Hosea 3:1 - AHYERƐLƐ KRONGRON

¹ Yeɛ AWURADE sele me kyɛ, “Sa kohuro braa adwamanbɔlɛniɛ bɔ ɔte agyaasɛkyelɛniɛ ne, kyɛbɔ AWURADE kuro Yisraelfoɛ dwirɛ, nakoso bɛso nyameɛ foforɛ mɔ, ná bekuro borɔdoma bɔ babobɔ ye kunguma ɔ.”

Hosea 3:1 Iomraidhean Croise

2 Samuel 6:19

Na ɔhyɛle aleɛ mane Yisrael maen ne anu mmienzua ne mmrasua mukoraa. Ebiala nyane paanoo mumua ko, naen porɛ ko ne bobe taterɛ ko. Na afei ebiala hɔle ye awuro.

2 Ahemvo 13:23

Nakoso AWURADE lole bɛ, na onwuni bɛ anwumvoin. Ɔnate ye apam bɔ ɔne Abraham, Yisake ne Yakob yɛle ne ati, ɔpɛnene ye nye neane Yisrael. Na wangukũ bɛ, yeɛ wambɛ bɛ asue wamvi ye nyunu maa waadwu ɛnɛ.

1 Aberɛso Dwirɛ 16:3

Na ɔhyɛle aleɛ mane Yisrael maen ne anu mmienzua ne mmrasua amukoraa. Ebiala nyane paanoo mumua ko, naen porɛ ko ne bobe taterɛ ko.

Nehemia 9:31

Nakoso ɔnate w’anwumvoinnwunɛ kandinga ne ati, annua bɛ boso, yeɛ anye wɔ sa amvi bɛ bo, ofikyɛ ɛte Nyameɛ bɔ ɛdo sona ná ɛse anwumvoin ɔ.

Edwein 123:2

Amba, kyɛbɔ ngoaa bɛ nye la bɔ bɛ mene ɔfa ma bɛ so, ɔne kyɛbɔ afaneɛ ye nye la bɔ ye mene brasua ɔfa ma ye so ne, sɔ ala yeɛ yɛ nye la AWURADE yɛ Nyameɛ so ɔ, kɔpem kyɛ okonwu yɛ anwumvoin ɔ.

Ɛksadɔso 32:6

Bedwɔsole alebahyene bɛbɔle naen yeralɛ afɔleɛ ne asomdwee afɔleɛ. Mmenia ne tenane ase bedidili bɛnone, na bedwɔsole begole.

Edwein Nu Dwein 2:5

Ɛ́mɔma me bobe mmaa taterɛ ma nya anwoserɛ, ɛ́mɔma me aprɛ maa me nwo sande me, ofikyɛ ehurolɛ abɔ me anwonyerɛ.

Yesaya 45:22

“Aseɛ so maen maen amukoraa, ɛ́mɔsa bɛ si bɛ́bra me berɛ beenya ngoa! Ofikyɛ me yeɛ nde Nyameɛ ɔ, na ebiala nne berɛ ko.

Yeremia 3:20

Amba, brasua bɔ onni nahorɛ ne, kyɛbɔ onni nahorɛ mma ohu ne, sɔ ala yeɛ Yisrael awuro ama, ɛmɔanni nahorɛ bamma me ɔ, AWURADE noa dwirɛ ɛne.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Hosea 11:8

Ao Efraim, ɔkɔyɛ sɛɛ né maye wɔ mama? Ao Yisrael, ɔkɔyɛ sɛɛ né maye me sa mafi wɔ bo? Ɔkɔyɛ sɛɛ né masɛkye wɔ kyɛ Adema? Ɔkɔyɛ sɛɛ né mabɔ wɔ tɔɔ kyɛ Seboyim? Me nyaa woso wɔ me kunu, ao, m’anwumvoinnwunɛ ayɛ piri paa.

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’

Hosea 4:11

Gyanderabɔlɛ ne nzaa, yeɛ nzaa foforɛ yeɛ owua sona adwene ɔ.

Hosea 7:5

Yɛ hene ne, ye kyẽa ne, ye mbanyi mɔ bɛnone nzaa bɛyɛle tendaenn; ɔne ngorohoɛfoɛ yeɛ betu nu ɔ.

Amose 2:8

Ndena bɔ bafa basi bɛ berɛ awowaa ne, bɛfa bɛsesɛ afɔleɛ bokyea biala anwo bɛda so, na bɛtɔ mmenia bedi a, nu nzaa ne, bɛno ye wɔ bɛ nyameɛ mɔ awuro.

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Mika 7:7

Yiti me de, AWURADE yeɛ me nye la ye so ɔ; ngɔfa me wora ngowura me ngoalelɛ Nyameɛ nu; me Nyameɛ kotie me.

Sakaria 1:16

Yiti AWURADE nwa nyoo: Anwumvoin yeɛ mafa mapɛ me nye maanea Yerusalem ɔ; berɛ yeɛ bekosi m’awuro ne ɔ, Asafo AWURADE noa dwirɛ ɛne, na bɛkɔfa nyamaa bɔ bɛfa besusu nikyee ne yeɛ bekosusu Yerusalem ɔ.

Mateo 26:50

Yeɛ Yesu sele ye kyɛ, “Me damvo, ɛwale wa kyɛ ɛbaayɔ nzu?” Yeɛ bɛwale Yesu so bɛfale bɛ sa bɛsosɔle ye nu bɛhyele ye.

1 Korintofoɛ 10:21

Ɛmɔngɔhora bɛngɔno Awurade kulie noa, ná ɛmɔano sunzummɔne mɔ koso bɛ kulie noa. Ɛmɔngɔhora bengodidi Awurade poen so, ná ɛmɔasa badidi sunzummɔne mɔ bɛ poen so.

1 Korintofoɛ 10:7

Nnɛma ɛmɔso bosoen kyɛbɔ bɛ nu biemɔ yɔle ne, kyɛbɔ bahyerɛ kyɛ, “Mmenia ne tenane ase bedidili bɛnone ná bedwɔso begole.”

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.

Maenbulɛfoɛ 9:27

Bɛhɔle fieso, na bɛɛtetele bobe befili bɛ bobe boo mɔ nu. Behwini bɛyɛle nzaa, na bɛfa bɛgyele bɛ nye. Yeɛ bɛhɔle bɛ bosoen asɔneyɛɛ sua nu. Bedidili bɛnone, na bɛgorole Abimɛlɛke nwo.