Hosea 3:4 - AHYERƐLƐ KRONGRON

⁴ Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Hosea 3:4 Iomraidhean Croise

Gyenesise 31:19

Né Laban ahɔ kyɛ ɔkwaapepɛ ye mmoaen nwo nwiaa, na Rahɛl wuale ɔse awuro mmosoen.

Gyenesise 31:34

Né Rahɛl asesa awuro mmosoen ne wafea afupɔngɔ so atɛ ne anu watena so. Laban tuli ɛtena sua ne anu nningyein amu, nakoso wannwu bɛ.

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

2 Samuel 6:14

Dawide fale ye anwoserɛ amukoraa gole abilie wɔ AWURADE nyunu. Né Dawide afa ɔsɔfo ataadeɛ bɔ ɔte nwera ɔ wapɛ ye bo.

2 Ahemvo 23:24

Afei koso, Yosia huhuni nzamangɔmhyɛlɛfoɛ ne ahɔmeɛ nemɔ, na obubuli abusua amoen ne amoen mɔ ne akyiwadeɛ amukoraa bɔ benwuni bɛ wɔ Yerusalem ne Yuda maen ne anu ɔ. Mmeraa dwirɛ bɔ amba, bahyerɛ ye wɔ nwomaa bɔ ɔsɔfo Hilkia nwuni ye wɔ AWURADE awuro berɛ ne anu ne, Yosia yɔle sɔ fa lili nu dwirɛ ne aso.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Ɛksadɔso 28:4

Ndaadeɛ bɔ ɔsɛ kyɛ bɛpomba nemɔ ɛhe: ahone so aguasoɛ, ɔsɔfo ataadeɛ, ataadeɛ tendenn, aguasoɛ bɔ banwo nningyein bagua nu ɔ, yeɛ abotire ne abɔsoɛ. Ɔsɛ kyɛ bɛpomba ndaadeɛ krongron hemɔ bɛma eliɛma Aarɔn ne ye mma mmienzua nemɔ, maa bedi sɔfo bɛso me.

Ɛksadɔso 28:6

“Ɔsɛ kyɛ adwiililɛfoɛ fa sikaa kɔkorɛ, bibire, koogyan, adaabene ne nwera yeɛ bɛyɔ ɔsɔfo ataadeɛ ne ɔ.

Awuye 2:9

Ye pambim nemɔ bamimi bahɔ ase, wasɛkye mmuralɛ bɔ ɔbrambram ye si nemɔ, na wabubu nu; ye hene ne ye mbanyi mɔ baali maen maensofoɛ mɔ nu. Mmeraa ne, ɔnne berɛ ko. Ye ngɔmhyɛlɛfoɛ koso, bennya nyekyire bemvi AWURADE berɛ.

Hesekiel 19:14

Na see afi bakaa ne anu, waatɔ ye mmaen nemɔ anu, ɔne ye mma ne anu wayera bɛ. Yiti mmaen serɛserɛ biala nne berɛ ko bɔ ɔkɔyɛ ahemvo mɔ bɛ hɔtɔ ɔ. Ɛhe te awuyebɔlɛ, na waayɛ awuyebɔlɛ.

Hesekiel 20:32

“Bɔ ɔwɔ ɛmɔ adwene nu ne, ɔngɔwa nu le. Ɛmɔnwa: Ɛ́mɔma yɛyɛ kyɛ maen maen nemɔ, kyɛ aseɛ nemɔ aso mmusua nemɔ, ná yɛsɔne bakaa ne nyɔboɛ.

Hesekiel 21:21

Ofikyɛ Babilɔn hene waagyina ngwandaa ne aso, nekaa bɔ atee nyɔ nemɔ beyia ne, kyɛ ɔkɔ abisa. Ɔnwaha agyaen, obisa abusua amoen ne, na ɔnea brɛboɛ mɔ nu.

Hesekiel 21:31

Ngɔfɛ wɔ so yaa piri paa, m’anyeborolɛ see ne, ngohu ngogua wɔ so; na ngɔfa wɔ ngowura atianuserɛfoɛ bɔ nzɛmmɔne ali bɛ ti ɔ bɛ sa.

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 12:11

Na ofi mmerɛ bɔ bɛkɔbera daa biala naen yeralɛ afɔleɛ ne, ɔne mmerɛ bɔ bekogyina akyiwadeɛ bɔ ɔbɔ maen ne nen, ɔkɔyɛ ngyẽa apee ko ɛyaa nyɔ ne aburahona.

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Hosea 13:10

Me yeɛ ngɔyɛ wɔ hene ɔ, na ebie bieku bɔ ɔkɔpepɛ kole wɔ wɔ wɔ nguro nemɔ amukoraa so ne, ɔwɔ nisua? Yeɛ wɔ maenbulɛfoɛ bɔ ɛhã fale bɛ nwo kyɛ, “Si ɛhene ne mbanyi ma me” ne, bɛwɔ nisua?

Hosea 13:11

Mvɛle yaa nzili hene mane ɛmɔ, na nyele ye mvili berɛ wɔ m’ahonehulɛ nu.

Hosea 2:11

Ngɔma ye ahurusililɛ ne amukoraa bo kɔpɛ, yeɛ ye aluolue ngyẽa mɔ, ye ɛsraen foforɛ mɔ, ye afofingyẽa ne ye aluolue bɔ bahyehyɛ amukoraa.

Lewitikɔso 8:7

Ɔfale ataadeɛ aguasoɛ ne wurale Aarɔn, ɔfale abɔsoɛ ne bɔle ye, ɔfale ataadeɛ tendenn ne wurale ye, ɔfale ɔsɔfo ataadeɛ ne wurale ye, na ɔfale ɔsɔfo ataadeɛ abɔsoɛ bɔ bali adwii bagua nu ne bɔle ye nu mane ataadeɛ ne anu miane.

Sakaria 10:2

Ofikyɛ abusua amoen nemɔ kekã ngwaseasɛm, ahɔmeɛ nemɔ benwu nnakannaka dwirɛ, na bɛ laleɛ nu dwirɛ bɔ bɛkekã ne, ɔte ngondombo; bɛkyekye ɛmɔ wora mbaen. Yiti maen ne kyinikyini kyɛ mmoaen, bɛyɛ anwumvo, ofikyɛ neafoɛ biala nne berɛ.

Sakaria 13:2

“Sɔ kyẽa ne, ngonunu mmosoen dumaa boso ngofi aseɛ ne aso, bɔ ɔnate so bɛngɔkaye bɛ ko ɔ; yeɛ ngotu ngɔmhyɛlɛfoɛ ne sunzum tɛɛ bo ngofi aseɛ ne aso, Asafo AWURADE noa dwirɛ ɛne.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Yohane 19:15

Na bɛteateane nu kyɛ, “Fa ye kɔ! Fa ye kɔ! Bɔ ye mmeamudua nu!” Na Pilato bisale bɛ kyɛ, “Mmɔ ɛmɔ Hene ne mmeamudua nu anaa?” Na asɔfo mbanyi nemɔ buale kyɛ, “Yɛ de, yɛlle hene biala kyɛ Kaesare.”

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

Maenbulɛfoɛ 17:5

Sɔ biaa Mika he, né ole amoen asɔneyɛɛ. Ɔpale ɔsɔfo ataadeɛ, na ɔyɔle abusua amoen. Ɔhyɛle ɔwa bienzua ko sɔfo maa ɔyɛle ye sɔfo.

Maenbulɛfoɛ 18:14

Yeɛ mmienzua nnu bɔ bɛɛtetɛle Layise aseɛ ne, besele bɛ mmango nemɔ kyɛ, “Aso ɛmɔse kyɛ ɔsɔfo ataadeɛ, abusua amoen, ɔne buralɛ amoen wɔ sua hemɔ anu ɔ? Bɔ odi kyɛ ɛmɔyɔ ne, nna ebie yeɛ ɔbaahyire ɛmɔ ɔ.”

Maenbulɛfoɛ 8:27

Gideon fa yɔle amoen bɔ ɔte kyɛ ɔsɔfo ataadeɛ, na ɔsɔle amoen ne wɔ ye kuro Ofra. Yisrael maen amukoraa sɔnene amoen ne, na ɔɔyɛle ngaen mane Gideon ne ye abusuafoɛ.

1 Samuel 14:3

Né Ahiya boka bɛ so wɔ berɛ. Ye yeɛ né owura ɔsɔfo ataadeɛ ne ɔ. Ɔse ole Yikabode aliɛma Ahitubo, bɔ ɔse ole Finehase, bɔ ye koso ɔse ole AWURADE sɔfo Eli bɔ né ɔwɔ Silo ne. Né koɛhonɛfoɛ nemɔ nze kyɛ Yonatan afi berɛ ahɔ ɔ.

1 Samuel 15:23

Ofikyɛ ɛlɔenyɛlɛ ɔte bɔne kyɛ ahɔenlilɛ ne ala, yeɛ asoserɛ te kyɛ amumuyɛɛ ne amoensɔlɛ. Na ɔnate kyɛ apo AWURADE dwirɛ ne ati, wɔ hene bɔ edi ne, ye koso waye ye sa wafi wɔ bo.”

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.

1 Samuel 21:9

Yeɛ ɔsɔfo ne buale kyɛ, “Filistiniɛ Goliate bɔ ehuni ye wɔ Ela bɔnza ne anu ne, ye ngrandɛ ne wɔ wa. Bafa ɛtena bakyekye ye nwo, na ɔla ɔsɔfo ataadeɛ ne asi dɔ. Sɛ ekuro kyɛ ɛfa a, fa, ofikyɛ ngrandɛ biala nne wa ko, sana ɛhe ala.” Na Dawide buale kyɛ, “Ngrandɛ biala ne ye nzɛ, fa ma me.”

1 Samuel 22:18

Na Nana Sɔɔlo sele Dɔɔgye kyɛ, “Wɔ Dɔɔgye, kɔ asɔfo nemɔ so kohũhũ bɛ!” Na Edomniɛ Dɔɔgye hɔle asɔfo nemɔ so oohuhuni bɛ. Sɔ kyẽa ne, ohuni mmenia aburawɔtwɛ ne nnu bɔ bewura ɔsɔfo ataadeɛ bɔ ɔte nwera ɔ.

1 Samuel 23:6

Mmerɛ bɔ né Ahimɛlɛke awa Abiata ɔnwati kɔ Dawide berɛ wɔ Keila nen, ɔfale ɔsɔfo ataadeɛ ne hɔle.

1 Samuel 23:9

Na Dawide tele kyɛ Sɔɔlo abɔ ye ti so porɛ nen, osele ɔsɔfo Abiata kyɛ, “Fa ɔsɔfo ataadeɛ ne bra.”

1 Samuel 30:7

Yeɛ Dawide sele Ahimɛlɛke awa ɔsɔfo Abiata kyɛ, “Fa ɔsɔfo ataadeɛ ne brɛ me.” Na Abiata fale ɔsɔfo ataadeɛ ne brɛle ye.