4:1 - AHYERƐLƐ KRONGRON

¹ Yisraelfoɛ, ɛ́mɔtie AWURADE noa dwirɛ; ofikyɛ AWURADE ne aseɛ ne aso ama banya dwirɛ, ɔnate kyɛ nahorɛlilɛ, anwumvoinnwunɛ, ɔne Nyameɛ nwo nimdeɛ biala nne aseɛ ne aso.

Hosea 4:1 Iomraidhean Croise

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

Edwein 81:9

Onni kyɛ enya nyameɛ foforɛ biala wɔ wɔ nu; nnɛso maenmaensofoɛ nyameɛ biala.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Yesaya 1:18

AWURADE nwa nyoo: “Ɛmɔbra ma yɛsiesie yɛ afia. Ɔwɔ nu kyɛ ɛmɔ bɔne te kyɛ adaabene de, nakoso bɛkɔyɛ fufue kyɛ nwera, ɔwɔ nu kyɛ bɛboro kyɛ koogyan, nakoso bɛkɔyɛ kyɛ gyese.

Yesaya 28:14

Yiti ɛmɔ, ngorohoɛfoɛ, bɔ ɛmɔdi maen he aso wɔ Yerusalem ɔ, ɛ́mɔtie AWURADE noa dwirɛ!

Yesaya 34:1

O maen maen mɔ, ɛmɔhwe bepingye me beetie, O mmenia, ɛ́mɔyɛ asoɛ betie! Ma aseɛ ne so nningyein amukoraa betie, ma ewiase, yeɛ nikyee biala bɔ ofi nu ba ɔ koso betie.

Yesaya 34:8

Ofikyɛ ɔte AWURADE wereɛtɔlɛ kyẽa, ɔne afoɛ bɔ ɔkɔma Sion kosa konya bɔ wafi ye sa ne ɔ.

Yesaya 5:3

Afei, ɛmɔ bɔ ɛmɔte Yerusalem, yeɛ Yudafoɛ, mesrɛ ɛmɔ, me ne me bobe boo dwirɛ ne, ɛ́mɔbua.

Yesaya 59:4

Ebiala ngyina edwirɛ paa so ɔnzama obiɛngo, ebiala mmɔ nahorɛ kuro wɔ badwafoɛ nyunu; bɛto soen mbaen mbaen, na bɛnga nahorɛ, bɛnwonzɛ nzɛmmɔne, na bɛwo amumuyɛɛ.

Yesaya 59:8

Asomdwee atee de, bɛnze, yeɛ pɛpɛɛpɛyɛlɛ nne b’atee nu; bama b’atee akondokondo, na sona biala bɔ ɔfa so ne, onnya asomdwee.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Yeremia 11:7

Ofikyɛ mmerɛ bɔ nyele ɛmɔ nana mɔ mvili Misraim aseɛ so mmale ne, mmɔle bɛ kɔkɔ kitii, na mahɔ so mabɔ bɛ kɔkɔ maa waadwu ɛnɛ kyɛ, Ɛ́mɔtie me dwirɛ.

Yeremia 19:3

Kã kyɛ, ‘Ao Yuda ahemvo ne Yerusalemfoɛ, ɛ́mɔtie AWURADE dwirɛ. Bɔ Asafo AWURADE Yisrael Nyameɛ kã ɛhe: Tie, ngɔprapra musue ngogua ɛwa sɔa, bɔ ebiala bɔ ɔkɔte ne, ye kunu kɔte ye ɔ.

Yeremia 2:4

Ao, Yakob boso ama ne Yisrael mmusua mukoraa, ɛ́mɔtie AWURADE dwirɛ.

Yeremia 2:9

“Yiti ngɔhɔ so ngɔbɔ ɛmɔ kwaadu, na ngɔbɔ ɛmɔ boso ama mɔ koso kwaadu, AWURADE noa dwirɛ ɛne.

Yeremia 25:31

Dedeyɛlɛ ne kɔtrɛ kɔɔhã aseɛ noa dɔ, ofikyɛ AWURADE abɔ maen maen mɔ kwaadu; okobua anwoɔnaen amukoraa ndɛen, na ɔkɔma bɔnefoɛ mɔ bɛkɔtotɔ ngrandɛ noa, AWURADE noa dwirɛ ɛne.’

Yeremia 34:4

Nakoso, ao Yuda hene Sedekia, tie AWURADE noa dwirɛ! Bɔ AWURADE kã fa wɔ nwo ole kyɛ, ‘Engowu wɔ ngrandɛ noa,

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 4:28

Ɔnate sɔ ne ati, aseɛ kɔbɔ awuye, na ewienu anwuro anwuro kɔkakyi tunn, ofikyɛ madwudwo, mayɛ m’adwene; mengɔsesã m’adwene, yeɛ mengosa me si.

Yeremia 5:4

Yeɛ ngane kyɛ, “Amba, mmenia hemɔ bɛyɛ anwumvo, adwene nne bɛ ti anu, ofikyɛ bɛnze AWURADE atee ne, ɔne bɛ Nyameɛ mmeraa ne.

Yeremia 51:5

Ofikyɛ Yisrael ne Yuda bɛ Nyameɛ Asafo AWURADE ne, ɔppole bɛ, ɔwɔ nu kyɛ bɛ bɔne bɔ bayɔ batia Yisrael Krongronniɛ ne, wayi b’aseɛ ne aso to de.

Yeremia 6:13

Ofikyɛ ofi bɛ nu kwahweabaa mɔ so bɔ ɔkwaadwu bɛ nu titire paa mɔ so ɔ, apoobɔlɛ ali ebiala ti; ofi ngɔmhyɛlɛniɛ so bɔ ɔkwaadwu ɔsɔfo so po, ebiala nga nahorɛ.

Yeremia 7:28

Kã kyire bɛ kyɛ, ‘Maen bɔ wandie AWURADE ye Nyameɛ dwirɛ, ná wanne ɛtengyɛlɛ bɔ ɔtengyɛ ye wando nu ne, ye ɛhe. Nahorɛ ayie, watu wamini wafi bɛ noa.

Yeremia 9:20

Ao mmrasua mɔ, ɛ́mɔtie AWURADE dwirɛ ne, ná ɛ́mɔyɛ asoɛ bétie ye noa dwirɛ ne; ɛmɔhyirehyire ɛmɔ mma mmrasua mɔ ɛsɛen dwein, ná ebiala ohyire obiɛngo awuyebɔlɛ.

Yeremia 9:3

Bɛkondo bɛ temverema kyɛ agyaen bɛpɛ anoanu; nna nahorɛ ɔ, na mmom ngondombopɛlɛ yeɛ wamaa batindim wɔ aseɛ ye aso ɔ, ofikyɛ bɛyɔ bɔne bɛfoa bɔne so, na bɛnze me, AWURADE noa dwirɛ ɛne.

Yeremia 9:7

Yiti bɔ Asafo AWURADE kã ɛhe: “Ngɔpɔ bɛ nwo ngoso bɛ ngɔnea, na me maen awa brasua ne ati, nzikyɛ koraa yeɛ nyɔ ɔ?

Hesekiel 16:35

“Yiti, gyanderaniɛ, tie AWURADE noa dwirɛ e!

Hosea 12:2

AWURADE le dwirɛ tia Yuda. Ɔkɔhwe Yakob so kyɛbɔ ye yɔleɛ te ɔ, na okotua ye kerɛ kyɛbɔ ye nnwumaa te ɔ.

Hosea 12:3

Ɔsɔle oliɛma gya si wɔ bɛ kunu, na ole ye anwoserɛ ɔne Nyameɛ bɛfa bɛtetale so.

Hosea 5:1

Ao asɔfo, ɛ́mɔtie edwirɛ he, ɛmɔ, Yisrael awuro ama, ɛ́mɔyɛ asoɛ betie. Ao, ɛhene awuro ama, ɛ́mɔtie, ofikyɛ ndɛenbualɛ ne, ɔ́ba ɛmɔ so; ofikyɛ ɛmɔakakyi ngaen wɔ Misepa, ɔne ɛtɛen bɔ batrɛtrɛ nu wɔ Tabɔ so ɔ.

Hosea 5:4

Bɛ yɔleɛ mma bɛ ate mma benza bɛmma bɛ Nyameɛ berɛ; ofikyɛ gyanderabɔlɛ sunzum wɔ bɛ nu, na bɛnze AWURADE.

Yoel 1:2

Ɛmɔ, mbanyi mɔ, ɛ́mɔtie ɛhe, ɛmɔ, aseɛ ne aso ama amukoraa, ɛ́mɔyɛ asoɛ betie! Aso sɔ dwirɛ he, wasi ɛmɔ aberɛ so le, anaa ɛmɔ nana mɔ b’aberɛ so po le?

Amose 3:1

Ao Yisraelfoɛ, ɛ́mɔtie edwirɛ he bɔ AWURADE wahã wafa ɛmɔ nwo ɔ: bɔ mahã mafa abusua amukoraa bɔ nyele ɛmɔ mvili Misraim aseɛ so mmale ne nwo ɔ, kyɛ,

Amose 7:16

“Na afei tie AWURADE noa dwirɛ. Ɛnwa, ‘Nnɛhyɛ ngɔm tia Yisrael, yeɛ Yisake boso ama nwo dwirɛ bɔ ɔte mayee ne, nnɛbɔ ye dawure.’

Mika 6:2

Ɛmɔ, mmokaa mɔ, yeɛ aseɛ nyinasoɛ pindinn mɔ, ɛ́mɔtie AWURADE kwaadu bɔ ɔbɔ ne, ofikyɛ AWURADE ne ye maen banya edwudwolɛ, na ɔne Yisrael kɔbɔ nguro.

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

1 Korintofoɛ 15:34

Ɛ́mɔfa adwene paa ná ɛ́mɔyakyi bɔne yɔlɛ, ofikyɛ ɛmɔ nu biemɔ belle Nyameɛ nwo nimdeɛ. Mekã he maa ɛmɔ nyunu gua ase.

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:29

Bɔ ole asoɛ ne, maa otie bɔ Sunzum ne kã kyire asɔre nemɔ ne.