Hosea 3:5 - AHYERƐLƐ KRONGRON

⁵ na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Hosea 3:5 Iomraidhean Croise

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

Yesaya 17:7

Na sɔ kyẽa ne, kuro sona kɔfa ye nwo kɔto Nyameɛ bɔ ɔbɔle ye ne aso, na ɔkɔma ye nye kɔla Yisrael Krongronniɛ ne so.

Yesaya 2:2

Na ɔkɔwa kyɛ, mmerɛ bɔ oli nziɛ ne, bokaa bɔ AWURADE awuro ne gyi so ne, ye bo kotimu maa ɔkɔware kɔtra bokaa biala, ɔkɔyɛ tendenn kɔtra pambaa biala, na maen maen mukoraa bekobiri bɛkɔwa so.

Yesaya 2:3

Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 60:5

Afei ekonwu ye, na ɔkɔyɛ wɔ anika, wɔ nye kɔgye maa ekoli ahurusi, ofikyɛ ɛpo so anwonyadeɛ pee kobri kɔwa wɔ berɛ, na maen maen mɔ b’anwonya kɔwa wɔ berɛ.

Yesaya 9:13

Nakoso maen ne anza angɔ ye bɔ ɔhwene bɛ so ne berɛ, yeɛ bambena Asafo AWURADE si atee.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 30:24

AWURADE ɛyaa piri ne, ongosa ye si, kɔpem kyɛ bɔ wayɛ ye adwene kyɛ ɔkɔyɔ ne, ɔkɔyɔ koyie koraa ɔ. Ngyẽa bɔ oli nziɛ ne, ɛmɔkɔte ɛhe abo.

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Yeremia 33:17

“Ofikyɛ AWURADE nwa nyoo: Sona bɔ ɔkɔtena Yisrael awuro ama ahennie bia so ne, ɔngɔbɔ Dawide le,

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 38:8

Na ngyẽa pee asi ne, wɔ sa kɔhã tumi. Na afoɛ bɔ oli nziɛ nemɔ anu, ɛkɔɔfa koɛ kɔtoa maen bɔ wanya ye anwotɔ wafi ngrandɛ noa ne, maen bɔ maboaboa so ama noa wɔ Yisrael mmokaa so mafi maen maen pee so ne, mmokaa bɔ né bɛlela berɛ mbaen ne. Maen maen mɔ nu yeɛ mvale so ama mvili ɔ, na bɛ mukoraa bɛ so anu atɔ bɛ wɔ berɛ.

Daniel 10:14

Na bɔ ɔkɔto wɔ maen ne wɔ mmerɛ bɔ oli nziɛ ne anu ne, mawa kyɛ mebaamaa ɛte ye bo. Ofikyɛ sɔ nyekyire he, ɔfa mmerɛ bie bɔ ɔbaawa ɔ nwo.”

Daniel 2:28

na mmom Nyameɛ bie wɔ nyameɛso bɔ ɔda mvealeɛ nu dwirɛ ali ɔ, na ye yeɛ waye bɔ kyẽa bie okosi ɔ wahyire Nana Nebukadenesa ɔ. Ɛla wɔ bɛen so ne, wɔ laleɛ ne nyekyire bɔ enwuni ne, ye ɛhe:

Hosea 1:11

Yudafoɛ ne Yisraelfoɛ bɛkɔbɔ nu bekoyia, ná bɛkɔye panyi ko maa okotua bɛ noa. Na bekofi aseɛ ne aso bɛkɔwa, ofikyɛ Yesreel kyẽa ne kɔyɛ kyẽa piri.

Hosea 11:10

Bekoli AWURADE si. Afei ɔkɔbobɔ nu kyɛ gyata, na sɛ ɔbobɔ nu a, ye mmaa mɔ kofi eyia atɔleɛ bɛkɔwa bɔ bɛ nwo wosowoso bɛ ɔ.

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Mika 4:1

Nakoso ɔkɔwa kyɛ, ngyẽa bɔ oli nziɛ ne anu, bokaa bɔ AWURADE awuro ne gyi so ne, okotimu kɔyɛ tendenn paa wɔ mmokaa nemɔ anu, na ɔkɔhɔ anwuro kɔtra pambaa nemɔ. Mmenia kotu bi bɛkɔhɔ so,

Numeri 24:14

Afei, mesa mekɔ me maen nu. Na maa nga bɔ kyẽa bie maen he kɔfa kɔyɔ wɔ maen ɔ ngyire wɔ.”

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Deuteronomi 4:30

Na sɛ ɛkɔ anwokyere nu, ná kyẽa bie sɔ nningyein hemɔ amukoraa toto wɔ a, ekosa kɔwa AWURADE wɔ Nyameɛ berɛ, ná atie ye dwirɛ.