Hosea 2:9 - AHYERƐLƐ KRONGRON

⁹ Yiti ngosa ngɔwa ngoole m’aburoo wɔ ye buberɛ nu, yeɛ me nzaa wɔ ye mmerɛ nu, na ngosa ngole me kundu ne me gyese bɔ mva ngatale ye nwo ne.

Hosea 2:9 Iomraidhean Croise

Hesekiel 16:27

Yiti tie, ndwene me sa wɔ wɔ so, ndele w’aleɛ bɔ mva mane wɔ ne aso, na wɔ pɔfoɛ Filistifoɛ mmaa mmrasua bɔ wɔ bra fiɛ ne yɛle bɛ nya ne, mvale wɔ nwurale bɛ sa.

Hesekiel 16:39

Ngɔfa wɔ ngowura bɛ bɔ ekuro bɛ nemɔ sa, na bekodwiri wɔ simbini ne bekogua, yeɛ bekobubu wɔ mmosoen asɔneyɛɛ nemɔ koso bekogua. Bekopuro wɔ nwo ndaadeɛ, bekole wɔ mbembenanneɛ nyemenenyemene nemɔ, ná bayakyi wɔ kwaterekwa maa wɔ nwo ala so.

Hesekiel 23:26

Bɛkɔpa wɔ nwo tena, ná basesa wɔ mbembenanneɛ nyemenenyemene ne koso bahɔ.

Daniel 11:13

Ofikyɛ sorɔ dɔ hene ne kɔboaboa ɛlɔen pee noa bɔ ye somaa tra daa deɛ ne ɔ, na okosa kɔwa; na afoɛ biemɔ asi ne, ɔkɔfa ɛlɔen kandinga ne koɛhonɛ nningyein pee kɔwa.

Hosea 2:3

Wamma ye sɔ a, ngɔpa ye nwo maa ye nwo kɔla so kyɛ kyẽa bɔ bɛwole ye ɔ; ngɔmaa ɔkɔyɛ kyɛ aseɛ pralaa so, ná wayɛ kyɛ aseɛ katerepee, na ngɔmaa nzuhɔen kohũ ye maa okowu.

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.

Hosea 9:2

Nekaa bɔ bɛboro aburoo ne nekaa bɔ betwi nzaa ɔ, ɔngɔma bɛ bɛ noa aleɛ, yeɛ nzaa foforɛ ne ngɔpe ngɔma bɛ.

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Sefania 1:13

Yiti bɛ nningyein kɔkakyi nningyein bɔ mmenia kɔfẽ kɔfa ɔ, na b’awuro mɔ kɔkakyi dandue. Bekosisi sua de, nakoso bɛngɔtena nu; bɛkɔyɔ bobe boo mɔ de, nakoso bɛngɔno ye nzaa ne bie.”

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Malaki 3:18

Na afei ɛmɔkosa bɛkɔwa, na ɛmɔkonwu nzonzoleɛ bɔ ɔla teneneeniɛ ne bɔnefoɛ b’afia ɔ, yeɛ bɔ ɔla sona bɔ ɔso Nyameɛ ne bɔ ɔnzo ye ɔ b’afia ɔ.